tantra men prayukt shabdon ki dhark-ma6 aaragaskat shakti tantra ke chah prayogon - maran, vashikaran uchchatan adi chah karmik prayogon men kuch manovrittisuchak sanketik shabdon ka prayog kiya jata hai. ye shabd hain - namah, svaha, vashat vaushat, hum aur fat. antah karan ki shant avastha men namah shabd ka prayog kiya jata hai. vastutah sari bhishan, ghatak aur apkari shaktiyan vinay ke samne natmastak ho jati hain. is manovritti se sadhak apne shatruon ki sari virodhi bhavnaon ko hatakar unapar apna adhikar jamakar unka niyantrak ban jata hai. ‘svaha’ shabd vyakti ki yatha shakti dusre ke paropkar ke lakshya ki prapti ke liye apne sabhi laukik v adhyatmik sadhnon ko laga dene arthat uske liye apna sabkuch jhonk dene ki bhavna ko vyakt karta hai. vastutah yahi sahi shiv bhav hai. bashat: shabd se antahkaran ki jo vritti parilakshit hoti hai usmen apne shatruon ke sanbandhiyon ka anisht sadhan karne arthat un ka pran haran kar lene tak ki bhavna rahti hai. jabki vaushat shabd apne shatruon ke hridyane men ek dusre ke prati dvesh utpann karke, unhen unke anishtakari karyon men sanyukt prayas se hatakar unhen vyakti ke star par ekaki chor dene ke bhav ko vyakt karta hai. isse shatruon ki ekjut hokar karya karne vali shakti chinna-bhinn hokar nishfal ho jati hai. ‘hum’ shabd us krodh ko abhivyakt karta hai jo vyakti ke sarvavidh bal ke prayog dvara apne shatruon ko unke sthan arthat apne lakshya se hata dene ke bhav se utpann hota hai. yah bhav mahakali ke shastradhari sanharkari svarup ko bhi pragat karta hai. ‘fat’ shabd svayan sakriya shastra prayog dvara shatru ka samul vinash kar dene vale bhav ka parichayak hai jo sakshat rudra ki us vinashkari shakti ka pratik hai jiska prayojan nav-nirman ke liye, aprasangik aur prayojan vihin khandhron ka samul uchchedan karke, naye dharatal ki vyavastha karna hai. in chah shabdon men brahma, vishnu v mahesh ki mahasarasvati, mahalakshmi aur mahakali namak shaktiyon ka samavesh hai jo sadhak ke man ke star par utar kar use apne lakshya ke liye sanpurn ekagra bhav se paripurit kar deti hai tatha sadhya prapti ke kshan tak use chain se baithne nahin deti.
Kya aapko lekh pasand aaya?
Subscribe