svasth rahne ke lie svasthya chalisa  

1. khane ke lie mat jiyo, jine ke lie khao. 2. prabhat ke samay ek gilas pani piyen. 3. tahlna, yogasan, vyayam har roj karen. 4. jalneti, sutraneti v kabhi-kabhi kunjal bhi karen. 5. anvla ya trifla ka pani piyen. 6. subah do turi lahsun pani ke sath niglen. 7. susti ko bhul jayen, chusti se rahen. 8. thakavat ke bad aram karen. 9. svayan par nigrani rakhen. 10. nityakriya ke bad shakti anusar pranayam jarur karen. 11. hamara bhojan hi aushdhi hai. 12. shauch jaun ki n jaun to nirnay karen, avashya jaun. 13. ankurit anajon ka prayog avashya karen. 14. ankhon par pani ke chiten din men do-tin bar lagayen. 15. bhojan karun ki na karun to nirnay len, n karun. 16. bure vicharon ka tyag v achche vicharon ko grahan karen. 17 bhojan karte samay maun rahne ka prayatn karen. 18. pratah v sayan kal hari smaran avashya karen. 19. man men nirasha ko sthan n den. 20. bhojan men salad v fal mausam ke anusar avashya len. 21. bhukh lage tab khayen, thoda-thoda khayen, chaba-chaba kar khayen. 22. bhojan men hath chakki ka ata chokar samet, chaval kan v mand sahit, sabji chilke sahit tatha samay ke anusar falon ka sevan avashya karen. 23. jo log prabhat men nahin uthte, ve bhi svasth nahin rah sakte. 24. saptah men ek din upvas pani pikar karen ya rasahar, falahar karen. 25. khane ke sath pani n piyen. pani adha ghanta pahle ya ek ghanta bad piyen. 26. bhojan men khatai, mirch, masala, chini tatha tali hui chijon ka parhej karen. 27. uttejak padarthon jaise chay, kafi, pan, tanbaku ityadi ka sevan n karen. 28. dhumrapan v sharab, smaik jaisi vastuon ka prayog n karen. inse sharir tatha man sabhi kharab hote hain inse bhayankar bimariyon ka janm hota hai. 29. khane ko adha karen, pani ko do guna karen, kasarat ko tin guna karen, hansne ko char guna karen tatha hari smaran ko panch guna karen. 30. karm karen, prabhu par chod den, fal ke piche na dauden, tabhi dukhon se bach sakenge, jivan ka anand le sakenge. 31. jaisa vyavhar ap apne sath chahte ho, vaisa hi dusron ke prati karen. 32. jo kuch bhi ap karten hain, use prabhu ko arpan karte chale jayen, aisa karne se jivan ka sachcha anand milega. 33. gaumata ka dudh svasthya ke lie ati uttam hai, uska upyog hamen avashya karna chahie, usse hamara tan v man hamesha svasth rah sakega. 34. fal v sabjiyan anukulta ke mutabik chilke sahit v dalen bhi chilke vali prayog karen. 35. pratidin taje pani se snan karne ki adat dalen isse manushya svasth rahta hai. 36. sone ke lie danalap ke gadde ka prayog n karen. takht par sone ki adat dalen, mulayam bistar v takiye ka prayog n karen. rui ka patla gadda prayog karen. 37. subah ka nashta halka rakhen. mausam ke anusar fal, dudh, ankurit anaj ka prayog karen. 38. svayan malish karen v subah ki dhup badan par lagayen, usse rog dur hote hain, vitamin di bhi milegi. 39. prakriti ke samip rahna v prakriti ke niyamon ka palan karna hi svasthya ka rahasya hai. 40. pratah uthte tatha sote samay danton ko bhali prakar se saf karen tatha jibh saf karen. prastuti: da. sumer chand gupta (en. di.) mahamantri hariyana prakritik chikitsak parishad