tairo dek men jab is kard ka prakatya hota hai to iska arth hai ‘‘fartiliti’’ lekin yah ek shabdik arth hai vastav men iska arth srijnta se hai. yah kard purush ya mahila kisi ke lie bhi prakat ho sakta hai. iska matalab hai kisi ki koi chipi hui pratibha ke vikas hone ka samay a gaya hai aur ghar men sab prakar se sab kuch thik hone vala hai. kard dharak ek aisa vyakti hai jo apni pratibha v hunar se apne andar ke pyar, mamta v dekhbhal se sare ghar men khushiyan bhar sakta hai.
is kard ke niklne ka arth hai ghar men kisi bhi prakar se khushi ka agaman chahe ghar men kisi bachche ke janm ke agaman ki khushi ho ya kisi ki shadi ki khabar se mili khushi ho ya fir apko kisi naye kam karne ki yojna men mili saflta ki khabar ane vali ho arthat sabhi archnon ki samapti. man lijie kisi ki chipi pratibha hai
draing v penting jiska usko bahut shauk hai par abhi tak usko apni is pratibha ko bahar kahin dikhane ka mauka hi nahin mila. achanak usko isse sanbandhit hone vali pratiyogita ka pata chala aur usne aplai kar diya aur ab usmen bhag lene par usko vijeyta hone ka samachar mila ho aur usko is khushi ki khabar se jo prasannata hasil hui usse uske ghar ka sara vatavaran khil utha. kisi ke dil men dabi hui ichcha kafi samay se ho ek jyotishi banne ki parantu use avasar nahin mil paya. yada-kada uski sadaiv koshish rahi ki koi usko sahi disha men gaid kar sake parantu use koi purn rup se, thik prakar se gaid karne vala nahin mil saka. achanak use kisi sanstha ke bare men pata chala jo jyotish ki kakshaen vidhivat rup se sanchalit karti hai,
usne bina vakt ganvaye turant fon kar pata malum kiya v edmishan le liya. aj vah ek prakhyat jyotishi hai jisse uska man ati harshit hai ki uski pratibha nikhar kar samne a rahi hai. uski bahut samay se pratiksharat ichcha purn hui. usko yah bhi santosh hota hai ki usse dusron ka bhi bhala ho raha hai, isse uske ghar ka vatavaran bhi harshapurn rahta hai. koi stri apni arthik sthiti se pareshan hai, pati ki bhi ay adhik nahin hai.
usko samajh men nahin ata ki kya karen. aise men vah stri kisi tairo ridar ke pas jati hai aur tairo riding karvati hai aur uska kard niklta hai ‘‘di empres’ to iska arth hai uski koi chipi pratibha viksit hone ka samay a gaya hai jisse uska niji v parivarik jivan prabhavit ho sakta hai aur vatavaran adhik khushamay ho sakta hai. yah ek daivi sanyog hai. yah sab kuch ishvar dvara prerit hota hai kyonki jyotish jo kuch batata hai vah sab kuch hona pahle se hi nishchit hota hai. bas hamen malum nahin hota ki kab kya ghatna ghatne vali hai.
jyotish sirf hamen ane vale samay men achchi ya buri hone vali ghatnaon v paristhitiyon se avagat karata hai jisse samay rahte hue ham yathochit upay kar sakte hain. tairo riding bhi jyotish shastra ki ek mahatvapurn shakha hai jisse prakat hone vale kard hamen batate hain ki nikat bhavishya men hamare sath kya-kya achcha ya kya-kya bura ya ashubh hone vala hai.