mukhya dvar ghar ke mukhya dvar se har prakar ke avrodh jaise jhariyan, vastuen, farnichar ityadi hata den. mukhya dvar prakash se jagamag rahna chahie, yahan hamesha roshni ka uchit prabandh hona chahie. fyuj balb ko turant badlne ki vyavastha rakhen.
ghar ke mukhya dvar par manglik chihnon jaise- un, svastik adi ka prayog karna chahie tatha ‘un bel’ latkana chahie. ghar men mukhya dvar jaise anya dusre dvar nahin banane chahie tatha mukhya dvar ko fal, patra, lata adi ke chitron se alankrit karna chahie. brihadvastumala men bhi kaha gaya hai- muladvaran nanyaidvarair bhisandadhit rupaddharya. ghatafalapatraprathmadi bhishch tanmanglaishchinuyat..
atah mukhya dvar par kabhi bhi vibhats chitra ityadi nahin lagana chahie. draing rum yah ghar ka sarvadhik mahatvapurn kaksh hota hai jahan ghar ke sadasyon ke alava agantuk mehman bhi tashrif rakhte hain. atah is kaksh ko har prakar se akarshak evan vastu doshon se mukt hona avashyak hai. draing rum men lal sofa kadapi n rakhen. lal sofa rahne se ghar ke sadasyon ke bich apsi matbhed, atyadhik karya ka bhar tatha anya prakar ke avrodh paida hote hain.
dayning rum men marbal ka tebal nahin rakhen. yadi hai to use hatakar lakri ka tebal rakhen. marbal ka tebal vyavsay evan karya se sanbandhit pareshaniyan de sakta hai. draing rum men farnichar, sho kes tatha anya bhari vastuen dakshin-pashchim (nairritya) men rakhni chahie. farnichar rakhte samay is bat ka dhyan rakhen ki ghar ke malik ka mukh baithte samay purva ya uÿar ki or rahe.
yadi draing rum men ekveriyam athva faunten rakhna chahte hain to hamesha ise uÿar-purva kone men rakhen. ti.vi. dakshin-purva (agney) kone men rakhen to uÿam hai. draing rum men hi mrit purvajon ke chitra dakshini divar par lagaen. draing rum ki divaron ka rang vaise to ghar ke malik ke kua ank ke anurup hona chahie, yadi ap iska anusaran nahin karna chahte hain to samanya rup se divaron par halka nila, asmani, pila, krim ya hara rang karaen.
bedrum shayanakaksh men palang dakshini divaron se sata hona chahie. palang darvaje, khirki ke thik samne nahin hona chahie. sote samay sir dakshin ya purva disha men honi chahie tatha pair darvaje ke thik samne nahin hona chahie. bim ke niche kabhi nahin soen. gyan prapti ke lie purva ki or tatha dhan prapti ke lie dakshin ki or sir karke sona vastu men prashast mana gaya hai.
sote samay kabhi bhi vastu pad men tiryak rekha men nahin sona chahie. aisa karne se ganbhir bimariyan hone ka khatra rahta hai. shayan kaksh men darpan nahin hona chahie, yadi ho bhi to sote samay pratibimb nahin dikhna chahie. yadi darpan aisi sthiti men ho to pati-patni tatha ghar ke sadasyon men apsi kalah ki sthiti utpann hoti hai. yadi darpan hatana sanbhav n ho to rat men use dhank den.
bedrum ki divaron ka rang vahan sone vale mukhya vyakti ke kua ank ke anurup karaen athva halka rang karaen. rasoi ghar yathasanbhav rasoighar dakshin-purva (agney) hisse men nirmit hona chahie. vikalp ke taur par uÿar-pashchim (vayavya) men bhi rasoighar ka nirman kiya ja sakta hai. gais chulha rasoighar ke dakshin-purva hisse men is prakar rakhna chahie ki bhojan banate samay grihini ka mukh purva ya uÿar disha ki or ho. bartan, masale, rashan ityadi pashchim disha men rakhna chahie.
bijli ke upakaran, gijar adi dakshin-purva men rakhna chahie. frij dakshin-pashchim (nairritya) kone men rakhna chahie. jal ki vyavastha tatha sink uttara-purva (ishan) kone men vyavasthit hona chahie. juthe bartan tatha chulhe ki slaib alag honi chahie. gais chulha tatha sink ke bich ki duri adhikatam honi chahie. rasoighar men davaiyan nahin rakhni chahie. rasoighar men hara, krim ya gulabi rang karvaya ja sakta hai. kala rang bilkul n karvaen.
pujaghar ghar men puja ka sthan uÿar, purva ya uÿar-purva men hona chahie. vaise uÿar-purva (ishan) sarvoÿam hai. puja karte vakt munh purva/uÿar disha men hona chahie. vaise to puja ghar men murtiyon ki bajay foto rakhen kintu yadi murtiyan rakhen to is bat ka dhyan rakhen ki unki unchai 9’’ se adhik athva 2’’ se kam n ho. murtiyan ya foto is tarah se rakhni chahie ki ve amne-samne n hon.
ghar men sarvajnik mandir ki tarah puja kaksh men gumbad, dhvaj, kalash, trishul ya shivling ityadi nahin rakhna chahie. puja sthal bedrum men nahin hona chahie. yadi bedrum men hi puja ka sthan banana majburi ho to vahan parde ki vyavastha karni chahie. puja ghar men safed, halka pila, gulabi athva halka nila rang karvana chahie. bathrum evan taeylet ghar ki antrik saj-sajja men bathrum evan taeylet ka bhi bhalibhanti dhyan rakhna avashyak hai.
ajakal bathrum evan taeylet sath banane ki paripati hai. nal ko yathasanbhav purva ya uÿar ki divar par lagana chahie jisse snan ke samay mukh purva ya uttar disha men ho. bathrum ghar men adhyayan kaksh uÿar-purva ya men vaesh besin ishan ya purva men rakhna chahie. gijar, svich bord adi dakshin-purva (agney kon) disha men hona chahie. bath tab is prakar vyavasthit ho ki nahate samay pair dakshin disha men n ho.
bathrum ki divaron ya tails ka rang halka nila, asmani, safed ya gulabi hona chahie. taeylet men vyavastha is prakar ho ki shauch men baithte samay mukh dakshin ya pashchim men ho. anya vyavasthaen bathrum ke hi saman rakhni chahie yadi taeylet alag ho. adhyayan kaksh pashchim madhya men hona chahie. stadi tebal is prakar vyavasthit hona chahie ki parhte samay mukh uÿar ya purva disha men ho.
pith ke piche divar ho kintu khirki ya darvaja n ho tatha sir ke upar bim n ho. adhyayan kaksh men kitab rakhne ki almari dakshini divar par ya pashchim divar par honi chahie. almari kabhi bhi nairritya ya vayavya kon men nahin honi chahie. adhyayan kaksh ka rang halka hara, badami, halka asmani ya safed rakhna chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!