chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
pretbadha se mukti hetu upay
û yah prayah dekha gaya hai ki bhut-pret ki badha koi ghatak nahin hoti hai. kintu log iske nam se adhik bhaybhit ho jate hain. atah mansik chintan evan unki soch itni kamjor ho jati hai ki unki buddhi yah samjhne men asamarth rahti hai ki ve dusri badha se pirit hain. jitne bhi sadhak, yogi, mahatma hue hain ve sab dehdhari the jinhonne in chijon par adhipatya jama liya tha tatha sadhkon ke bhay se ye ruhen thar-thar kanpti hain ki jinhonne apne atm gyan se, athva brahm gyan se svayan ko jagrit kiya hua hai, ve amar hain.
1. upay jis din hast nakshatra ho aur dagdh adi tithi, var ya bhadra n ho us roj champa ki jar ko lakar tatha uske sath tulsi, kali mirch rakhakar tabij men bharakar tabij ko lal kapre men bandhakar tatha un shri hanumte namah ka 21 bar mantra jap karke gale men bandh den ya lal dhaga men gale men latka den. is samasya se turant chutkara mil jaegi.
2. upay lahsun ke ark men hing pisakar evan kapur ki tikki ko pisakar ras men milakar donon ankhon men ek sath kajal laga den. kajal lagate samay un shri hanumte namah mantra 11 bar bol kar kahen ki apni ankh kholakar dekho tum thik ho. uske sharir se upri badha hat jayegi. abhichar upay trifla churn ko sabhi jante hain jisko harar, bahera v anvla se banaya jata hai.
baher ke vriksh ke patte purvafalguni nakshatra men lakar use apne makan men sanbhal kar rakh len. isse apke shatru dvara tona-totka, tantra, mantra abhichar adi ka prabhav us makan men parivar ke sadasyon par nahin chalega. sabhi kriyaen nasht ho jati hain. ghar men sukh-samriddhi ke lie jiske ghar men achanak rupye paise jevar adi gayab ho jate hain. ghar men amdni par ankush lag jata hai. ghar se bimari nahin niklti hai. aushdhiyan bimari par apna prabhav nahin rakhti hain. ghar men achanak ag lag jati hai. kapron men ag lag jati hai.
shadi vivah ruk jate hain. jo vyavsay evan sarvis karte hain unko koi labh nahin mil raha hai. jinke grih dosh pitar dosh, shatru dosh tantra mantra tona totka dosh se pirit hain ve yah upay karen. pitron ka ganga snan, brahman bhoj, brahmanon ki puja, shrimadbhagavat katha ka path, satyanarayan bhagvan ki puja/ramayan men sundar kand ka path bajrang ban ka path, kisi yogya vidvan bhakt se karane se ye sabhi dosh samapt ho jate hain. aur ghar men sukh-samriddhi ane lagti hai.