pichle mah pandit ji svidan men vibhinn sthanon - staekhom, gotabarg tatha boras men vastu/adhyatm par ayojit vibhinn sangoshthiyon men sammilit hone gae the. vahaen bhag lene ae ek pramukh vyavsayi ne vastu ke prabhav ko janne ke lie unhen apne ghar ka nirikshan karne ke lie amantrit kiya. pandit ji ne unke ghar ka vastu parikshan karne ke bad unse kuch prashn kie jaise
- kya unhen koi arthik nuksan hua hai?
- kya bachchon ke vivah men vilamb ho raha hai? - kya hal men parivar men kisi bujurg mahila ko koi ganbhir sharirik samasya hui?
- bachchon ke vikas men apratyashit vishesh adchn?
- kya malkin ke kandhe men dard ya sarvaikil hai?
sabhi prashnon ka uttar han men tha. kuch saptah pahle hi vyavsayi ki mataji ka durghatana men dehant ho gaya tha. maidam ko kandhon men dard tatha sarvaikil tha. vah ajakal koi kam nahin kar rahi thin. bari larki ke vivah men vilamb ho raha tha tatha choti larki ne achanak landan se padhai bich men chorakar dusre vishay men sthaniya vishvavidyalay men dakhila le liya tha.
1 unke ghar ki sirhiyaen uttar purva men bani thi jo ki arthik evan mansik samasyaon ka mukhya karan hoti hain.
2 dakshin-purva men sviming pul (tarntal) bana tha jo ek ganbhir vastu dosh hai. ghar ki mahilaon ke svasthya ke lie hanikarak hota hai tatha larai jhagdon, yahan tak ki mukdmebaji tak hone ki naubat a jati hai.
3 unke plat ki uttar tatha uttar purva ki bhumi ki unchai baki dishaon se unchi thi. isse paisa fans jata hai aur sabhi or se vikas men avrodh utpann ho jate hain.
4 bilding ka pashchim barha hua tha jisse sabhi karyon ki gati dhimi ho jati hai. ghar men susti evan alasya bana rahta hai.
5 rasoi men gais dakshin ki or thi dakshin men mukh karke khana banane se svasthya hani hoti hai.
6 unke ghar ki pahli manjil men dakshin-pashchim men shauchalay tha jo ki parivar men mukhiya ke svasthya evan arthik pareshani ka karan hota hai. sujhav
1 sirhiyon ko dakshin-pashchim men banane ki salah di gai.
2 dakshin-purva men bane sviming pul ko purva ki or sthanantrit karne ko kaha gaya.
3 plaet men uttara-purva ka flor leval thik karke baki leval ke barabar karne ki salah di gai.
4 uttara-pashchim ki or maital ka pargola banane ko kaha jisse bilding aytakar ho jae.
5 rasoi men gais ko purva men sthanantrit karne ka sujhav diya gaya.
6 pahli manjil par bane shauchalay men val maunted dablayu si lagane ko kaha gaya. kanch ki katori men samudri namak rakhakar use har saptah badlne ko kaha. pandit ji ne jate hue unhen kaha ki sabhi sujhavon ko karyanvit karne se unko atyadhik labh milega evan vastu vigyan ke prati unka vishvas sudrirh ho jaega.