prem arthat jab apka man kisi vyakti men svayan ke svarup ki anubhuti karne lagta hai tab usmen niahsvarth samarpan, tyag svatah hi sfurit ho jata hai, jabki vivah men, jivan nirvah marg men sahyog prapti ke uddeshya se jivan sathi ko dharan kar kartavya bandhan ka vachan svikarya hota hai. atah jab in donon sambandhon ko eksath svikara jata hai, tab vah ‘‘prem-vivah’’ men parivartit ho jata hai.
prem-vivah ke jyotishiya yog: vibhinn shastron evan vidvanane ke matanusar kai prakar ke yogon dvara prem vivah hone ki pushti hoti hai. yahan ham prem vivah ke tarkasangat tathyon ko samjhenge-
pancham bhav (bhavnatmak sanvednaen, grih sukh ki vriddhi) tatha panchmesh
saptam bhav (patni v vivah, sva-abhivyakti, mansik prayatnashilta) v saptamesh
chandrama (man, bhavnaen)
shukra (prem ka adan-pradan, stri ke prati akarshan v sukh)
mangal (purush ke prati akarshan, purush ka sanrakshan, sambandha/sambandhi ke lie sahsik prayas)
guru (pati ki prapti v sukh, vaivahik mangalya, tyag, samarpan, sambandha/sambandhi ke hitartha) pancham bhav ke svami ka saptam bhav men sthit hona athva saptamesh se sambaddh hona aur chandra ka bhi isi prakar ka sambandh hona jatak athva jatika men prem sambandh ki or svatah akarshan v utkantha ki pushti karta hai
yadi saptamesh bhi pancham bhav v panchmesh tatha chandra se sambandh sthapit kar leta hai tab prem sambandh ki sthapna hogi anyatha ektrfa prem ke rup mane hi rah jayega. tritiyesh athva mangal ka pancham bhav v panchmesh se sambandh prem sambandhit prayason men vriddhi v sahas pradan karega tatha chandra athva kark navansh men sthit hone par jununi bhi bana deta hai. vahin rahu ka saptam, saptamesh athva pancham, panchmesh se sambandh samaj v paristhitiyon ke viprit jane ki pravatti pradan karega. ab saptamesh athva tritiyesh ka sambandh shani se ho jaye ya shani ke navansh men sthit ho to jatak prem vivah ke lie kisi bhi star ko par kar jayega.
saflta v sangharshah kisi bhi sambandh ki saflta men tyag, samarpan, seva bhav ki mukhya bhumika rahti hai atah, guru v anya shubh grahon ka saptam bhav se sambandh anivarya hai, parantu ve 6, 8 bhavon se sambandhit nahin hone chahie. yahan dhyan dene yogya bat yah hai ki jahan mangal v tritiyesh ka saptama/saptamesh se sambandh jatak men vaivahik sambandhon ke lie vishesh sahas v suraksha ki pravritti pradan karta hai, vahin viprit gochar v saptamesh ke shatru ki dasha men inhin sambandhon men lie sangharsh ki sthiti paida kar deta hai.
rahu ka sambandh jahan in sambandhon ke lie paristhatiyon ke viruddh jane se bhi nahin hichkichata hai vahin chandrama se yut athva pancham bhav se sambandhit hone ki sthiti men jatak ko nirnay lene ki paristhiti men asmanjas v bhram ki avastha men dal deta hai. atah, jo grahiya sthiti, prem sanbandh ko sthapit karne men sahayak hoti hai vahi jivan mane uske suvyavasthit sanchalan men badha ka karya bhi karti hai. safal prem vivah ki mukhya arhata ki purnata ke lie guru jo ki tyag v samarpan ke pradata hanai, shubh prabhav men tatha saptamesh athva saptam bhav se sambandhit hone chahie.
shukra bhi shubh prabhav v shubh bhavon se sambandhit ho, panchmesh ka sambandh 6,8,12 bhavon v unke svamiyon se nahin hona chahie. ekadshesh ka sambandh saptam bhav v unke svami se kadapi nahin hona chahie anyatha jivan sathi se anek apekshaen is sambandh ke lie vish ka karya kar sakti hanai.
-kundli men jatak ka panchmesh guru saptamesh shukra ke sath lagn men yut hai, navansh kundli ka pancham bhav v panchmesh kramshah lagn kundali ka saptam bhav v saptamesh hai atah jatak ki bhavnaon ka uske vaivahik jivan men atyant mahatvapurn sthan hai.
-chandra ki saptam bhav men sthiti tatha saptamesh shukra dvara drisht hona jatak ke man par prem v preysi ke prati pragarhta pradarshit kar raha hai.
-janm kundli ka tritiyesh shani shukra ke navansh men sthit hai jo jatak ke bhitar prem ke lie lagatar prayas v sangharsh karne ki pravritti ko darsha rahi hai.
-lagnesh mangal ki saptam bhav v chandra par drishti vaivahik v bhavnatmak vishyon men tatha unki suraksha hetu prayaso men agrani rahne ki pushti kar raha hai.
-vahin vichchedkari grah surya vivah ke mangalya sthan, dvitiya bhav men ashtamesh budh ke sath yut hain. arthat ashubh parivarik paristhitiyon ke chalte jatak ko lambe samay se apni preysi patni se dur rahne ki sthiti ka samna karna par raha hai, parantu mangalya bhav ke svami guru ki saptamesh shukra v saptam bhav men drishti tyag v samarpan dvara prem vivah ke is sambandh ko sthayitva dene ki pushti darshata hai.
jatak ne prem vivah kiya jise sthapit karne ke lie atyant sahsik prayas kie aur usko sthirta pradan karne ke lie anek tyag ke udaharan prastut kiye aur aj bhi ve apne usi prem vivah ko apne jivan ka lakshya man kar apni preysi patni ke lie samarpit hai.
-uprokt kundli men jatika ke panchmesh guru v saptamesh shani ki dvitiya bhav men yuti ho rahi hai tatha navansh men kark lagn uday ho raha hai jo prem pradhan rashi hai.
-chandra v shukra ka lagnesh surya se kramshah drishti v yuti ka sambandh hai atah, jatika men prem bhavna ki pradhanta hai. shukra jo tritiyesh hokar lagnesh se yut hai aur jiske karan jatika ke prayas premonmukh paye jate rahe hain. iski pushti navansh kundli ke tritiyesh budh ke saptam bhav men sthit hone se bhi ho rahi hai
-tritiyesh shukra ke sath rahu bhi yuti sambandh bana rahe hain. navansh kundli ke tritiya bhav men bhi rahu virajit hai, jo jatika ko samaj v paristhitiyon ke viruddh khare hokar samna karne ki vishesh kshamata pradan kar rahe hain. jatika ne apne jivan men prem sambandhon ke lie kai bar pure samaj v pratidvandviyon ka datakar samna kiya.
-guru ki saptamesh shani ke sath dvitiya bhav men yuti tatha punah navansh kundli men dasham bhav men saptamesh shani se yuti prem men samarpan v tyag ki bhavna ki pushti karta hai. jatika vartaman samay men apne premi ke sath hi sukhad jivan vyatit kar rahi hai.