pukhraj pukhraj’ guru gunon vala ratn mana gaya hai. pukhraj pila, lal tatha safed rangon men bhi paya jata hai tatha ise divya gunon vala ratn bhi mana gaya hai. iski parakh ke lie agar kanch ke gilas men gay ka dudh bhar kar ise dal den, to ek ghante bad pukhraj ke rang ki kiran upar satah tak jati pratit hoti hai. ise guruvar ko din men suvarn anguthi men, dhanu, athva min lagn men dharan karna chahie. vibhinn lagn aur pukhrajah mesh lagnah mesh lagn ki kundli men guru grah bhagya bhav tatha barhven (hani) bhav ka svami mana gaya hai. islie pukhraj dharan karna uchit nahin mana gaya hai. parantu dekhne men ata hai ki agar patrika men guru grah pratham, pancham, navam bhavon men ho, to ise dharan karne se labh hota hai. vrish lagnah jin jatkon ka janm vrish lagn men hota hai, unki patrika men guru grah ashtam bhav tatha labh bhav ka svami hota hai, parantu lagnesh se iska antarvirodh hota hai. astu, dharan karne se pukhraj sharir ko kasht deta hai. islie ise nahin dharan karna chahie. mithun lagnah jin jatkon ka janm mithun lagn men hota hai, unke lie guru saptam bhav tatha dasham bhav ka svami hota hai tatha donon bhav kendra bhav hain. astu, guru grah ki budh ke sath mitrata hoti hai. aise jatkon ko pukhraj dharan karne se labh hota hai. kark lagnah jin jatkon ka janm kark lagn men hota hai, unke lie guru grah shashth bhav tatha bhagya bhav ka svami hota hai. unke lie pukhraj anukul nahin rahta hai. sinh lagnah jin jatkon ka janm sinh lagn men hota hai, guru grah unke pancham tatha ashtam bhav ka svami hota hai. unko bhi pukhraj dharan nahin karna chahie. kanya lagnah jin jatkon ka janm kanya lagn men hota hai, guru grah unke sukh tatha saptam bhav ka svami hota hai. unko pukhraj dharan karne se labh hota hai, kyonki dono bhav kendra bhav hain tatha budh grah se guru grah ka mitravat sanbandh hota hai. tula lagnah jin jatkon ka janm tula lagn men hota hai, unke tritiya tatha shashth bhavon ka svami guru grah hota hai tatha lagnesh se shatruvat bhav guru ka hota hai. astu, in jatkon ko pukhraj nahin dharan karna chahie. vrishchik lagnah jin jatkon ka janm vrishchik lagn men hota hai, guru grah unke dvitiya bhav tatha pancham bhav ka svami hota hai. unko santan tatha dhan sanbandhi kasht nivaran ke lie pukhraj dharan karne se labh hota hai. dhanu lagna: jin jatkon ka janm dhanu lagn men hota hai, unke lie guru grah lagnesh tatha sukhesh hota hai. astu, unke lie pukhraj vishesh labhkari hota hai. makar lagna: jin jatkon ka janm makar lagn men hota hai, unke lie guru grah barhven bhav tatha tritiya bhav ka svami hota hai. unko pukhraj nahin dharan karna chahie. kunbh lagna: jin jatkon ka janm kunbh lagn men hota hai, unke labh bhav tatha dvitiya bhav ka svami guru grah hota hai. unko pukhraj dharan karne se vishesh labh hota hai. min lagna: jin jatkon ka janm min lagn men hota hai, unke lie guru grah lagnesh hota hai. unke lie pila pukhraj labhkari hota hai, kyonki guru sharir tatha karm bhav ka svami hota hai. anya vicharah ank shastra ke hisab se jin jatkon ka janm 3, 12, 21 tatha 30 tarikhon men hota hai, unka mulank 3 mana jata hai. 3 ank guru grah ka mana gaya hai. unhen bhi pukhraj dharan karne se labh hota hai. jin jatkon ke janmank men brahman varn men janm ka sanket hota hai, unhen safed pukhraj dharan karne se labh hota hai. jin jatkon ka janm kshatriya varn men hota hai, unhen gulabi, athva lal pukhraj dharan karna chahie. jin jatkon ka janm ‘vaishya varna’ men hota hai, unhen pila pukhraj dharan karna chahie. shvet pukhraj gyanavardhk
Kya aapko lekh pasand aaya?
Subscribe