kuch upyogi totke brajvasi sant baba pafatah sinh ki kalam se... grahajanya doshon se mukti ke chamatkari totke ye totke 40-43 din tak lagatar suryoday se suryast ke madhya hi karne chahie. bich men yadi koi badha a jae to inhen fir se nae sire se aranbh kiya ja sakta hai. surya surya ki ashubh sthiti ke falasvarup hone vali samasyaon se mukti pane ke lie ravivar ko bahte pani men gur pravahit karna chahie. yadi surya lagn men v shani satven bhav men ho athva surya aur shani ki yuti ho, to jatak ko pitri sukh nahin mil pata. iske atirikt uski stri bimar rahti hai. vah svayan kamasakt hota hai. shani ashtam men ho, to purush kai vivah karta hai, kyonki uski striyan marti rahti hain. mangal pancham men ho, to jatak ke putron ki akal mrityu hoti hai. surya lagn men ho aur satvan bhav khali ho, to jatak ki shadi 24 varsh ki ayu ke pahle nahin hoti aur 24 van varsh atyant dukhdayi hota hai. use apne ghar men kuan khudvana ya chapa kal lagvana chahie. surya satven bhav men aur shani lagn men ho ya surya ko dekhta ho, to jatak ke putra santan nahin hoti. uske ghar men kalah aur garibi rahti hai. use bina sing ki kali gay ko roti khilani chahie aur tanbe ka ek chaikor tukra gar dena chahie. sath hi bhojan ka kuch ansh agni men ahuti ke rup men dalna chahie. yadi surya satven bhav men ho, to jatak ke stri se algav, vyapar men hani, bhagidaron se jhagre adi ki sanbhavna rahti hai. in samasyaon se bachav ke lie mitha khakar pani pi lena chahie. chandra chandra ashubh ho to jatak ke mata-pita bimar rahte hain, uske ghar men ashanti rahti hai, vah mansik tatha sharirik kasht grast rahta hai. iske atirikt use dhan ki hani hoti rahti hai. in samasyaon se mukti ke lie ravivar ki rat sirhane ke samip safed dhatu ke bartan men dudh rakh kar sona chahie aur subah uthte hi vah dudh pipal ya kikar ki jar men bina bole dal dena chahie. yadi akela chandra ashtam men ho aur uske shatru grah jaise budh adi lagn men hon to jatak ko uski 34 varsh ki ayu tak vishesh kasht hota hai. use ti.bi., gurde ki bimari, mirgi athva kainsar hone ki sanbhavna rahti hai. isse bachne ke lie use nimnalikhit upay karne chahie. ghar men shmashan ghat ke kuen ka pani rakhen. ghar men bujurgon ke pair chuen v bachchon ko dudh pilaen. chandi ka chandra banakar uska pujan karen. yah kriya tab tak karte rahen jab tak labh n ho jae. chandra ketu ke sath kisi bhi bhav men ho to dushit hota hai. is yog se prabhavit jatak ke uski dadi ke jivit rahne tak putra santan nahin hoti. use apne ghar men sthit chapa kal ka pani jis shila par girta ho us shila ko hamesha svachch rakhna chahie. uski stri ko apne netra v mastak dugdh mishrit jal se niyamit rup se dhote rahna chahie aur bhairon mandir men dudh charhana chahie.
Kya aapko lekh pasand aaya?
Subscribe