acharya varah mihir ne nimn grah yog men jatak ka janm shubh mana hai: shubhan vargottame janm veshisthane ch sadgrahe ashunyeshu ch kendreshu karkaravya graheshu cha’’ (brihat jatak 22.4) arthat lagn vargottam navmansh men ho. surya jis rashi men sthit ho, usse agli rashi men shubh grah (budh, brihaspati ya shukra) sthit hokar ‘‘veshi’’ yog ka nirman kare.
charon kendra grahon se bhare hon. kundli men karak grah sthit hon. karak grahon ki vyakhya karte hue acharya varah mihir kahte hain:
svakrshatungmulatrikon kankeshu yavant adhritaah.
sarva ev te'nyonyakarkaah karmagastu teshan visheshtah.. (bri. ja., 22.1)
arthat jo grah svasthan, svochch tatha svamulatrikon men hokar lagnadi kendra men sthit ho, aur aise hi svasthan adi men sthit anya grah bhi kendra men sthit ho, to donon paraspar karak sangyak hote hain. jo grah kisi dusre grah se dasham sthan men sthit hota hai vah uski apeksha vishesh balkarak hota hai. karak yog (sanbandh) ka udaharan dete hue vah kahte hain:
karkatodygte yathodupe svochchagaah kujymark suryah.
karka nigditaah parasparan lagnasth saklo'mbaranbugah..
arthat kark lagn ki kundli men janm lagn men chandra aur brihaspati, shani chaturth (tula) men, mangal saptam (makr) men aur surya dasham (mesh) men uchch sthit hokar paraspar karak banakar param sahyog karte hain. saravli granth men di gai udaharan kundli is prakar hai:
ravitnyo jukasthah kulir lagne brihaspati himanshu.
meshe kujo raviyut ah parasparan karka aiv.
is kundli men mangal uchch ka n hokar svakshetri tatha digbali hai. anya grah pahle ki tarah hi sthit hain.
bhavarth ratnakar granth ke anusar:
meshe ravi karkatasthau jiv chandrau tula shani.
makarastho bhavaitbhaumo rajyog udiritah.. (bha. ratn., 9.22)
arthat yadi surya mesh lagn men ho, aur chandra tatha brihaspati kark rashi men, shani tula men aur mangal makar rashi men ho, to rajyog ki prapti hoti hai. yah grahon dvara bane karak yog ka fal hai.
upar varnit tinon udaharan kundliyon men 5 grahon ke paraspar kendra sthan men svakshetri athva uchch ke hone ke karan karak yog ka nirman hua, jiske falasvarup paraspar vairi grah (surya-shani, mangl-shani) bhi paraspar karak banakar sahyog karte hain. karak yog ek shreshth rajyog hai.
saravli granth ke anusar:
nichkule sanbhutah karkvihgaiah pradhntan yati.
kshitipti vansh samutyo bhavti narendro n sandehah.
arthat kundli men karak yog hone par jatak uchch pad prapt karta hai. rajkul men janm hone par vah raja hota hai. maharshi parashar ne grahon ke lagn se kendra men sthit hone ke atirikt unke paraspar kendra men hone par bhi karak yog ka nirman mana hai.
aj ke yug men kundli men karak yog hone par jatak rashtrapti, pradhanmantri, rajyapal ya mantri pad pa sakta hai athva apne karyakshetra men pradhan pad prapt kar sakta hai. udaharan kundliyan janm lagn kark hai jismen svakshetri chandra sthit hai. chaturth bhav men svakshetri sh a u kra h ai . d a e svakshetri shubh grahon ke paraspar kendra men hone se shubhkarak yog ka nirman hua.
nehru ji ne svatantrata sangram men sangharsh ke pashchat 15/8/1947 ko svatantra bharat ke pratham pradhanmantri ka pad grahan kiya aur mrityuparyant us pad par bane rahe. shahrukh khan ka lagn sinh hai. chaturth kendra men mangal tatha saptam kendra men shani donon svakshetri hokar karak yog ka nirman kar rahe hain. panchmesh brihaspati ki pancham sthit shukra par, lagnesh surya par tatha saptamesh shani par drishti hai.
kundli men veshi, shash, malavya aur ruchak yog bhi hain. pancham sthit dashmesh shukra par brihaspati ki drishti ne unhen film lain men pravesh dilaya aur karak yog ne unhen apne karya kshetra men purn saflta dilai. vah baelivud ke badshah kahe jate hain aur atyant lokapriya hain.
if you are facing any type of problems in your life you can consult with astrologer in delhi