pichle ank men hamne apko ghar ki banavat ka vastu men urja ke rup men kya mahatva hai, se avagat karaya tha, vastu kya hai? kya yah divaron se sanbandhit hai agar aisa hota hai to ham khule sthanon ka vastu nahin kar sakte hain parantu khule sthanane ka bhi vastu dekha jata hai, to vastu kya hai? vastu ek urja ka khel hai jo surya ki kirnon aur prithvi ki chunbkiya tarangon ka mishrit khel hai.
surya ki kirnen jo hamen safed dikhayi deti han ve safed n hokar sat rangon (indra dhanushiya rangon) ka sanyojan hai. inke sath rahu (infrared) aur ketu (altravaylet) bhi hote hain. yadi in nau rangon ka khel aur sukshm rup se janna chahte hain to in rangon ki kanpan shaktiyon ke vishay men avashya jankari honi chanahie.
ye nau rang hamare vastu men nau dishaon se sanbandhit hain. kisi bhi vajah se ghar men yadi inmen se koi rang hamen nahin mil raha hai to us rang ki kami se hamare sharirik v mansik sthiti men asantulan paida ho sakta hai. ye sat rang jo suraj ke sat ghodon ke pratik han hamare sharir ke sat chakron se bhi jude hain. yahi karan hai ki ye urja hamari nau dishaon men sahi n milne par sharirik asantulan ka karan ban sakti hai.
yahi rang hamen mansik v sharirik svasthya, yahi nau kanpanashaktiyan hamare ghar men arthik, adhyatmik v parivarik sanbandhon ki buniyad hain. rangon ki kami se manushya men harmonal asantulan paida ho jata hai jiske parinamasvarup koi bhi bimari sharir men a sakti hai.
ab ham batayenge ki kaise ye sat rangon ki kanpanashaktiyan manushya par sakaratmak ya nakaratmak tarike se prabhav dalti hain. ise hamare rishiyon dvara vigyan ka rahasya kaha gaya hai. adhunik vigyan abhi tak is rahasya ko samjhne ki sthiti men nahin pahuncha hai. jaise ki ham upar di gayi tasviran men dekh sakte hain ubhrte rang vibagyor (vaylet, indigo, blu, grin, yailo, arenj aur red) indradhnushiya rang se sanbandhit han. lal (red) lal rang bhumi tatva se sanbandhit hota hai. iska tarangdaidhrya (vevlainth) 620-750 dau hota hai.
manushya men is rang ke sakaratmak prabhav hain- sharirik sahas, shakti, garmahat, urja, mul jivika, karo ya maro, uttejna, sfurti adi. iska tarangdaidhrya sabse lanba hota hai tatha yah sabse shaktishali rang hota hai. karo ya maro ki sthiti jagrit karta hai tatha lal rang bahut takatavar v mul rang hai.
shuddh lal sabse sadharan rang hota hai jismen koi milavat nahin hoti hai. yah sfurtidayak, jivant v maitrivat hota hai. thik usi samay yah akramak bhi ho sakta hai. yadi ghar ke andar is rang ki kami hoti hai to iske kuch nakaratmak prabhav padte hain jaise gussa, sharir men thakan paison ki kami.
iske karan ghar men rahne vale logon men himoglobin ki kami bhi ho sakti hai. vyakti ko kamjori tatha apna nam v pratishtha khota hua mahsus hota hai. is rang ka sanbandh manushya ke muladhar chakra se hota hai tatha yah sharir ka mul chakra hai jo sharir ko takat pradan karne ke sath bolne v khade hone ki kshamata pradan karta hai. narangi (aerenja) yah rang jal tatva se sanbandhit hota hai.
iska tarang daighrya 590-620 dau hai. yah rang uchch bhavnayen utpann karta hai. is rang ke sakaratmak prabhav hain-ashavadi, vishvasi, atm santulan, mitrata, kriyashilta, tatha bhavnatmak majbuti adi. yah rang manushya ke dusre chakra svadhishthan chakra se sanbandhit hota hai. yah chakra stri purush ke yurojainaital sistam ko urja pradan karta hai. yadyapi narangi rang bahut hi majbut rang hota hai, manovaigyanik rup se yah hamare atmavishvas aur atmasamman ko badhane men hamari sahayta karta hai. yah vishvas aur ashavadi sthiti banata hai.
ghar men is rang ki anupasthiti men hamen kuch nakaratmak sthiti ka bhi samna karna padta hai jaise dar, bhavnatmak asantulan, chinta, nirashavad, jhunjhlahat aur atm hatya jaisi sthiti ka utpann hona. dar aur bhavnatmak asantulan atmahatya ki sthiti ko utpann karte hain. vyaktigat rup se yadi svadhishthan chakra men urja ki kami hai ya is rang ki kami hai to bahut sari samasyaon ka samna karna pad sakta hai jaise striyon men garbhadharan ki samasya, bar-bar garbhapat hona, masik srav ka aniyamit hona, yurin adi se sanbandhit kisi bhi samasya ka samna karna.
islie ghar men iska niyamit matra men hona bahut hi avashyak hai sath hi sath manushya ke sharirik chakra men bhi. pila (yailo) iski vevlainth 570-590 dau tak hoti hai. iske sakaratmak prabhav hain- sharirik aram, khana, garmahat, suraksha, khushi, chah, bhavnatmak sanbandh, indriyashakti. yah rang manushya ke tisre chakra manipur se sanbandhit hota hai. yah sharirik, bhavnatmak visheshtaon ka sanyojan hai. yah hamare dimag ko, hamen sharirik aram jaise khana, chaya, garmahat tatha indriya shakti pradan karta hai tatha yah rang agnitatva se sanbandhit hota hai.
is rang ya agni tatva ka ghar men kami hone se kuch nakaratmak sthiti bhi utpann ho sakti hai jaise - nirasha, khushi se vanchit hona, viflta, tuchch karya karne ki adat aur apripakva vyavhar karna. hamara udar pachan kriya karne ke lie jathragni utpann karta hai jo bhojan ko pachane men sahayta karti hai. yahi hamare pachan ka karan hai. yadi kisi ki pachan kriya thik nahin to yakrit, agnashay tatha pitt ki thaili ki samasya ho sakti hai jo khana pachane men sahayak harmons ko nikalte hain. yadi sharir v ghar men is rang ki kami hai arthat sharir ko chalane ke lie paryapt indhan nahin hai, yah bahut sari sharirik samasyaon ko utpann kar sakta hai jiske parinamasvarup muladhar aur svadhishthan chakra bhi kamjor ho jayega jisse manushya ke jivan men nirasha ki sthiti utpann ho jati hai.
hara (grin) yah rang vayu tatva se sanbandhit hota hai tatha budh grah ka pratinidhitva karta hai. iski vevlainth 495-570 dau hoti hai. yah spaiktram ke bich ka rang hota hai aur sat chakron men bhi yah bich men hi ata hai. yah rang manushya ki tin upar ke chakra tatha tin niche ke chakron men santulan sthapit karta hai. yah sabse adhik sangat surila rang hai. iski vevlainth aur kanpanashakti donon hi 550 dau hoti hai. yah pure manav sharir ko santulit karta hai. yah hamare sharir men anahat chakra ka rang hota hai. is rang ke sakaratmak pahlu hain samanvay, santushti, shakti, santulan, sahayak, pyar, jagrukta adi. hara rang paudhon ka hota hai jo ki prithvi par samanvay sthapit karta hai. prithvi par hamare jivan ko chalane ke lie khana aur aeksijan ko utpann karne ke lie hamesha ped-paudhon se bhara hona chahie. islie ped paudhon ko jahan tak sanbhav ho sake katne se bachna chahie tatha naye paudhon ko lagane ke lie hamesha tatpar rahna chahie. ek ghas ka tinka bhi jo kisi ful ya fal ka bhar nahin utha sakta hai vah bhi bhumi ko vachan deta hai ki main is grah par rahne vale jivon ka bharan poshan karunga aur aeksijan dunga.
thik usi samay vah jivon dvara chodi gai karban dai aeksaid apne jivan ko surakshit rakhne ke lie grahan karta hai. yadi hare rang ki prithvi par kami ho gayi to prithvi par akal ki sthiti utpann ho jayegi. manushya aur ghar men hare rang ki kami hone se nirasha, nirutsah, kathorta, durbalata, pravahhinta adi ki sthiti utpann ho jati hai. nila (blu) yah rang vayu tatva tatha shani grah ka pratinidhitva karta hai. iski vevlainth 479-495 dau hoti hai.
is rang ke sahi matra men hone se nimn sakaratmak prabhav padte hain jaise buddhimatta, sanchar, vinimay, vishvas, kartavya, tark, shant, pratibinb, svachchata pranshatta tatha samathryata adi. nila rang hamare panchven chakra vishuddhi chakra se sanbandhit hai. yah hamare sharirik urja ko badhane ke bajay mansik urja ko badhane men sahayta pradan karta hai.
nile rang se saf v shuddh vicharon ka udgaman hota hai tatha yah rang mansik shanti v dhyan ko ekagra karne mane sahayta karta hai. ghar ya sharir men iski kami hone par vyakti men murkhata, bhavna ki kami, kisi se nahin milna-julna adi ki sthiti utpann hoti hai. nila (indigo) yah hamare chathe chakra agya ka hai. isko adhyatmik chakra bhi kahte hain. is rang ki vevlainth 386-450 dau hai. is rang ki niyamit matra hone se vyakti men adhyatmik jagrukta, dur drishti, satya, pramanikta, uchch andruni v sahsik gahri soch aur dhyan jaise sakaratmak prabhav dikhayi padte hain. yah rajsi gun se bhi sanbandhit hota hai.
is rang ki ghar ya manushya men kami se vah antarmukhi, tuchch kam karne ki bhavna, ichchaon ko dabana, hinta ki bhavna ka uday hona adi samasyaen utpann ho sakti hain. baingni (vaylet) yah rang sahasrar chakra se sanbandhit hai jo hamare kundlini ki urja kshetra ko brahmandiya urja ke sath safed roshni se jodte hain. yah sthiti unke lie hoti hai apne dhyan ki sthiti men 1-5 bhra tak ki kanpanashakti men a jate hain aur mahinon tak apni hi dhun men rahte hain tatha antrik sharir (jaise himalay baba) sthul sharir ko chodakar brahmand men ghumta rahta hai. santmhavir babaji bhi isi shrinkhla men ate hain.
kala (blaik) yah indradhnush ke sabhi rangon ko apne men sama leta hai aur pratyek ko kisi bhi pareshani se suraksha pradan kar sakta hai. iske kuch sakaratmak prabhav hain- suraksha, bhavnatmak suraksha, samathrya, jadu tona, mohini sthiti, mithya tark, yukti, vyaktitva adi tatha nakaratmak pahlu hain bharipan, atyachar, utpidan, nistej tatha darana dhamkana adi.
safed (hvait) jabki yah sabhi rangon ko apne men samakar rakhta hai fir bhi unki kanpanashakti hamari ankhon ko chundhiya deti hai aur ham lanbe samay tak isko ekatak nahin dekh sakte hain. yahan par hamne lagabhag sabhi rangon ke bare men bataya hai ki in rangon ki kami ya adhikta se ghar aur manushya par kya prabhav padega. jis manushya men jis rang ki adhikta hogi uska svabhav usi ke anurup hota hai.
atah hamen yah prayas karna chahie ki hamare ghar ya hamare sharir men sabhi rang paryapt matra men upalabdh hon. ham apne yunivarsal tharmoskain ki sahayta se apke sharir men kis rang ki adhikta ya kami hai tatha ap ke ghar men kaun se rang apko prayog karne chahie bata sakte hain . yunivarsal tharmo skainar sukshm rup se bhi yadi kisi rang ki avashyakta hai to pahchan kar bata deta hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!