tanuja bachapan se parhne men atyant medhavi rahi. usko guriyon se khelne ki bajae apni kitabon se khelna achcha lagta. vah adhikatar samay fulon ki bagvani men bitati. roj pura samachar patra parh kar apne mata-pita ko sunana use achcha lagta. uske pita use bara afasar banana chahte the islie kabhi bhi uski parhai ke are nahin ae aur usko uchchatar shiksha dilvane ke pure prayas kiye.
chunki tanuja parhne men sada hi pratham shreni men rahi islie usne em. es. si. kaimestri bhi pratham shreni men uttirn ki. uski dili tamanna thi ki vah kisi achchi jagah par uchchasth naukri karen. vah is disha men prayas kar rahi thi ki achanak uske lie rohan ka rishta a gaya. rohan ek vijnes faimili se the aur unke sanyukt parivar ka bijnes tha. itne achche ghar se rishta aya to tanuja ke pita inkar nahin kar sake aur unhonne fauran han kar di.
ve apne aur tanuja ke bhagya ko sarah rahe the ki bina kisi koshish ke unhen itna barhiya khandan mil gaya hai. tanuja ajib-si kashamakash men thi. kahan to vah naukri dekh rahi thi aur apni shiksha ke bal par apna jivan svachchand rup se jina chahti thi v apni ek pahchan banana chahti thi, vahin dusri or uska vivah ek sanyukt parivar men ho raha tha jiske bare men vah kuch bhi nahin janti thi.
usne pita ki khushi men hi apni khushi man li aur bina kuch kahe vivah ke bandhan men bandh gai. rohan kafi shant tabiyat ke insan the lekin vah apna adhikatam samay apne bijnes men hi lagate aur tanuja ka adhikatar samay rasoi men bitta. sanyukt parivar hone ke karan use sabhi rishte naton ka vishesh dhyan rakhna parta.
kuch samay bad tanuja ke do bachche ho gaye aur tanuja unmen vyast ho gai lekin tanuja ke man men hamesha ek tis rahti ki vah chahakar bhi apne jivan se nyay nahin kar pai aur usne aisa kuch nahin kiya jis par vah naj kar sake. kuch sal pahle tanuja ke devar ka vivah hua aur devrani ek em. en. si. men kam karti thi.
sara parivar uske age piche ghumta aur usko bahut ijjat ke sath-sath sar mathe par rakhta. uski naukri ke karan achanak hi vah ghar men bahut manniya ho gai thi. yah bat tanuja ko bahut pareshan karne lagi. chahti to vah bhi aj bahut achchi naukri kar rahi hoti lekin parivar ke lie usne apna jivan kurban kar diya yah soch soch kar vah mansik bimari (dipreshn) se grast ho gai use yahi dukh satane laga ki vah apne jivan men kuch nahin kar saki.
rohan use bahut samjhate par unke pas bhi adhik taim n hone ke karan ve aksar jhalla uthte. bachche bhi ab bare ho gaye the, par donon apni parhai men vyast the. unke pas apni man ke sath samay bitane ka samay nahin tha islie tanuja apne ap ko bahut akela mahsus karne lagi. usne apne ap ko apne kamre tak simit kar liya.
ghar vale usse bat karna bhi chahte to vah usko najar andaj karti. rohan ne uska kafi ilaj karaya, par shayad tanuja ka antarman itna ahat ho chuka tha ki koi bhi davai maraham ka kam nahin kar rahi thi aur achanak ek din uski mansik vedna itni barhi ki tanuja ne apni kothi ki chat se kud kar apni jan de di aur is duniya se mukt hokar shanti ki talash men prabhu ki sharan men chali gai.
aiye, janen tanuja ki kundli ke marm ko- tanuja ki kundli ki grah-sthiti par gaur karen to yah ek uchch mahatvakankshi nari ki janmakundli hai. janmapatrika men karm bhav men uchch ka rahu, lagn men uchch rashigat budh ke sath budhaditya yog, pancham men svagrihi shani adi grah tanuja ke uchchabhilashi pravriÿia hone ke pratyaksh sanket de rahe hain.
panchmesh shani evan pancham sthan ka karak brihaspati svarashigat hone se inhonne apne adhyaynkal men achchi shiksha prapt ki tatha parhai likhai ke prati hamesha rujhan bana raha hai. lagnasth budh evan surya inki unchi soch tatha man, pratishtha ke prati adhik bhavuk bana rahe hain.
dusri or karm sthan men uchchasth rahu inhen hamesha apne karyakshetra men kuch bara karne ki prerna de raha hai. tanuja ki kundli men do panchmhapurush yog ban rahe hain, pahla lagn men uchch ka budh hone se bhadra mahapurush yog tatha dusra saptam kendra men svagrihi brihaspati ke karan hans mahapurush yog in yogon ke falasvarup inke andar apne se bare logon ke prati samman ka bhav, medhavi tatha achche dhanadhya parivar men vivah hua.
ghar men sabhi prakar ke bhautik sukh sansadhnon ki prapti hui. pati bhi sushil mila. santan adi ka sukh bhi samay par prapt hua. panchmesh shani evan pancham sthan par ashtamesh mangal ki drishti hone se inhen apne bachchon ke dvara bhi mansik santosh prapt nahin hua, inhen fir bhi akelapan hi satata raha hai.
ab ham mahatvapurn vishay par jyotishiya grah yog par vichar karenge ki is jatika ki kundli men itne achche grah yog hone par bhi inke jivan men kaunsi grah sthiti itne bare hadsa ka karan bani. inke saptam sthan ke sanbandh men vichar karen to is sthan ki ashubh grah sthiti hi iska adhikansh karan bani. inke saptam bhav men brihaspati ki sthiti ashubh hai, dvisvabhav lagn ke lie saptamesh badhak grah bhi hain
tatha vah badhak sthan par hi sthit hai, islie vah aur adhik badhak fal pradan kar raha hai, jiske karan inki mahatvakanksha purti men inka vivah ka bandhan hi badhak ban gaya. vivah hone ke bad yah kuch nahin kar payi aur parivar men bandh kar rah gayi. iske atirikt brihaspati markesh hokar marak sthan men hone se tatha kendradhipatya dosh se dushit hone ke karan patikarak grah brihaspati ashubh hai tatha navansh men bhi apni nich rashi men hai.
ek taraf saptam sthan badhak v marak hai dusri or man ka karak chandrama dvadash bhav men kamjor ho gaya hai. dvadash bhav ka chandrama aksar vyakti ko dipreshan ka roeg de deta hai athva vyakti ko bahut jyada bhavuk bana deta hai jisse use apni bhavnaon tatha krityon par niyantran rakhna kathin ho jata hai. iske atirikt dvadshesh surya jo ki svayan prithktavadi grah hai aur dvadshesh jis bhav ya grah ke sath sthit hota hai uske karak v tathya se virakti karata hai.
pratham bhav jatak ki mansikta v ayushya ka karak hota hai, jis karan jatak ko kabhi mansik shanti prapt n ho saki tatha mansik rup se trast rahi. tanuja ki kundli men dvitiyesh shukra dvitiya bhav marak sthan men ashtamesh mangal ke sath sthit hone se sthiti aur kharab ho gai aur vah apne man ko kabu men nahin rakh pai tatha samanya ayu men atmahatya kar akal mrityu ko prapt hui.