jyotish ka mahatvapurn bhag falakathan hai. isi gun ke karan use vedon ka netra kaha jata hai. bhavishya ko janne ki chah pratyek vyakti ko hoti hai, sankat tatha pareshani men yah chah aur bhi barh jati hai. bhavishya ko vyakt karne ki duniya ke alg-alag dharmon men alg-alag paddhatiyan hain. sarvadhik prachlit tatha vishvasniya vidhi janmapatri ka vishleshan hai. janmapatri vishleshan ke kuch mahatvapurn bindu hain jo jivan ki mahatvapurn ghatnaon ka sanket dete hain. inmen pramukh hain:
jatak ka mahadsha kram, ashtakavarg evan gochar tatha nakshatron ke vibhinn charan tatha unse grahon ka gochar. vaise to janmapatri vishleshan ke kai sutra hain yatha - yog, varg kundliyan, tith, var, paksh, mas, nakshatra janm fal, grahon ke sanbandh ityadi lekin bhavishya kathan men uprokt tin hi nirnayak hain. maharshi parashar ne manav jivan ko 120 varsh ki avdhi manakar mahadsha pranali viksit ki. is mahadsha ka nirdharan janmakalin chandrama ki nakshatratmak sthiti men hota hai.
sabhi 27 nakshatron ko navagrahon men vibhakt kar ek-ek grah ko tin nakshatron ka svami bana diya gaya tatha gahon ke bhi mahadsha varsh nishchit kie gae. yahan mahadsha kram, antar v pratyantar dasha nikalne ki vidhi di ja rahi hai, sirf un binduon ki charcha ki ja rahi hai jo mahatvapurn ghatnakram ka karan bante hain. lagn, pancham v navam bhav janm kundli ke shaktishali bhav hain - inse svasthya, buddhi v santan tatha bhagya ka vichar kiya jata hai. inhen trikon bhav kaha jata hai.
in bhavon men sthit rashiyon ke svami grahon ki mahadsha, antrdsha ya pratyantrdsha sadaiv sukhad parinam deti hai. isi tarah chatha, athvan v vyay bhav duahkh sthan ya trik sthan kahlate hain. inke svami grahon ki mahadsha, antrdsha ya pratyantrdsha kashtakari hoti hai. lagn v navam bhav ke svami grahon ki mamhadsha men chaturth ya saptam bhav ke svami grah ki antrdsha ghar men mangal karya karvati hai.
janm nakshatra se tisra nakshatra vipat, panchvan pratyari tatha satvan vadh sangyak kahlata hai. in nakshatron ke svami grahon ki mahadsha, antrdsha ya pratyantrdsha dukhad parinam deti hai lekin agar ye grah trikon bhavon ke svami hon to parinam mishrit hote hain. dvitiya v saptam bhav marak bhav hanai. inke svami grahon ki dasha-antrdsha yah pratyantar dasha marak hoti hai.
shastron men ath prakar ki mrityu batai gai hai atah mrityu ka arth keval jivan ki samapti nahin hota. vinshottari mahadsha ke atirikt anya dashaon ka bhi prayog hota hai. lekin ashtottari, kalachakra, yogini char tatha mandu mukhya hain. lekin ghatnaon ke nirdharan men vinshottari ki upyogita nirvivad hai. ashtak varg ek vishisht pranali hai jo grahon ke shubh-ashubh prabhavon ko sankhya men vyakt karti hai. iska adhar hai grahon ka grahon par prabhav. jis rashi men jis grah ke shubh ank jyada hon, gochar men us rashi men vah grah apne bhav ka bharpur labh deta hai. lekin is pranali ko jankar jyotishiyon ke madhyam se hi jana ja sakta hai.
ashtakavarg ghatnaon ke nirdharan tatha ayu nirnay men mahatvapurn bhumika nibhata hai. gochar arthat grahon ka rashi path men bhraman aur uska janm kundli ke vibhinn bhavon par prabhav. gochar samanyatah chandra rashi ke adhar par gochar ka nirdharan kar fal kathan kiya jata hai. janm nakshatra se tisra, panchvan, satvan 12van,14van,16van,21van,23van ya 25van nakshatra gochar ke bhav se ashubh hai. in nakshatron se grahon ka bhraman ashubh ghatnakram utpann kar sakta hai.
rashi path 27 nakshatron tatha 108 charnon men vibhakt hai. yahi 108 charan navansh bhi kahlate hain. kuch falitkar jivan bhi 108 varsh ka mante hain. jivan ke ayu tulya navansh men jab bhi koi grah bhraman karta hai to vah apne bhav ka shubh ya ashubh fal avashya karta hai. idhar kuch falitkaron ki vishesh rup se prashn marg ki manyata hai
ki 108 charnon ko yadi janm kundli ke 12 bhavon men vibhakt kiya jae to pratyek bhav men 9 charan aenge. yadi inhen kram se rakha jae ta lagn men 1,13,25,37,49,61,73,85 ya 97van charan parega. in navanshon men jab bhi grah gocharasth honge ve svasthya par apni prakriti ke anusar prabhav dalenge. is pranali men chaturth bhav men parne vala 64van evan 88van charan atyant mahatvapurn hain.
rahu-ketu-shani tatha mangal ka in charnon se gochar atyant kasht deta hai. jyotish men rashiyon ke mrityu bhag ka ullekh ata hai. mesh ka 260, vrish 120, mithun 130, kark 250, sinh 20, kanya 010, tula 260, vrishchik 140, dhanu 130, makar 250, kunbh 50 evan min ka 12van ansh mrityu bhag hai. lagn se 210 se 220 anshon ko mahakashtakari mana jata hai.
in anshon se grahon ka gochar kasht hi deta hai. yahan un vishisht binduon par prakash dala gaya hai jo ati sanvednshil hanai. gochar ke fal to rashi ke anusar patra-patrikaon men dainik, saptahik, masik, v varshik fal ke rup men chapte hain, kintu ye ati samanya fal hote hain. vishisht v vyakti vishesh ke jivan ke ghatnakram janne ke lie in sanvednshil binduon ka nirdharan v jankari avashyak hai. pashchimi jagat men ek prasiddh jyotishi hue hain rinold ibartan. inhonne ek siddhant pratipadit kiya tha thyori aef mid paeint. ise do grahon ke madhya ka atipravi bindu bhi kaha jata hai.
is bindu par gochar turant parinam deta hai. jivan ke mahatvapurn ghatnakram ko janne men sudarshan chakra vidhi bhi atyant upyogi hai. yah chakra lagn, ravi v chandra kundli ke adhar par nirmit kiya jata hai. lagn varsh, chandra kundli din tatha ravi lagn ghatna ka mahina batata hai. bhavishya kathan ek apsadhya prakriya hai.
janmapatri ka ganbhir adhyayan ek sadhna hai jismen ekagrata ki avashyakta hoti hai. jivan ke bhavi ghatnachakra ko janne ke liye man, vachan v karm se shuddh aur satvik jyotishi se hi paramarsh karna chahie. hotal, klab, rel, park men aur ratrikal, grahan, amavasya tatha jyotishi ke mansik kasht ke samay janmang ka vivechan nahin kiya jana chahie.
jatak ke jivan ke bhavi ghatnakram ko batate samay jyotishi ka chandrama balvan hona chahie tatha jatak ke chandrama se trikbhav men nahin hona chahie. falit jyotish bhavishya ka margadarshak hai. yah jivan men honevali mahatvapurn ghatnaon ka shastrokt vidhi se sanket de sakta hai.