tairo dek men yah kard mejar arkana ka kard nan. 9 hai. tairo seshan men jab yah kard niklta hai to yah atyant saflta ki or ingit karta hai arthat prashnakatrta jab tairo ridar ke pas kisi samasya ko lekar jata hai to prashnakatrta tairo spred men se ek kard ki or ingit karta hai.
tairo ridar vah kard nikalta/ nikalti hai jo prashnakatrta ka pratinidhi hai. vah kard sanbandhit vyakti ki visheshtaen batata hai. tairo seshan men jiske liye strainth kard niklta hai, yah kard batata hai ki vah vyakti bahut himmat vala hai, jaldi har manne vala nahin hai. vah har kshetra men apni yogyata se, takat se adhik kam karne ki ichchashakti rakhta hai v ant tak prayasarat rahta hai. thakakar chur ho jane par bhi apne ap men dubara se himmat jutata hai jab tak usko saflta n mil jaye. yah ichchashakti itni drirh hoti hai ki jaise koi sher ke munh men hath dalne se bhi nahin chukta arthat har prakar ka khatra uthane ko taiyar rahta hai. agar prashnakatrta ka apne vyapar men bahut nuksan ho gaya ho aur vah uski bharpai nahin kar pa raha ho, bahut pareshan ho, ghar, parivar v bachchon ke kharch bhi uthane men asamarth ho gaya ho tab bhi vah himmat nahin harta, apne hriday ko majbut karta hai, himmat batorta hai, vah har taraf apne hath panv marta hai.
dimag larata hai ki kaise apne dubte vyapar ki naiya par lagaun, kaise apne vyapar ke nuksan ki bharpai karun. kabhi vah apne mitron se bat karta hai, asafal hone par apne kuch rishtedaron ki taraf jhankta hai, usmen bhi asafal hone par nirash nahin hota. asha ki ek choti si kiran bhi dhunrhne ke liye apni puri sujh-bujh ka istemal karta hai. kabhi vah baink se rin lene ka prayas karta hai, anshik saflta ki asha hone matra se hi iski himmat duguni ho jati hai, isko ahsas hota hai ki jaise kisi andheri rat men vah jangal men fans gaya hai aur ek jugnu ke chamkne se use rasta najar a gaya hai.
vah sochta hai, agar baink se mujhe kuch rin mil jaye to main kisi ke sath partanaraship karke apne vyapar ko dubara se unnati ki or le ja sakta hun. arthat vah apni samathrya v soch se kahin adhik karne ki soch v ichcha-shakti rakhta hai aur har tarah ka khatra mol lene ke lie taiyar rahta hai. lekin jiske liye is kard ka prakatan hota hai yah ingit karta hai ki kathin prayas ke bad anttah usko saflta hi milegi. isi prakar prashnakatrta ki samasya yadi svasthya hai to is kard ka prakatan hamen batata hai ki agar vah achcha ilaj karvaye, speshlist ko dikhaye to purn aram milega, daektar ke nirdeshon ka purnatah palan karega, davai samay par khayega to usko svasth hone men avashya saflta milegi. yadi vah sharab adhik pita hai,
dhumrapan karta hai aur is adat se chutkara pana chahta hai aur uske liye yah kard niklta hai, chahe uske liye uski patni ya man hi yah prashn kare to uttar yah hoga ki yadi vah atyadhik prayas kare to saflta avashya milegi. agar koi vidyarthi tairo ridar ke pas jata hai aur seshan ke dauran uska strainth kard niklta hai to iska arth hai agar tum ji tor mehanat karoge to saflta avashya hasil karoge. agar koi grihini ghar ke klesh se pareshan hokar tairo ridar ke pas jati hai
aur uska ukt kard niklta hai to tairo ridar usko yah paramarsh dega, dekho tum himmat mat haro, apni sahanashakti barhao, ghar men kisi se bahas mat karo, baron ko javab mat do, ghar ki jimmedariyan sakshamata se nibhao, baron ko adar, choton ko pyar do, anttah jit tumhari hi hogi, log tumhari prashansa karenge, samaj men tumhen samman milega, ghar ka klesh bhi dhire-dhire samapt ho jayega. agar do mitron men kisi bat ko lekar darar a gayi ho aur uska tairo seshan men ukt kard niklta hai
to uske liye yah salah hogi ki apni purani karvahat bhul kar naye sire se mitra ke sath sadvyavhar v shalinta ke sath mile to use saflta milegi, purani mitrata kayam rahegi. agar pati-patni ke rishte men karvahat a gai ho to uske liye is kard ke prakat hone par tairo ridar ka paramarsh hoga ki purani baton ko bhulakar ek-dusre se apni-apni galtiyon ki mafi mang len v naye sire se apna sath-sath jivan aranbh karen. sukhi danpatya jivan men saflta milegi.