yuvaon ki pratham manobhavna yahi rahti hai ki jivan men ek nishchit ay-srot ki sunishchitta ho. arthik sampannata evan vipannata vyakti ke jivan ka mahatvapurn pahlu hai. pratyek yuva aise karyakshetra ka chayan chahta hai jahan arthik sampannata ke sath uski samajik suraksha bhi sunishchit ho sake. islie jo bhi, jis prakar ki shiksha grahan kar pata hai usi shiksha-janit sroton ke madhyam se sarkari naukri prapt karne ke lie lalayit rahta hai kyonki sarkari naukri mane achche arthik parilabhon ke sath-sath purn samajik suraksha bhi prapt ho jati hai. is disha men sabhi yuva athak parishram evan adhyayan karte hanai parantu sarkari kshetra me naukri prapt karne men kam hi yuva safal ho pate hain, aisa kyon hota hai? barhti berojgari ne is samasya ko aur bhi vikral bana diya hai.
arthik maramari ke daur men abhibhavak lakhon rupya vyay kar pratiyonigta parikshaon ki taiyari karvate hain. sabhi abhibhavak chahte hain ki unke bachche pratiyogi pariksha men achche ank pakar sarkari kshetra men kisi unche ohde par baithe. mehanat saman rup se bhi karte hain lekin kuch hi yuva pratiyogi parikshaon men safal ho pate hain. yadyapi ajivika ka arjan sabhi apne-apne dhang se karte hain lekin sarkari naukri arjit karne ka saubhagya kam hi yuvaon ko mil pata hai. tulsidas ji ne apne mahakavya men varnit kiya hai ki - janam maran sab dukhsukh bhoga. hani labhu priya milan viyoga.. kal karam bas hohin gosai . barabas rati divas ki nani .. omaprakash sharma pratyek vyakti apne bhavishyakal ke bare men janna chahta hai ki uska bhavi jivnkal kaisa rahega ? khastaur par yuva berojgar yah janne ke lie utsuk rahta hai ki uski ajivika ka karyakshetra kaun sa hoga ? is adhar par manushya dvara arjit fal karm evan kal par nirbhar hai.
karm se manav apne prarabdh ko sanshodhit kar sakta hai . nishchit samay par kie gae karm sufal pradan karne vale tatha asamay kie gae karya kufldayi siddh hote hain. karm se hi vyakti ki pahchan hoti hai tatha samay par karm karne par saflta prapt hoti hai. jyotish suchna shastra hai. yah vyakti ke karmafal ki suchna pradan karta hai. janm kundali ke grah yog evan grah sthitiyon ke adhar par anuman lagaya ja sakta hai ki jatak kis kshetra men karm karega? uski ajivika kis srot ke madhyam se prapt hogi. ajivika, rajkiya pad, rajkiya samman, rajya kripa prapti ka vichar karne ke lie janmakundali ke dasham bhav ka adhyayan kiya jata hai. prasiddh granth jatakatatvam ke anusar - rajyapadavyaparmudranripmanrajyapitrimahatpadaptipunyagyakirti- vrishtipravritipravasakarmajivjanu putryadidshmachchintyam ..
dasham bhav men sthit grah, drishti, yuti tatha dashmesh grah ke balabal ka parikshan kar ajivika ke kshetra ka nirdharan karne ke shastriya nirdesh hain. pad-pratishtha kis prakar ki hogi iska anuman lagane ke lie panchm-navam bhav ka vichar kiya jata hai. dhan ki sthiti, matra evan ay ki sthiti ka anuman lagane ke lie dvitiya-ekadash bhav par vichar kiya jata hai. rajya kripa, raja, rajya sukh ka pradata grah surya ko mana gaya hai. dasham bhav ka char karak dashmesh grah mana jata hai. dasham bhav ke char sthir karak grah hain, surya, budh, guru evan shani grah, jo ajivika nirdharan ke anivarya vicharniya ang hain. mangal bhi dasham bhav men bali mana jata hai. in sthir karak evan char karak grahon ki sthiti jatak ke sanpurn ajivika kshetra sahit saflta-asflta ki gatha bayan karte hanai.
is prakar ajivika kshetra ke sath arthik stroton ka anuman kisi ek bhav ya ek grah se nahin lagaya ja sakta hai, iske lie vibhinn bhavon evan grahon ke apsi sambandhon ke samagra adhyayan ki avashyakta hoti hai. yahan ham aise grah yogon ki charcha karenge jo sarkari kshetra men naukri prapti men sahayak siddh hote hain. jyotish ke prachin ganrath jatakatatvam ke anusar - sarke'nshe rajkaryakarta .. kendre'rke rajkaryakarta .. kendre kone chandre rajkaryakarta .. rajyeshe labhe kendre va rajkaryakarta .. lagnambuge jive rajkaryakarta .. is adhar par karkansh kundali ke kendra trikon men surya sthit ho to manushya rajkaryakarta hota hai. kendra-trikon men balvan chandrama hone par jatak sarkari kshetra se ajivika arjit karta hai. dashmesh grah balvan hokar lagn se kendra athva labh bhav men sthit ho to jatak sarkari karmachari hota hai. janmakundali men lagn athva chaturth bhav men guru balvan hokar sthit ho to sarkari kshetra men naukri dilvane men sahayak siddh hote hain . janmakundali men sabhi saton grahon ki sthiti mahatvapurn hoti hai. inmen koi bhi ek bali grah rajkiya kshetra se ajivika ya sarkari pad prapti men sahayak ho jata hai.
prathmik anusandhan se prapt nishkarshon ke anusar surya, chandrama, guru, shani evan mangal uttarottar rup se rajkiya naukri dilane men sahayak siddh hote hain. surya evan guru to nishchit rup se rajkiya dhan se hi roji-roti dene vale grah hanai. guru dhan, samriddhi evan surya urja, jivanashakti, ichchashakti, rajya evan adhikar ka naisargik karak hai. isi prakar budh vidya, buddhi, vakshakti, vyapar, sanchar, lekhan ka tatha shani grah shram evan adhyavsay ka naisargik karak grah hai . in sabhi grahon ki bhumika ka vistrit vivechan kiya jana yahan sanbhav nahin hai tathapi surya grah ki sarkari naukri dilane men jo bhumika hai, uska vishleshnatmak adhyayan prastut karenge. lagabhag 100 kundaliyon ke vishleshan uprant sarkari naukri dilane men surya grah ki bhumika nirdharit karne men nimn manadand drishtigochar hota hai- ‘‘yadi surya grah janmakundali men kendra-trikon bhav, dvitiya-ekadash bhav men balvan hokar sthit hon tatha kendresh athva trikonesh se chaturvidh shubh sambandh banayane to vyakti ke sarkari kshetra men naukri prapt hone ki purn sanbhavna hoti hai.’’
is parikalpana men sarkari naukri prapti ka rahasya antarnihit hai. is tathya ki satyata janchne ke lie 100 rajkiya naukri men karyarat vyaktiyon ki janmakundaliyon ka adhyayan kiya gaya, jinke kuch udaharan nimn prakar prastut hanai - kundali sankhya-1 ek bhartiya prashasnik seva ke adhikari ki hai, jiski janmatithi 13.05. 1967 hai. prastut kundali mesh lagn ki hai jismen surya lagna(kendra-trikon) bhav men uchch rashi men sthit hai. surya svayan kundali men panchmesha(trikonesh) hai. mangal grah jo lagn ke svami hain, ki ashtham drishti surya par par rahi hai. yahan surya ka sambandh kendra evan trikon bhav evan bhaveshon ke sath ho raha hai. is kundali men uprokt prastut manadand lagu hota hai .
surya ki bali sthiti ne jatak ko sarkari kshetra se ajivika pradan karne men sahayta ki . kundali sankhya-2 ek rajasthan prashasnik seva ke adhikari ki hai, jiski janmatithi 3.6. 1956 hai. prastut kundali kanya lagn ki hai. yahan surya grah navam bhava(trikon) men lagnesh-dashmesh(kendresh) budh ke sath yuti kar raha hai. atah yahan surya trikon bhav men sthit hokar kendra svami budh se sambandh bana raha hai. is kundali men uprokt prastut manadand purn rup se lagu hota hai. surya ki balvan sthiti ke karan jatak ko sarkari naukri prapt karne men saflta mili . kundali sankhya-3 ek kaelej vyakhyata ki hai, jiski janmatithi 3.9. 1949 hai. kundali tula lagn ki hai.
surya ekadshesh hokar ekadash bhav men sva rashi men sthit hai. yahan iski chaturthesh panchmesh(kendra trikon) shani grah se yuti hai. is kundali men bhi surya ka sambandh kendra trikon bhav-bhaveshon se ho raha hai ataev surya ki prabhavi bhumika ke karan jatak sarkari kshetra men naukri pane men safal raha. kundali sankhya-4 ek chaturth shreni karmachari ki hai, jiski janmatithi 29.10.1965 hai. kundali kanya lagn ki hai . kundali men surya dvitiya bhav men sthit hai tatha us par chaturthesh-saptamesh(kenderash) guru ki purn drishti hai. dhan bhav se trikon bhavesh se sambandh ban raha hai. atah prastut kundali men bhi uprokt manadand purn rup se lagu ho raha hai kintu kundali men surya evan guru grah donon hi apekshakrit kamjor sthiti men hai jiske karan jatak sabse nimnatam paydan chaturth shreni karmachari ka pad pa saka. lekin is sthiti men bhi surya grah ke karan rajkiya naukri pane men safal raha .
kundali sankhya-5 ek adhyapak ki hai jiski janmatithi 29.09.1969 hai. kundali vrish lagn ki hai. is kundali men surya pancham bhava(trikon) men sthit hai. surya svayan chaturth bhav(kendra) ka svami hokar pancham men sthit hai. panchmesh budh svagrihi hokar surya se yuti kar raha hai. prastut kundali men surya ke sath kendra evan trikon bhav-bhaveshon ka bali sambandh sthapit ho raha hai. ataev is kundali men bhi uprokt manadand purn rup se lagu ho raha hai. surya ki sthiti ke karan hi jatak ko sarkari kshetra men naukri arjit ho saki . uprokt manadand ko 100 kundaliyon par lagu kar parinamon ke satyata ki janch ki gai. nishkarsh ke taur par yah paya gaya ki yadi surya kendra trikon bhav men sthit hokar shubh bhaveshon se sambandh banata hai to us jatak ki sarkari kshetra men naukri men pravesh ki 52 pratishat sanbhavna rahti hai.
yadi surya dvitiya-ekadash bhav men sthit hokar shubh bhaveshon se sambandh banata hai to 22 pratishat sanbhavna rahti hai ki jatak sarkari kshetra men naukri pa sakega. anya bhavon yatha tritiya, chathe bhav evan anya grahon ke prabhav ke karan bhi lagabhag 23 pratishat sarkari kshetra men naukri pane ki sanbhavna banti hai. is tathya ko nimnankit dandarekh se bhi pradarshit kiya gaya haiah- ukt dandarekh se pradarshit kie gae vishleshan se yah tathya bhi ujagar hota hai ki surya kendra men sthit hokar trikonesh se sambandh banaye to jatak sarkari kshetra men shasan karne evan adeshakarta jaisi naukri prapt karta hai, yadi surya ka balvan sambandh trikon bhav se banta hai to vyakti sarkari kshetra men srijanakarta ke rup men karya sampann karne vala hota hai. kendra evan trikon bhav evan bhaveshon se surya ka balvan sambandh rajyadhikari ke padon se sushobhit karta hai .
yah tathya susthapit pratit hota hai ki kundali men surya grah balvan hone ki sthiti men jatak rajkaryakarta hota hai. yadyapi is mahatvapurn tathya ko abhi aur kasauti par kasne ki purn avashyakta hai taki sukshmatam parinamon tak pahuncha ja sake.