jyotish ka adhar is prakar karm hai, karm ki gati gita ke anusar gahan hai (2) arthat yah thik se samjhi nahin ja sakti. ismen vaisi nishchayatmakata nahin hai jaisi ki adhunik vigyan men apekshit hoti hai. karm ka mekeniks yog darshan (3) ke anusar yah hai ki sanchit karm men se jo karm pradhan karm hote hain ve hi prarabdh ban jate hain. yahi prarabdh is janm men jati arthat manushya ya pashu-pakshi ka sharir, ayu aur bhog in tin ka karan banta hai. is prarabdh men ashirvad, shap daivi anukampa, svayan ka purusharth aur kuch aniyat vipak sanchit karm bich-bich men ultfer karte rahte hain.
is karan karmafal ka ganit kabhi bhi do-aur do char ki tarah nishchayatmak nahin ho sakta. chahe karmafal napne men grahgti ko adhar banayen, svar vigyan ko ya lakshan, shakun ityadi ko. islie sabse pahle to isi bat par chintan aur shodh hona chahie ki jyotish ka adhar kya hai? iske antarik ghatak karmafal ka aur bahya sanketak grah ka in donon ka pind brahmand sambandh kis prakar ka hai ? vigyan men nishchayatmakata ek anivarya shatrt hai par yah shatrt jad padarthon par hi adhik lagu hoti hai. manushya chaitanya hai islie manushya kendrit sabhi soshal sainses men bhavishya kathan ki parishuddhata bahut hi simit star par dekhi jati hai. par in soshal sainsej men yah jitni bhi hai, yah apni spasht simaon ke sath paribhashit to hai.
islie yadi hamen karmafal ki anishchayatmakata ko grah-gati-sthiti ki nishchayatmakata se jodna hai to hamen sabse pahle jyotish vigyan ki aur iske madhyam se bhavishya kathan ki maryadaen banani hongi. parantu iske pahle to hamen, jyotish kathan patthar ki lakir sadrishya amit hai, manushya ka bhagya grahon ke adhin hai tone totke se karmafal mit jaega jaise ahankari kathan se bachna hoga. fir yadi jyotish ko, samajik vigyan ke simit star par hi sahi, vigyan ka darja dilana hai to jyotish ko anivarya rup se shodh parak hona hoga.
vartaman paridrishya men jyotish ki tinon pradhan shakhaon men, siddhantaganit, sanhita aur falit men shodh ki mahti avashyakta hai, barhvin sadi men bhaskaracharya ne kuch shodh karya kiya par vedh nahin kiya. kuch vedh karya savai raja jaysinh ne vedhshala banvakar avashya karvaya tha. iske bad aj din tak bhartiya jyotish men n to shodh hua aur na vedh hi.
(4) jyotish men shodhkarya ki mansikta viksit karna pahli avashyakta: jyotish men abhi bhi vriddh vachan praman, pustak praman aur apt vakya ko apne anubhav se adhi mahatva dene ki parampara jaisi hai is karan jo baten din ke ujale ki tarah saf hain unhen bhi ham manne ko taiyar nahin hai. iska sabse bada udaharan hai surya ki’ankhin dekhi’ sthiti ki upeksha karna... sabse chota din 21 disambar ko hota hai tab surya bhumadhya rekha se dhur kar dakshin men pahunch jata hai aur isi din se surya uttar disha ki taraf badhna shuru hota hai jise ham uttarayan kahte hain. vedon aur upnishdon men surya ka upar uttar ki or badhna atma ke udhrva arohan ka satvikta ki taraf badhne ka pratik hain
jise parva ka rup diya gaya hai. uttarayan ka parva- is prakar hona to chahie 21 disambar ko jab sabse chota din rahakar surya ke uttarayan hone ke sath din badhna shuru hota hai par ham uttarayan ke is tathya ki upeksha karte hain aur 24 din bad surya ke makar rashi pravesh ko uttarayan mante hain. pahle kabhi uttarayan makar surya pravesh ke samay hi hota tha islie uttarayan ka nam puranon aur dharmashastron men makar sankranti likha gaya tha par lagabhag dusri sadi se uttarayan makar se piche khiskne laga tha aur vartaman men yah uttarayan dhanu rashi ke 5 ansh par surya ke ane ke samay ho raha hai. ham kyon pratyaksh ko chod kar dharm shastron ke dedh hajar varsh purane lekh ko adhar banakar apne hi pratyaksh ganit ko galat kahna chahte hain? idhar ham kahte nahin thakte ki jyotish to chand, suraj ka pratyaksh shastra hai par karte kuch aur hain.
jyotish ko vaidik jyotish kahte hain par vaidik bhavna ki andekhi karte hain. isi prakar dharmashastra jyotish ko kahte to hain ved ka netra -par bechare jyotish ki ankhin ki dekhi n man kar dharmashastra, apni kagaj ki lekhi par ade hue hain aur jyotish ko bhi majbur kar rahe hain ? kyon ? islie ki jyotish men shodh ki sthiti mand hai, shodh ko manyata dilane ka sahas aur agrah nahin hai aur sabse badh kar shodh ko urja dene vali jigyasa ki pravritti samapt pray hai. chathi sadi men varahmihir ne rahuchar adhyay men chandragrahan ka karan prithvi ki chaya aur suryagrahan ka karan chandra bimb ka bich men ana bataya par sath hi dharmashastron ke rahu rakshas ko bhi grahan ka ek karan bata diya isse grahan par janta ki samajh aj tak vaigyanik soch vali nahin ban saki. ho sakta hai varahmihir ko samajik bahishkar ke bhay karan se aisa likhna pada ho par aj kya dar hai? jyotishi panchang men kyon do bar uttarayan dikha rahe hain? uttarayan ki pratiksha karne vale yadi bhishm pitamah aj hote to kya karte? vah do bar ichcha mrityu ka varan kaise karte ? yadi hajaron varsh se shodhit apni hi sahi bat par jyotish dridh nahin rah sakta to jyotish men shodh ki mansikta ki bat karna hi vyarth hai.
isse to lagta hai ki hamen shuru se hi vaigyanik bat ka ghalmel dharmik katha ke sath karne ki adat hai. bhartiya jyotish ka gahan adhyayan karne vale alberuni (11vin sadi) ne to apni pustak ‘bhartvrittant’ ke 45 ven adhyay men aisa akshep kiya bhi hai. islie sabse pahle hamen jyotish men us jigyasa vritti ko badhana hoga jo shodh aur navachar arthat innoveshan ki janni hai. iske lie akash darshan teliskop se nirikshan ka prachar prasar skuli bachchon men karna hoga. yahan ganit sanhita aur falit ke kuch aise kshetron ki charcha sankshep men vichararth prastut hai jinmane shodh ki avilamb avashyakta hai.
1. rohini-mrigshira pravesh se varshagyan par shodh karyah ritu nishth varshaman ke sthan par nakshatra adharit varshaman lene ke karan varsha gyan ke lie surya ka adrra nakshatra pravesh adharit ganit hi ab niradhar ho chala hai kyonki ritu pahle ane ke karan adrra se pahle padne vale nakshatron arthat rohini aur mrigshira men hi lagabhag 2 jun se bharat ke dakshin men varsha ka arambh ho jata hai. islie surya-rohini yog aur surya-mrigshira yog jo 1 jun se 10 jun ke bich hote hain, ke adhar par varsha ka anuman lagane ki disha men shodh karya hona chahie.
2. tithi ke man par shodh karya: isi prakar dharmashastra ki duhai dekar tithi ki adhikatam lambai ‘ban vriddhi ras kshaya’ ke adhar par 60 ghati. ban arthat 5 ghati vriddhi kar kul 65 ghati tak aur nyunatam 60 rin (-) ras arthat 6 ghati ghatakar 54 ghati abhi bhi le rahe hain jabki chandrama ke sanskarit ganit ke adhar par ab tithi ka man ausat 60 ghati men saptavriddhi aur dash kshay tak manya kiya ja raha hai. is matbhed ke karan vrat aur tyauhar ki arambh aur samapan tithi men kai ghante tak ka antar a raha hai is par bhi shodh karya avashyak hai.
3. asman khagoliya vastavik nakshatra vibhajan par shodhkarya: surya siddhant sahit brahmagupt bhaskar adi khagol ganitagyaon ne aur grahlaghvkar ne nakshatron ko paraspar a-saman duri par mana hai aur iska isi anusar ganit bhi diya hai. iske pahle garg ne vyavhar men sarlta ki drishti se 28 nakshatron ko inki a-saman duri ke adhar par tin bhagon men banta hai. siddhant granthon men chandra ki madhyam gati 790 kala aur 35 vikla (800 kala ke sthan par) lekar saman duri ke arthat sam-bhogi ardh bhogi arthat sam se adhe bhog ke nakshatra aur adhrya bhogi arthat sam se dedh guna duri ke nakshatra ye tin vibhajan kie hain. parantu falit jyotish ne aur muhurt jyotish ne bhi lagabhag tisri se chathi sadi se hi nakshatron ko paraspar saman duri par manakar 13 ansh 20 kala ka pahada banakar faladesh karna jari rakha hai. iska sidha parinam yah hua hai ki bahut se nakshatra apne saman bhag ke kshetra ke bahar ho gae hain. arthat panchang men jo nakshatra likha hai us nakshatra par chandrama ya to pahle ata hai ya bad men ata hai. surya siddhant ke ganit se dekhen to nau nakshatra aur lahidi ki efemirij se dekhen to kam se kam chah nakshatra apne saman bhag se bahar hain. varah mihir ne bhi chandra char adhyay men is visangti ko spasht bataya hai. vartaman panchangon ka bhachakra ka saman bhag ka vibhajan kalpanik hai-yah siddh karne ke lie kisi ko sfirikal trignometri sikhne ki jarurat nahin aur n hi siddhant granth dekhne ki jarurat hai. jarurat hai keval jigyasa ki ki dekhen to sach kya hai ap keval panchang men chandrama ka nakshatra dekhiye aur sham ka akash dekhiye.
intrnet par sarvasulabh ‘skaidis vik’ jaise program bhi akash darshan karate hain. yahan asman nakshatra vibhag ke keval do-tin udaharan prastut hain. mrigshira se adrra ki duri ya bhogansh panch ansh matra hai. chitra aur svati nakshatron ke yog taraon ke bich paraspar duri matra 23 kala hai ya adha digri se bhi kam hai jabki svati aur anuradha arthat vishakha ki paraspar anshatmak duri lagabhag 21 ansh hai aur adrra se punarvasu -2 (kestar ya alfa jeminorm) ka antar 21 digri se adhik hai. jahir hai ki vastavikta ke adhar par falit ne kabhi shodh karya hi nahin kiya. falit ki kisi pustak men khagol ganit isilie nahin hota.. tathya to yah hai
ki vaidik kal men nakshatra mandal ka upyog keval surya chandra ki sthiti aur mas ritu adi kal vibhajan ke lie hi hota tha. falit ne ise jatil man kar kalpanik vibhajan kar diya aur to aur jab rashiyan bharat men prachlit hone lagin to bhartiya nakshatra mandal ko rashiyon men fit kar diya gaya. iski badi tarif ki jati hai par tathya to yah hai ki 8 nakshatra prachlit 12 rashiyon men nahin hai anya taramandal men hai: mrigshira adrra -oriyan men, ashlesha vasuki men, hast koravas men, svati butis men shravn-ekvila, uaya garun men, dhanishtha- delfini ya ulupi men , purva aur uttarabhadrapad, hayshir ya pegasis, endromeda taramandal men hain. isaprakar nakshatra aur taramandlon ke bich sambandhon par nae sire se bhi risarch ki jarurat hai.
4. chandratara yog ka falit prabhav par shodh karya: isi prakar chandrama keval 11 nakshatron se anshatmak yog karta hai shesh nakshatron se yah dur se hi helo hay karta hai to donon sthitiyon ka faladesh ek sa kaise ho sakta hai ? kahne ka ashay yah hai ki vastavik akash men drishyaman nakshatra ke adhar par panchang banakar faladesh ko nae sire se janchna aur nae abhilekh taiyar karna shodh ka bada karya kshetra ho sakta hai. nishchit taur par isse falit ki parishuddhata bahut adhik badhegi. pashchim men fiks star estrolaeji par taelemi ka aur viviyan raebsan ka karya uchch koti ka hai jabki hamare yahan ek hi janm nakshatra ke paraspar virodhi faladesh hain. saftaveyar janit janmapatrika men ek hi janm nakshatra ka paraspar virodhi fal ek jagah dekhakar jyotish ko vigyan kahne men apko kathinai hogi.
5. sanhita par shodh karya: nakshatron ki asman vastavik duri ke adhar par hi nakshatron se grahon ka yog akash men dekha ja sakta hai. surya siddhant ke nakshatra-grah yuti adhikar adhyay men varnit nirikshan aur prayog vastavik nakshatra lene par hi sambhav hai. panchang men darshit grah ka nakshatra pravesh vivaran surya siddhant ki drishti se kisi kam ka nahin. is visangti ko chipane ke lie ham surya siddhant ko a-paurushey, bhagvan ka banaya kahakar namaskar kar lete hain. sanhita men grah nakshatra yuti ke nirikshan ke adhar par lokaupyogi bhavishya kathnsutra die gae hain. vastutah sanhita men vyakti ke sthan par samaj desh ko mahatva diya hai arthat varsha, anavrishti, ativrishti, prakritik apda, rajnitik parivartan, bhukamp ka purva gyan, bhugarbh jal gyan jaise lok manglkari vishay ismen hote hue bhi hamne iski hamne dedh hajar varshon se koi chinta nahin ki hai. itihaskar shankar bal krishn dikshit ka kathan hai ki duahkh ke sath kahna padta hai ki varahmihir ke bad sanhita ka vichar v upyog kisi ne bhi nahin kiya hai. yadi aisa kiya gaya hota to yuropiya hamse age nahin badh pate. yah hamare desh ka durbhagya hai ki sanhita par karya ki paranpra age nahin chal saki.
yahi duahkh pro. kedaradatt joshi pradhyapak bi.ech.yu ne tajik nilkanthi ki bhumika men prakat kiya hai. ab ham sanhita jyotish ko dijastar mainejment -apda prabandhan ka ang banane ki disha men shodh karya kar sakte hain aur is prakar apna jyotish ka v vishvavidyalay ka gaurav badha sakte hain.
6. varsha vigyan ko mausmvigyan v rimotsensing se jod kar shodhkarya: varsha hamare desh ki krishi pradhan arth vyavastha ka adhar hai. sanhita ke vibhinn adhyayon men varsha vigyan faila hai jo pratyek din ke 24 ghante akash nirikshan ki apeksha rakhta hai jo tim vark aur dhan sadhan ke bina sambhav nahin hai is kshetra men mausam vibhag se ankde lekar, ji.pi.es sistam aur rimot sensing pranali tim vark aur sansadhan ki madad se varsha ki kshetriya bhavishyavani ke bahut adhik parishuddhata vale siddhant viksit kiye ja sakte hain. jyotish ka yah bahut hi bada yogdan, krishi bagvani arthavyavastha aur apda prabandhan ke kshetra men hoga isse jyotish ko vah samman fir se milega jo sanhita ke karan usne purva men prapt kiya tha aur jise bahut adhik vyakti kendrit hone v rajaon ko yatra v vijay muhurt batane men se usne khoya hai. iske atirikt sanhita ke bhugarbh jal gyan par vanaspati vigyan aur rimot sensing ke sath mil kar shodh karya hona chahie.
7. falit jyotish shodh kshetra: janm patrika se rog ke dayagnosis par pahle se hi karya ho raha hai. is karya ko pashchatya chikitsa vigyan ayurved aur jyotish in tin ke sanyukt vaigyanik adhar par sthapit karne ki jarurat hai. lekhak ne bhi is kshetra men kuch isi prakar ka shodh karya kiya hai jo jagdguru ramanand sanskrit vishvavidyalay rashtriya sangoshti (2008) men prastut kiya gaya tha. isi prakar aj kariyar kaunsiling men bhi jyotish ke shodhaparak margadarshan ki tatkal avashyakta hai kyonki man ki pravritti ko jyotish hi behatar dhang se ujagar kar sakta hai. lekhak ne is par kai rashtriya sangoshthiyon ke sath-sath pragti maidan men fyuchar samachar ke rashtriya ayojan men margadarshan diya hai. isi prakar mata aur shishu ke svasthya men dilivri ki behatar parishuddh tarikh nirdharit karne men bhi jyotish ki sahayta lekar sijeriyan apreshan ki badhti pravritti ko kam kiya ja sakta hai jo mata aur shishu donon ke svasthya aur dhan ki bachat ki drishti se ek sarahniya karya rahega.
8. jyotish ko srishti vigyan aur adhyatm se hi joden : srishti ke rahasya janne ke lie aj kasmolaji arthat brahmand vigyan men apni charam sima par a kar stifan haking yah saval kar rahe hain ki yah srishti kyon bani? main yahan kyon hun? aur kaun hun ? islie jyotish men bhartiya brahmand vigyan evan adhyatm jyotish bhi pathîkram shamil kie jane chahie. isse shodh karya men vyapkta v adhunikta aegi.
9. anubhvi jyotishiyon ko vishesh niyam banakar shodh-gaid banaen: shodh karya men gunavatta ke lie yogya margadarshakon ka abhav hai. jyotish jaise paramparagat gyan kshetra men digri ko gaid ki ekmatra yogyata n mana jae, anubhav, niji star par shodh karya rashtriya sangoshthiyon men prastut pepar, aifas ke risarch jarnal men prakashit shodh patra ko bhi margadarshak ki manyata ka adhar banaya jae taki shodh karya ka vistar ho aur anubhav ka sadupyog bhi ho sake. ke sthan par samaj desh ko mahatva diya hai arthat varsha, anavrishti, ativrishti, prakritik apda, rajnitik parivartan, bhukamp ka purva gyan, bhugarbh jal gyan jaise lok manglkari vishay ismen hote hue bhi hamne iski hamne dedh hajar varshon se koi chinta nahin ki hai. itihaskar shankar bal krishn dikshit ka kathan hai ki duahkh ke sath kahna padta hai ki varahmihir ke bad sanhita ka vichar v upyog kisi ne bhi nahin kiya hai. yadi aisa kiya gaya hota to yuropiya hamse age nahin badh pate. yah hamare desh ka durbhagya hai ki sanhita par karya ki paranpra age nahin chal saki.
yahi duahkh pro. kedaradatt joshi pradhyapak bi.ech.yu ne tajik nilkanthi ki bhumika men prakat kiya hai. ab ham sanhita jyotish ko dijastar mainejment -apda prabandhan ka ang banane ki disha men shodh karya kar sakte hain aur is prakar apna jyotish ka v vishvavidyalay ka gaurav badha sakte hain.
6. varsha vigyan ko mausmvigyan v rimotsensing se jod kar shodhkarya: varsha hamare desh ki krishi pradhan arth vyavastha ka adhar hai. sanhita ke vibhinn adhyayon men varsha vigyan faila hai jo pratyek din ke 24 ghante akash nirikshan ki apeksha rakhta hai jo tim vark aur dhan sadhan ke bina sambhav nahin hai is kshetra men mausam vibhag se ankde lekar, ji.pi.es sistam aur rimot sensing pranali tim vark aur sansadhan ki madad se varsha ki kshetriya bhavishyavani ke bahut adhik parishuddhata vale siddhant viksit kiye ja sakte hain.
jyotish ka yah bahut hi bada yogdan, krishi bagvani arthavyavastha aur apda prabandhan ke kshetra men hoga isse jyotish ko vah samman fir se milega jo sanhita ke karan usne purva men prapt kiya tha aur jise bahut adhik vyakti kendrit hone v rajaon ko yatra v vijay muhurt batane men se usne khoya hai. iske atirikt sanhita ke bhugarbh jal gyan par vanaspati vigyan aur rimot sensing ke sath mil kar shodh karya hona chahie.
7. falit jyotish shodh kshetra: janm patrika se rog ke dayagnosis par pahle se hi karya ho raha hai. is karya ko pashchatya chikitsa vigyan ayurved aur jyotish in tin ke sanyukt vaigyanik adhar par sthapit karne ki jarurat hai.
lekhak ne bhi is kshetra men kuch isi prakar ka shodh karya kiya hai jo jagdguru ramanand sanskrit vishvavidyalay rashtriya sangoshti (2008) men prastut kiya gaya tha. isi prakar aj kariyar kaunsiling men bhi jyotish ke shodhaparak margadarshan ki tatkal avashyakta hai kyonki man ki pravritti ko jyotish hi behatar dhang se ujagar kar sakta hai. lekhak ne is par kai rashtriya sangoshthiyon ke sath-sath pragti maidan men fyuchar samachar ke rashtriya ayojan men margadarshan diya hai. isi prakar mata aur shishu ke svasthya men dilivri ki behatar parishuddh tarikh nirdharit karne men bhi jyotish ki sahayta lekar sijeriyan aepreshan ki badhti pravritti ko kam kiya ja sakta hai jo mata aur shishu donon ke svasthya aur dhan ki bachat ki drishti se ek sarahniya karya rahega.
8. jyotish ko srishti vigyan aur adhyatm se hi joden : srishti ke rahasya janne ke lie aj kasmolaji arthat brahmand vigyan men apni charam sima par akar stifan haking yah saval kar rahe hain ki yah srishti kyon bani? main yahan kyon hun? aur kaun hun ? islie jyotish men bhartiya brahmand vigyan evan adhyatm jyotish bhi pathîkram shamil kie jane chahie. isse shodh karya men vyapkta v adhunikta aegi.
9. anubhvi jyotishiyon ko vishesh niyam banakar shodh-gaid banaen: shodh karya men gunavatta ke lie yogya margadarshakon ka abhav hai. jyotish jaise paramparagat gyan kshetra men digri ko gaid ki ekmatra yogyata n mana jae, anubhav, niji star par shodh karya rashtriya sangoshthiyon men prastut pepar, aifas ke risarch jarnal men prakashit shodh patra ko bhi margadarshak ki manyata ka adhar banaya jae taki shodh karya ka vistar ho aur anubhav ka sadupyog bhi ho sake.