svabhav ke dharatl  

vishisht ankon ke dvara pradarshit bal athva urja samanya ankon ki tulna men jyada mahatvapurn hain tatha yahi vyakti ke charitrik vivaran ka adhar bante hain. fir bhi, kis prakar se in balon ka prayog kiya jay, yah janna avashyak hai. jaisi ki pahle hi charcha ki ja chuki hai, do vyakti jinka bhagyank saman 7 hain, alg-alag vyavhar kar sakte hain, yadyapi ki donon men hi 7 ke hi gun tatha tatva maujud hain. udaharan ke lie, man lijie ki unmen se ek ka svabhav vyavharik hai to vah vaigyanik shodhshala ki sthapna karne, aujaron ki kharid-bikri ke prati jigyasu honge. dusra vyakti jiska svabhav bauddhik athva antajrnyan ke dharatal par hai vah shodh tatha khoj evan anveshan ke prati jigyasu hoga. dusra udaharan, man lijie do vyakti hain jinka yogyata ank 6 hai. inke vyavhar men bhi antar dekhne ko milega. unmen se ek jinka svabhav vyavharik dharatal par hai, ve ghar ka nirman karne tatha parivar ki dekhbhal karne men dilachaspi rakhenge. vahin dusra vyakti jiska svabhav bhavukta ke dharatal se prerit hai vah prem ke adarsh ki sthapna karne, vivah tatha mauj masti men dilachaspi rakhenge. koi aur vyakti jiska yogyata ank bhi 6 hi hai kintu uska svabhav antajrnyan ke dharatal se prerit hai to uska rujhan adhyatmik pragti ki or hoga aur vah svayan ke adhyatmik utthan ke lie karya karega. 6 yogyata ank vala koi anya vyakti jo purnatah bhautik dharatal se prerit hai vah bagvani, falotpadan athva chidiyaghar ki dekhbhal jaise karyon men dilachaspi rakhega. jis prakar se manav sharir ko char bhagon- sthul sharir, mastishk, hriday tatha atma men banta gaya hai usi prakar svabhav ko bhi char bhagon men banta gaya hai. in charon avyvon ke bich santulan ki matra jaisi hogi vaisa hi vyakti ka svabhav hoga. svabhav ke char dharatal nimnalikhit hain bhautik dharatal bhautik dharatal sharir ke dvara nirdisht hota hai tatha iski mukhya visheshta bhautikta, vyavharikta, pankti evan kram, bhautik sahas, sansadhnane ka mitavyayi upyog hai. aise log kafi vinamra hote hain, nirmanakatrta hote hain tatha inka jhukav kalpana evan bhavna ki or nahin hota hai. baudvik dharatal bauddhik dharatal mastishk dvara nirdisht hota hai tatha iski mukhya visheshta tark, nyay tatha vastavikta hai. sakaratmak bauddhik soch evan chintan, vyavsay, rajnaitik mamlon men inka prayog tatha sahi karyanvayan achche pad tatha satta dilane men saksham hote hain. bhavnatmak dharatal bhavnatmak dharatal hriday dvara nirdisht hota hai tatha iski mukhya visheshta bhavna, prem, kalpana, prerna, srijnatmakata tatha kalatmak abhiruchi hai. bhautik sachchai tatha bauddhik tark ka koi sthan nahin hota, har chij par bhavna ka niyantran hota hai. sabhi karya prem, daya, sahanubhuti, saundarya tatha kalpana dvara prerit hote hain. antajrnyanatmak dharatal antajrnyanatmak dharatal atma dvara nirdisht hota hai tatha iski mukhya visheshta antarik jagriti, abhautikta, dharm, man, chitt, daya, bhavishyavani tatha puja adi hain. bhautik sachchai, bauddhik tark tatha bhavna ke upar antarik nirdesh arthat ishvariya gyan ka varchasva hota hai. in charon dharatlon ke sapekshik mahatva ki ganna unhen ank nirdharit karke kiya jata hai. bhautik dharatal ki pahchan ank 4 evan 5 se ki jati hai. ank 4 vyavharik evan bhautik hai jo ank 5 ko bhautik sansar men saflta ke lie sahayta karta hai. atah nam men akshar d,m,v tatha e n, w bhautik dharatal ko ingit karte hain. bauddhik dharatal ki pahchan ank 1 evan 8 se ki jati hai. ank 1 kalpanashil evan nirdharak hai jabki ank 8 tarkashil evan prashasak hai tatha mastishk ki shakti ko pradarshit karta hai. atah nam men akshar a,j,s tatha h, q,z bauddhik dharatal ko ingit karte hain. bhavnatmak dharatal ki pahchan ank 2, 3, 6 se ki jati hai. tinon ankon ka sambandh hriday se hai tatha ye bhavna, ahsas, kalpana, prerna tatha sanvedna jaise bhavon se jude hain. atah nam men akshar b,k,t; c, l, u, tatha f,o,x bhavnatmak dharatal ko ingit karte hain. antajrnyanatmak dharatal ki pahchan ank 7 evan 9 se ki jati hai. ank 7 vishleshak, vaigyanik tatha sadhak hai jabki ank 9 kalpanashil, prabhavya, lokopkari tatha sanvednshil hai. donon ank antarik nirdesh par karya karte hain. atah nam men akshar g,p,y tatha i, r antajrnyanatmak dharatal ko ingit karte hain. nam men sthit aksharon ke adhar par ham in charon dharatlon ka nirdharan karte hain tatha fir inka sapekshik adhyayan karte hain. jis dharatal ko uchchatam ank prapt hote hain, ve nirdisht karte hain ki vyakti apne vishisht ankon ki urja ka upyog us dharatal ko dhyan men rakhakar karega. dusra uchch ank agla hoga tatha isi prakar kram chalega. kisi dharatal men kam ank athva '0' ank ka tatparya yah kadapi nahin hai ki vyakti men us prakar ke gunon ka sarvatha abhav hai parantu itna to nishchit hai ki vah us dharatal ki chetna men karya karna pasand nahin karega. kripya nimnankit udahrnon par gaur karen udaharan 1. pichle ank men hamne landkip ke nam ka vishleshan kiya tha, sharirik shram kar prapt karne ki prerna deti thi. unhonne bhavna ke lie bhavnatmak athva antajrnyan ka sahara lekar karya nahin kiya balki hamesha bauddhik evan sharirik shram ko mahatva diya. unhonne inglaind men kanun ki padhai ki tatha vakalat ki. kintu yah unke jivan ka uddeshya nahin tha. (2,6,9) ki bhavna evan 3 ki dohri urja se abhibhut hokar unhonne vakalat chod di tatha manvta ki shanti evan kalyan ke lie karya kiya. unhonne buddhi ka istemal kar yojnaen banain tatha sharirik shram kar unhen karyarup pradan kiya. inhonne ismen bhavna ko kahin nahin ane diya. dakshin afrika men unhonne apne satyagrah ka safal prayog kiya tatha uske parinam se utsahit hokar safltapurvak bharat men bhi tab tak iska safal prayog kiya jab tak ki bharat 1947 men svatantra nahin ho gaya. shrimti gandhi ka bhagyank 8 evan hriday ank 2 tha. yahi karan tha ki unke jivan ka lakshya shanti, sahyog evan sadbhavna ke sath prabandhan, sangathan tatha prashasan tha. faltah ve ek vishal loktantra ki mahan evan safal netri sabit huin. unke uchchatam ank antajrnyan dharatal par 5 tatha bhautik dharatal par 4 hain. yah sarvavidit hai ki unhonne hamesha antarik nirdesh athva antajrnyan se nirnay lie. unhen jyotish men kafi vishvas tha. jyotishiyon ka ek samuh hamesha unke irda-gird rahta tha tatha ve hamesha unse salah liya karti thin. unhonne hamesha vyavharik rup se ;chtra4ddh apni yojnaon ko kriyanvit kiya. yahan dhyatavya hai ki unke bhavnatmak dharatal par ‘0’ ank the. iska tatparya yah kadapi nahin hai ki unmen bhavnaon ka bilkul abhav tha, kintu yah sach hai ki unhonne kisi dharatal par bhavnaon ko kabhi bhi havi nahin hone diya. unhonne sadaiv antajrnyan se nirdesh liya tatha vyavharik rup se bhavnaon ko alag rakhakar karya kiya. shayad unhen apni mrityu ka bhi antajrnyan ho gaya tha islie unhonne apni hatya se purva kai bar iski abhivyakti ki thi. vah kaha karti thin ki kisi bhi samay unki hatya ho sakti hai kintu ant tak vah apni yojnaon par karya karti rahengi aur aisa hi hua bhi l