tairo dek men ukt kard kuch nakaratmakata pradarshit karta hai. yah kard dhokha, lalach, svarthaparata (svarthipn) jaise avgunon ko darshata hai. jaisa ki pahle ke kuch ankon men bhi varnan kiya gaya hai ki ‘‘tairo’’ jyotish ki ek shakha hai aur bahut mahatvapurn hai. tairo ke parinamon men 90-95 pratishat tak satyata pramanit hoti hai. jab koi vyakti kisi pareshani men hota hai, use koi samasya akar gherti hai to vah bahut vyathit ho jata hai,
use samajh men hi nahin ata ki in paristhitiyon men vah kya kare kahan jaye, tab use ek hi rasta najar ata hai ki vah kisi jyotishi ke pas jaye aur apni samasyaon se nijat pane ke liye upay kare. aise samay men jyotish shastra se usko bahut ummiden hoti hain. samasyaon se ghira vyakti jab kisi tairo ridar ke pas jakar riding karvata hai aur kard riding ke dauran agar ‘‘di devil’’ kard prakat hota hai to iska arth hai prashnakatrta ki samasya jis vyakti ko lekar hai vah lalchi, dhokhebaj v svarthi hai.
yah nakaratmak gun vyakti ke andar chupe hain jo aksar bahri vyavhar men nahin ate. jaise ek vyakti ne apni beti ki shadi ke bare men tairo riding karvayi. tairo riding men jo kard prakat hua vah tha ‘‘di devil’ isliye usko bataya gaya ki uski beti ke sasural vale behad lalchi v svarthi hain. atah samay rahte upay kar lo, atah us vyakti ne samay rahte upay bhi kie aur uchit kadam bhi uthaye jisse uski beti ka jivan barbad hone se bach gaya. agar vyakti samay rahte tairo riding karvata hai to kuch ashubh ghatne se bach sakta hai, jaise - beta ya beti ka rishta kahin tay karne se pahle hi tairo riding karva le to galat, svarthi v lalchi logon ke chungal men fansne se bach sakta hai. agar tairo riding men ‘‘di devil’’ kard prakat hota hai
to jis vyakti ke lie niklta hai vah bahri vyavhar men nakaratmakata dikhata nahin hai par vah dusron par, apne nakaratmak gunon ke karan kabu pa leta hai, unko kantrol kar leta hai. vah dusron ko nuksan bhi pahuncha sakta hai. vah apne gusse ka istemal apne uddeshya ko prapt karne ke lie sakaratmak rup se bhi kar sakta hai. agar riding men yah kard rivars men niklta hai to iska arth hai vah apni takat ka upyog nigetiv tarike se dusron ka bura karne men karega. isi tarah agar kisi vyakti ko koi bijnes shuru karni hai aur vah kisi dusre vyakti, dost ya rishtedar ya kisi anjan vyakti ke sath sajhedari men karna chahta hai
to uske liye achcha hoga ki vah fainal karne se pahle tairo riding karva kar hi karya shuru kare. shubh kard ke prakat hone par hi karya shuru karne ka nirnay lena chahie. kabhi- kabhi kisi kam ke liye logon ko kai aefis v milne valane ke chakkar katne parte hanai par sahi vyakti n milne par vyakti ko pareshani hoti hai. agar aise samay par tairo riding karva kar pata kar liya jaye ki falan vyakti uski madad kar sakta hai
ya nahin tabhi us vyakti se madad ki guhar karen anyatha kisi aur sadhan ki talash karen. agar riding men shubh kard niklta hai to vyakti khushi se apne nirdharit karya purn kar ke atm santushti pa sakta hai aur agar nigetiv kard niklta hai to vah use chor kar apne liye koi anya vikalp chun sakta hai.