sanjay datt hamesha vivadon men ghire rahe. lekin apne abhinay ke bute unhonne lokapriyata bhi khub batori. ab unhen nyaypalika ne munbai dangon ke abhiyukt ke rup men chah sal sashram karavas ki saja katne yarvda jel bheja hai.
ril laif ke ‘munna bhai’ ka kirdar aj riyal laif men unke samne hakikat ban kar ubhra hai. sanjay datt ke jivan men is utar-charhav men grahon bahaspati sanhita men varnit hai ki manushya ko rajya aur kasht donon grah hi pradan karte hain.
jab ye apni chalan gati men vakri ho jate hain tab achche-achche rajaon, mahabliyon ko bhi apne changul men fanas lete hain. ram, ravan, harishchandra, kans adi ke udaharan hamare samne hain. abhi dhai varsh purva shani ke kark rashi men vakri hone ke sath-sath shani ne mahayogi mahatapasvi sant jagadguru shankracharya (jaynendra sarasvati) ko bhi apni vakra chal men fansakar bandhan yog pradan kiya tha.
sanjay datt bhi in grahon ki vakra chal se bach nahin pae. kadachit un par chal rahe grahon ke kuprabhavon ke falasvarup hi unhen dand mila. sanjay datt ka janm 29 julai 1959 ko dopahar 2.45 baje munbai men hua tha.
unka janm krittika nakshatra ke dvitiya charan men hua jismen chandra ke uchch ke hone ke karan unhonne abhinay ke kshetra men khyati arjit ki. yadi sanjayadatt ki kundli par drishti dali jaye to lagn (sharir) ka svami mangal 9 ansh ka majbut hokar dasham bhav men baitha hai.
is karan unka sharir hrishta-pusht rahega. par saptam bhav men chandra uchch ka hokar matra 1 ansh ka aur kamjor hone ke karan ve bhavuk hriday ke rahenge. sanjay datt ka janm vrishchik lagn men hua hai. unka lagn unhen adamya sahas pradan kar raha hai.
janm ke grahon men chandra matra 1 ansh aur budh tatha mahadandnayak shani vakri hain. janm ke vakri grah ya gochar ke vakri grah ya unki dasha, antardasha athva pratyantardasha a jae to bhi jatak ko mahakasht evan bandhan yog prapt hota hai. yah sutra parashar hora shastra men varnit hai aur anubhut hai.
sajan y datt ke mahakashto n ka praranbh 93 ke dangon ke bad rahu ki mahadsha ke karan hua. kai bar rahu vibhinn prakar ke bandhnon men bhi dal deta hai. lekin vartaman men guru ki mahadsha 24-4-1998 se praranbh hui. guru bhi sanjay ki kundli men viprit grah shukra ke ghar, 12ven bhav men baitha hai jo bandhan yog ka mukhya karak hota hai.
us samay is bhav men baithe brihaspati ne apna prabhav dikhana shuru kar diya tha. unhen 1993 ke dangon ke bad 16 mah ka karavas bhi bhogna para. vartaman men guru vakri hai jo 7 aprail 2007 se apna prabhav dikha raha hai. 8-8-2007 ko yah margi hoga vahin akash men shukra bhi, jo sanjay datt ki kundli men antardashanath hai, 27-7-2007 se vakri hai. par shukra vakri dasha men pashchim men 10 agast ko ast ho jaega.
un par vakri guru ki pratyantar dasha bhi chal rahi hai. is karan 22-11-2007 tak unhen vibhinn kashton ka samna karna parega. kai bar utar-charhav ka samna karna parega. par guru ke margi tatha shukra ke ast hone par unhen ane vale dinon men kuch rahat milne ke asar hain. sanjay datt ko vakri grahon ne vyuh men fanas rakha hai us vyuh se mukti pane ke lie vishesh puja anushthan ki avashyakta hai, tabhi labh ho sakta hai.
if you are facing any type of problems in your life you can consult with astrologer in delhi