kalasarp dosh nivaran ke saral upay nirmal kothari yah nirvivad satya hai ki kalasarp yog ka nirman manushya ke purva janm ke prarabdhon ka parinamasvarup hota hai. iska sanbandh sidhe pitri lok se hota hai. jatak yadi rahu aur ketu ke anisht nivaran hetu upay karta rahe, to is yog ke bure prabhavon se raksha hogi aur uska jivan sukhamay rahega. yahan kalasarp yog janya doshon se mukti ke kuch upayon aur tajjanya vidhiyon ka sankshipt vivaran prastut hai. havan rup men ye upay varsh men kam se kam ek bar avashya karne chahie. upay ke lie nag panchmi ya kisi bhi krishnapaksh ki panchmi ka din sarvadhik upyukt hota hai. avashyak samagri - sadhak ke dharan hetu bina dhule shvet vastra. pujan hetu nag-nagin ka chandi ka jora, rajat patra par ankit rahu-ketu yantra. chandi ke abhav men nadi se lai gai mitti se bhi nag-nagin ka jora banaya ja sakta hai. shiv evan nag puja men lagne vali samast samagri. havan hetu sarson ka tel, kale til, devdar, haldi, lodh, bala, fut, laja, musli, nagar motha, kasturi, lochan, sarpankh adi. vidhi sarvapratham puja sthal ko gobar se lipakar us par vedi ka nirman karen. fir svastik adi nirmit kar rahu-ketu yantra sthapit karen aur uske samip jal ka kalash evan nag-nagin ka jora sthapit kar vidhavat amantran pujan karen. pujan ke dauran shuddh ghi ka dipak jalaen tatha use antim samay tak jalne den. tatpashchat hath jorakar pahle rahu ka aur fir ketu ka dhyan karen. fir sarp ka dhyan karen aur tab rahu, ketu aur nag stotron ka path karen. iske bad rahu aur ketu kavach ka path karen. fir kal aur sarp ki prarthana karen. yah sab karne ke bad mansa devi nag prarthana karen. dhyan prarthana ke pashchat havan ki agni prajvalit karen tatha agni dev ka avahan evan pujan kar niche ullikhit mantron ki batae gae niyam ke anusar ahutiyan den. ¬ bhran bhrin bhraun sah rahve svaha (108 ahuti) ¬ pran prin praun sah ketve svaha (108 ahuti) ¬ hin tatkarini vishharini vishrupni vishan han indrasya v nren namah svaha. (108 ahuti) ¬ namo'stu sarpebhyo ahirav bhogaiah svahaah (108 ahuti) athva ¬ bhujgeshay vidyamhe sarparajay dhimhi tanno nagah prachodyat. mahamrityunjay mantra (108 ahuti) iske pashchat purnahuti kar apne prarabdh karmon ke samast ashubhflon se mukti evan sukh-samriddhi aur aishvarya ki prapti hetu prarthana karen. taduprant kalash ke jal se dhokar nag-nagin ka jora avashyak dakshina sahit dan karanen. kalash ka kuch jal apne upar chirakar shesh jal tulsi ko arpit karen. havan ke pashchat vyavhrit havan samagri ko bahte jal men visarjit karen. yah prakriya kam samay aur kam dhan men sanpann hone vali purnafaladayi prakriya hai. ise jatak svayan bhi bina kisi vishesh margadarshan ke sanpann kar sakta hai. anya saral vidhi sava kilo ate ka halua banvaen. use kanse ki thali men dhernuma rakhen. is dheri ke madhya men thali ke tal tak gaddha banaen. ismen nag-nagin ka chandi ka jora rakhen aur vidhivat pujan karen. tatpashchat us gaddhe ko sarsane ke tel se bhar den aur usmen apna chehra dekhen. fir nag-nagin ke darshan karen. ukt prakriya ke pashchat nag-nagin sahit puri thali mandir men dan kar den. jo log halua banakar ukt prakriya nahin kar sakte hain, ve nariyal nag mandir men arpit kar foren aur fir uska adha bhag prasad rup men vitrit kar den aur adhe bhag men nag-nagin ka jora rakhakar pujan adi kar upar varnit kriya karen. mahalya ke dinon men pratidin panch rotiyan banvaen aur unmen se pahli roti ko khir athva gur aur ghi ke sath 11 ahuti ke rup men agni ko arpit karen, dusri roti 11 kaur ke rup men chat par kauvon ko khilaen, tisri gay ko, chaithi kuÿo ko aur panchvin roti bhikhari ko den.
Kya aapko lekh pasand aaya?
Subscribe