paravigyan (jyotish, ramal, tantra, mantra, totke tatha gochar grah sthiti adi) paranpragat prachin bhartiya dharohar hain. inmen yantra, mantra evan tantra ko nimn prakar se samjha ja sakta hai: mantra, yantra akriti vigyan par adharit hain: am bhasha men inhen tabij ya ganda bhi kah sakte hain. dhatuon par bani vibhinn akritiyan jo rekhagnit ke kisi vishesh siddhant par bani hoti hanai ya bhoj patra par banayi jati hain, unhen shubh samay par, bhinna-bhinn tarikon se, bhinn peron ki shakhaon ki kalam se, apne uddeshya prapti hetu, banaya jata hai. mantra: mantra dhvani vigyan (tarang) par adharit hain.
ye 2 prakar ke hote hain:
- shabar mantra
- vaidik mantra sanskrit bhasha men hote hain. urdu evan arbi bhasha men bhi mantra paye jate hain. mantron ko niyamit sankhya men jap kar ke siddh kiya jata hai, jiske bad inka prabhav kafi mahatvapurn ho jata hai. tantra: inhen am prachlit bhasha men tona ya totka kahte hain. inka shighra prabhav dekhne men ata hai tatha kisi prakar ki galti ho jane par bhi koi nuksan nahin hota hai.
prayah dekha gaya hai ki yadi kisi ki kamar men dard ho, to bujurg kahte aye hain ki jis balak ke pair men 6 anguliyan hon ya janm samay jo balak ulta paida hua ho, dehri par baith kar uski lat kamar men lagva len aur paya gaya hai ki isse kamar ka dard thik ho jata raha hai. isi prakar ankhon men pareshani ya chehre aur sharir par khaj adi hone par bujurg subah uth kar us sthan par svayan ka basi thuk lagane ki salah dete rahe hain.
is prakar ke totke jivan men yada-kada upyog men ate dekhe gaye hain. apni buddhi- vivek se bhi nirnay lena hoga. kisi rogi ke lie daektar ki salah tatha daektari nidan hi karagar hoga. atah apne jivan men tathyaparak hona chahie. yadyapi yantra, mantra evan tantra pavitra evan safal kriyaen hai, parantu inse uchit tatha apekshit labh hetu vishvas, sanyam evan samay ki bhi jarurat hai. tantra, mantra aur yantra adi kal se upyog men ate rahe hain aur inke jivant rahne ka adhar inmen vishvas hai, jo sadiyon se atut to hai, par andha nahin hai. tantra-mantra-totke adi kal se manav ke sath jure hue hain. bhay, bimari, bhut-pret, santan sanbandhi samasyaen tatha vaivahik vishmtaen jaisi samasyaen athva dhan-sanpatti, samaj men man-samman, ghar men sukh-shanti, yuddha-mukaddame men vijay ki abhilashaen bhi anant kal se vyakti ke vishad-harsh ka karan rahi hanai.
atah, manav ke abhyuday ke sath hi, purn saflta unhin vyaktiyon ko milti dekhi gayi hai, jo laukik evan adhyatmik donon hi kshetron men prayas karte hain. ishvar ki aradhna, jap, bhajan, dan, santon ki seva, mandiron ka nirman jahan adhyatmik karm kshetra hanai, vahin bhautik upalabdhiyon ko pane ke upay, jinmen dhan-vaibhav man-samman-sukhi grihasthi ate hain, laukik karm hanai. manav ki anek samasyaon ke samadhan, rog upchar men jahan vigyan asafal ho jata hai, vahan tantra-mantra-totkon se saflta prapt ho jati hai aur iske lie jaruri hai uske sahi gyan ki aur man men drirh vishvas ki.
dharm shastron tatha prachin granthon men tantra, mantra aur totkon ke bare men kafi jankari di gayi hai. ye sabhi shastrasammat tatha vidvanon dvara pariksha kiye hue hain. fir bhi inke karne se milne vali saflta men manav ke prayas, drirh vishvas ka bhi bara mahatva rahta hai. sabhi jante hain, ki sukh-duahkh is janm tatha purva janmon ke prabhavon ke fal hain. fir bhi inke kuprabhavon ko kam karne hetu manav tone-totkon ka upyog karta raha hai. ghar men sukh-shanti, saubhagya, dhan, santan prapti ke lie bhi inka upyog kiya jata hai. inmen saflta hetu kuch niyam pratipadit kiye gaye hain, jinki jankari labh pradan karne men sahyogi hoti hai.
totkon ke lie disha:
- sammohan, ishvar ki kripa, shubh evan satvik karyon hetu purva disha uttam rahti hai.
- sukh-samriddhi, lakshmi ki prapti, man-pratishtha hetu pashchim disha uttam rahti hai.
- abhichar karm, shatru shaman ke lie dakshin disha uttam rahti hai.
tithi-var-mahina: - vashikaran hetu totke shanivar ko karne chahie. saptami tithi bhi ho, to shighra fal milte hain.
- shatrushaman, rog-rinmukti ke lie manglvar ka din len. jyeshth evan shravan mah men shighra fal milte hain.
- santan, sanpannata, samriddhi hetu guruvar ko totke karne chahie. kartik, margashirsh mah men ye shighra fal dete hain.
samay nirnaya: totke evan yantra banane men tithi, var, nakshatra ka vichar bhi karna chahie. grah dosh nivaran, dirghayu hetu, sukh-samriddhi hetu jahan shravan ka mahina uttam rahta hai, vahin vyapar vriddhi, vipul dhan labh hetu totke ashvin (nav ratri) evan kartik mah men shighra faldayi hote hain. vyavsayik saflta evan arthik unnati ke lie totke punarvasu evan uttarafalguni nakshatron men karne chahie.
man-samman, pad-pratishtha prapti ke lie mul, uttarabhadrapad, revti nakshatra men yantra evan totkon se shighra fal milta hai. sukh evan saubhagya ke lie ashvini, mrigshira, purvabhadrapad nakshatra shubh mane gaye hain. maran, uchchatan, shatrunash evan duahkhnash ke lie pushya, chitra evan svati nakshatra lena chahie. isi prakar tithiyon ka bhi vishesh mahatva hai.
sukh-sadhan, sanpannata ke lie saptami tithi, gyan evan shiksha ke lie doj, panchmi, ekadshi shubh mani gayi hain, to shatrunash ke lie dashmi. dvadshi tithi sabhi kamnaon ke lie shreshth hoti hain. is kram men varon par bhi dhyan rakhna chahie. ravivar dhanvriddhi ke lie, somvar shanti karmon ke lie, budhvar shiksha evan gyan ke lie, manglvar evan shanivar sabhi abhichar karyon men prayukt kiye jane chahie. sabhi jante hain
ki grah rashmiyon ke prabhav se brahmand men jo kriyaen-pratikriyaen hoti hain, ve manushya ke sharir, uski chetna, buddhi adi sanvegon ko prabhavit karti hain tatha isse manushya prabhavit hue bina nahin rahta. atah in tithi, var, nakshatron se banne vale sarvarth siddhi adi yogon men vyakti ko karya karne se vanchit saflta milti hai tatha inse banne vale kuyogon, jaise yamghantak, bhadra, rahu kal men karya karne se asflta bhi mil sakti hai, ya anek vighna-badhaon ka samna karna par sakta hai.
kisi ko bhi nuksan pahunchane hetu tantra, mantra, totkon ko kam men nahin lana chahie. parhitay evan bina kisi ko nuksan pahunchae, svayan ko labhanvit karne ke lie inka upyog karna adhyatmik paksh hai.