ank shastra ke anusar mulank arthat 1 se lekar 9 tak ke ank navagrahon ke pratik hain. isi prakar darshan shastra ne bhi ankon ke sandarbh men vyakhya ki hai. shikago ke vishvadharm sammelan men svami vivekanand se shunya par bolne ko kaha gaya tha. shunya (0) pratik hai nirgun nirakar brahm ka aur 1 ank us ishvar ka, jo dikhai to brahma, vishnu mahesh tridevon ke rup men deta hai, lekin vastav men vah ek hi hai.
nam-rup ka bhed karya-bhed se hai. 8 ank men puri prakriti samahit hai. yatha- bhumiraponlovayuah khan manobuddhi rev ch. ahankar itiyan men bhinnaprakritirashtadha.. arthat prithvi, jal, tej, vayu, akash, man, buddhi aur ahankar- yah bhagvan ki 8 prakar ki prakriti hai. 108 dvara manushya jivan men sansarik vastuon ki prapti, ishvar ke darshan aur brahm tatva ki anubhuti - jo bhi chahe kar sakta hai. hamari sanson ki sankhya ke adhar par 108 danon ki mala svikrit ki gai hai.
buy detail numerology report
24 ghanton men ek vyakti 21,600 bar sans leta hai. 12 ghante dainik karyon men nikal jate hain to shesh 12 ghante dev-aradhna ke lie bachte hain. arthat 10, 800 sanson ka upyog apne ishtadev ke smaran ke lie karna chahie. lekin itna samay dena sabke lie sanbhav nahin hota, islie is sankhya men se antim do shunya hatakar shesh 108 sans men hi prabhu smaran ki manyata pradan ki gai. manyata ke anusar, ek varsh men surya do lakh solah hajar kalaen badlta hai. surya har chah mahine men uttarayan aur dakshinayan rahta hai.
is prakar chah mahine men surya ki kul kalaen ek lakh ath hajar hoti hain. antim tin shunya hatne par 108 sankhya milti hai. islie mala jap men 108 dane surya ki ek-ek kalaon ke pratik hain, jyotish shastra inhen 12 rashiyon aur 9 grahon se jodta hai. 12 rashiyon aur 9 grahon ka gunanafal 108 ata hai arthat 108 ank sanpurn jagat ki gati ka pratinidhitva karta hai.
chaithi manyata bhartiya rishiyon dvara 27 nakshatron ki khoj par adharit hai. pratyek nakshatra ke 4 charan hote hain. atah inka gunanafal 108 hota hai, jo param pavitra mana jata hai.
buy detail numerology report