tantra men vibhinn devtaon ki sadhna karne se alg-alag siddhiyan evan fal prapt hote hain. yahan ham tantra ke vishesh sadhna kriyaon ko hi spasht kar rahe hain.
mul rup se mahasiddhiyan ath hain:
1. anima, 2. mahima aur 3. laghima dehsanbandhi siddhiyan hai.
1. ‘anima’ siddhi se deh ko anu parmanu pariman se chota banaya ja sakta hai. shri hanumanji ne shri sitaji ki khoj men anu rup se hi lanka men pravesh kiya tha.
2. ‘mahima’ siddhi se deh ko chahe jitna bara ya bhari banaya ja sakta hai. samudra langhan karte samay hanumanji ne apne sharir ko parvatapray banaya tha.
3. ‘laghima’ siddhi se sharir kapas se bhi halka, hava men tairne layak banaya ja sakta hai.
4. ‘prapti’ indriyon ki mahasiddhi hai.
5. ‘prakamya’ parlokagat adrishya vishyon ka parigyan karanevali siddhi hai.
6. ‘ishita’ maya aur tadansh bhut anya shaktiyon ko prerit karne vali siddhi hai.
7. ‘vashita’ karmon men alipt rahne aur vishy-bhog men asakt n hone ka samathrya dene vali siddhi hai.
8. ‘khyati’ tribhuvan ke bhog aur vanchit sukhon ko akasmat ek sath dilane vali siddhi hai. ye asht mahasiddhiyan bhagvan men svabhavagat hai, bhagvditron ko mahan kasht aur prayas se prapt ho sakti hai. bhagvan aur bhagvditar siddhon ke bich vaisa hi prabhed hai, jaisa ki prakritik lauh chunbak aur kritrim lauh chunbak ke bich hota hai.
gaun siddhiyan das hain-
1 ‘anurbhi’ arthat kshudha, trisha, shok-moh, jahra-mrityu in shadaubhiyon se deh ka belag rahna.
2. ‘durashravan siddhi’ arthat apne sthan se chahe jitni dur ka bhashan sun lena. (is samay yah kam rediyo kar raha hai. yogi apne shravnendriyon ki shakti ko barhakar yah kam kar lete hain.)
3. ‘duradarshan siddhi’ arthat trilok men hone vale sab drishyon aur karyon ko apne sthan men baithe hi dekh lena. (is samay yah kam telivijan kar raha hai. yogi apne darshanendriya ki shakti ko viksit kar yah kam ghar baithe kar lete hain. sanjay ko vyasdev ki kripa se dur shravan aur duradarshan donon siddhiyan prapt thin.)
4. ‘manoj v siddhi’ arthat manoveg se chahe jis jagah sharir turant pahunch sakna. (chitralekha ko yah siddhi tatha duradarshan siddhi bhi narad bhagvan ke prasad se prapt hui thi.)
5. ‘kamrup siddhi’ arthat chahe jo rup dharan kar lena.
6. ‘parkayapravesh’ arthat apne sharir se nikalakar dusre ke sharir men pravesh kar jana.
7. ‘svachchandamarana’ arthat kal ke vash men n hokar svechcha se kalevar chorna.
8. ‘devakriranudarshana’ arthat svarg men devta jo krida karte hain, unhen yahan se dekhna aur vaisi krira svayan kar sakna.
9. ‘yathasankalpasansiddhi’ arthat sankalpit vastu ka turant prapt hona, sankalpit karyon ka turant siddh hona.
10. ‘apratihgti aur agya’ arthat agya aur gati ka kahin bhi n rukna. (is siddhi se sanpann yogi ki agya ko raja bhi sir ankhon charhata hai. aise yogi jahan jana chahen ja sakte hain.)....
kshudrasiddhiyan panch hain-
1. ‘trikalagyata’- bhut, bhavishya, vartaman- in tinon kalon ka gyan (maharshi balmiki ji ko yah siddhi keval akhand ram-nam smaran se prapt hui thi aur isi se ve shri ramchandraji ke janm ke purva ramayan likh saken.
2. ‘addhanddhta’ - shit-ushn, sukh-duahkh, mridu-kathin adi dvandvane ke vash men n hona. (aise siddh purush is samay himalay men tatha anyatra bhi dekhe jate hain.)
3. ‘parchittadyabhigyata’ dusron ke man ka hal janna, dusron ke dekhe hue svapnon ko jan lena ityadi. (isi ko ajakal ‘thaet-riding’ kahte hain.)
4. ‘pratishtambha’ - agni, ayu, jal, shastra, vish aur surya ke tap ka koi asar n hona.
5. ‘apraty’ - sab ke liye ajey hokar sab par jay labh karna. in sab prakar ki siddhiyon ko prapt karne ke lie anek prakar ke sadhan hain. man men tarh-tarah ki kamnaen rakhte hue log ishtasiddhi ke sadhan men mahan kasht sahte hain. tantra siddhiyan rahasyamyi hain aur har prakar se kalyankari hain. tantra siddhiyan hi parlok sudharne ke uttam adhyatmik sadhna ke margon ko darshati hain aur dusri or sansarik sankton se mukt karke abhilashaon ki purti ke sadhan prastut karti hain. mo. 9810487266