yogasnon men sirmaur hai shirshasan svami satyarth sutra yah vichar ekadam galat hai ki sir niche tikakar ulta khare hone vale asan ko hi shirshasan kahte hain. yogasnon men sabse mahatvapurn asan hone ke karan hi iska nam shirshasan rakha gaya hai.
shirsh shabd ka arth hota hai shreshth aur uncha yani uchch shreni ka. shirshasan jahan gunkari aur shreshth asan hai, vahin yadi ise galat dhang se kiya jae, to hani bhi utni hi adhik hoti hai.
kuch mahatvapurn baten shauch jane se purva is asan ko kadapi n karen. pet bhali prakar svachch hone par hi, datun-manjan, adi karne ke bad hi yah asan karna chahie. yadi apko sadaiv kabj rahta hai, to pahle anya asnon athva anya upayon se ismen sudhar kar len, shirshasan ka abhyas karen. shirshasan keval pratahkal bina bhojan kie hi karna chahie.
kuch log snan ke bad vyayam karte hain aur kuch log snan se purva. uchit aur sahi vidhi to yah hai ki shit ritu men snan ke bad yogasan kie jaen. isse apko ek labh yah hoga ki apke sharir men yogasnon se jo sfurti ati hai, vah doguni barh jaegi. parantu shirshasan athva anya koi bhi yogasan karne se purva sharir ko taulie adi se ragarakar achchi tarah sukha len.
sir ke bal bhi gile nahin rahne chahie. garmiyon men khuli svachch vayu men snan se purva hi yogasan karna uttam hai, kyonki un dinon sharir se pasina niklta hai. yogasnon men itna adhik pasina to nahin niklega, jitna dand-baithak ya kushti se niklta hai, fir bhi achcha yahi hai ki garmiyon men snan ke purva hi shirshasan adi karen. shirshasan karne ke turant bad athva panch-das minat bad tak snan nahin karna chahie.
shirshasan din men keval ek bar hi karna chahie aur vah bhi keval pratahkal. shirshasan se purva mukh, gala, nak, dant, adi ko saf karna atyant avashyak hai. yadi ye ang saf n ho to ashuddh vayu apke sharir men pravesh karegi aur apko labh ke sthan par hani hogi. aranbhik avastha men 15-20 sekend se adhik shirshasan nahin karna chahie.
dhire-dhire abhyas barhaen, 10-12 minat se adhik nahin karen. jinka sir sada bhari rahta ho ya jinhen chakkar ate hon ya jinki ankhen lal rahti hane, ve shirshasan n karen.
vidhi: sabse pahle yah dekh len ki jahan ap shirshasan karne ja rahe hain, vahan as-pas koi aisi vastu to nahin rakhi, jisse yadi ap is asan ka abhyas karte hue gir pare, to chot lag jae. tej hava vale aur damghontu sthan par bhi yah asan n karen. sabse pahle kapde ki genduli-si bana len- iska svarup vaisa hi hoga, jaisa majdur koi bhari vastu uthane se purva sir par rakhte hain.
is genduli ko kisi kalin ya biche hue kambal par rakhakar hi us par apna sir rakhen. yahan yah samajh lena atyant avashyak hai ki sir ka kaun-sa bhag is genduli par tikana hai. garabar yahin se aranbh hoti hai, kyonki abhyasi ko yah pata nahin hota ki sir ke kis bhag ko shirshasan ka adhar banana hai. iske lie jaruri hai ki jankar prashikshak ki dekhrekh men hi yah asan karen.
shirshasan se labh shirshasan se labh to anek hain, isilie ise asnon men shirsh sthan diya gaya hai, parantu ye labh tabhi prapt kie ja sakte hain, jab sanpurn vishay par dhyan diya jae aur uske anurup hi karya kiya jae. ankhon se sanbandhit rog dur hokar drishti punah samanya ho jati hai, arthat netra-jyoti ka vikas hota hai. sir ki tvacha sashakt hoti hai, rusi dur ho jati hai aur keshon ka shvet hona aur jharna ruk jata hai.
rakt vahikaen sashakt aur shuddh hoti hai aur kushth rog dur ho jata hai. mutrashay se sanbandhit prayah sabhi rog dur hote hain aur visheshakar mahilaon ke garbhashay sanbandhi sabhi vikar nasht hote hain. bavasir, bhagandar adi rogon men aram milta hai. fefre sudrirh hote hain aur khansi v jukam ka bhay nahin rahta. sharir ka e ekadam visham sthiti men lane se hriday ko rakta-sanchar ke lie adhik bal lagana parta hai.
atah hriday pusht aur apna karya bhali prakar karne men samarth hota hai. is asan se smaranashakti barhti hai aur pagalapan bhi dur hota hai. shavasan avashya karen shirshasan karne ke pashchat ek-do minat bilkul sidhe khare rahne ke bad shavasan karen.
vaise to yah mudra bahut saral hai, parantu shav ke saman purnataya tanavmukt hona kathin hai. jahan jis kambal ya kalin par ap yogasan karen, usi par pith ke bal let kar bilkul sidhe ho jaen. hath pair bilkul dhile chor den.
labh- shavasan ka sabse pramukh labh yah hai ki iske karne se sharir men punah nai sfurti, shakti aur naya jivan a jata hai. thakan purnataya mit jati hai aur sharir halkapan anubhav karne lagta hai.
if you are facing any type of problems in your life you can consult with astrologer in delhi