dvadshansh gyat karne ke lie pratyek rashi ko 12 bhagon men banta jata hai jismen pratyek bhag 2°-30’ ka ho jata hai. isi prakar grahon ko bhi vibhajit kar jahan ve sthit hote hain vahan se utne bhav age rakh diya jata hai, jaise yadi koi grah 8°-02’ ka hota hain to vah chaturth dvadshansh men jaega arthat svayan ke bhav se vah grah char age ke bhav men chala jaega.
dvadshansh banane ki vidhi - pratham dvadshansh 0 se 2°-30’ dusra dvadshansh 2°-30’ se 5°-00’ tisra dvadshansh 5°-00’ se 7°-30’ chaturth dvadshansh 7°-30’ se 10°-00’ isi prakar pure 30°-00’ ka 12 barabar bhagon men bantvara kar 12 dvadshansh prapt kie jate hain. is dvadshansh varg ka adhyayan karte samay hamne paya ki jyotish ke prachin granthon men dvadshansh ke vishay men ek sutra likha hua hota hai: “ kendrashu shubhda rajyogafalaprada “ arthat svayan se kendra men gaya grah (dvadshansh men) rajyog pradan karta hai.
prastut alekh men isi sutra ko adhar banakar yah janne ka prayas kiya gaya hai ki kya vastav men aisa hota hai. lagabhag 300 kundliyon men yah sutra lagaya gaya aur is sutra ko bilkul sahi paya. is sutra ki satyata janne ke lie hamen iski bhumika ko samjhna parega. ham sabhi jante hain ki janmakundli ka chaturth v dasham bhav mata-pita se sanbandhit hote hain. yadi in donon bhavon se ghar athva sukh dekhna ho to chaturth bhav, lagn v saptam bhav dekhna pad ega aur yadi inhin bhavon se karya athva karm dekhna ho to dasham bhav ke atirikt saptam v lagn bhi dekhna pad ega yani yah spasht rup se kaha ja sakta hai ki mata-pita ke ghar v karya ke lie hamen 4 v 10 ke atirikt 1 v 7 bhav bhi dekhni chahie. inhin charon bhavon (1, 4, 7, 10) ko hi hamare prachin vidvanane ne kendriya bhav kaha hai jisse yah spasht hota hai ki in charon bhavon men gaya grah avashya hi shubhafal pradan karega athva karta hoga.
dvadshansh ke in charane (kendriya) bhavane ko hamare shastra kramshah kuber, kirti, mohan v i ndra kahte hain jinka shabdik arth sanbhvtah dhan, prasiddhi, akarshan v sinhasan hota hai. dvadshansh ke vibhinn bhavon men gae grah is prakar se apne fal pradan karte hain: 1, 4, 7, 10 bhavon men shubh; 2, 6, 8, 11 bhavon men madhyam tatha 3, 5, 8, 12 bhavon men nirbal. shodh men paya gaya ki kundli men yadi koi bhi grah dvadshansh men apne se in char kendriya bhavane men gaya tha to usne apni dasha men jatak vishesh ko bahut hi saflta, samman, kamyabi v u nchai pradan ki thi jabki vah grah us jatak ki kundli ke lie shubh nahin tha tatha naisirgik rup se ashubh bhi tha. yah bhi paya gaya ki jaise hi jatak ko us grah ki dasha lagi vah ekaek saflta ki unchai chune laga. dvadshansh sutra hone ke bavjud uski is saflta men uske mata-pita ka yogdan athva sahyog nahin tha athva nam matra ka hi tha.
aie ab kuch kundliyan dekhte hain tatha is sutra ko janchte hain:
1. bharat 15/8/1947 00ah00 dilli vrish lagn ki is patrika men lagnesh shukra 22°-33’ ka hai jo dasham dvadshansh men ata hai. shukra ki dasha bharat varsh men 1989 se 2009 tak rahi aur is dauran bharat ne pure vishva men apni pahchan sanchar madhyam, film v khel jagat tatha sundrta ke kshetra men banai jisse pure vishva men bharat ka danka bajne laga. patrika men shukra tisre bhav men ast avastha men hai.
2. narendra modi 17/9/1950 12ah21 vadanagar, gujrat vrishchik lagn men janme shri modi ji ki patrika men chandra 9°-36’ ka hai jo chaithe dvadshansh men parta hai. inki chandra dasha 2011 se 2021 ke madhya hai aur ham sabhi jante hain ki isi dauran ye abhi tak apne rajya ke mukhyamantri se desh ke pradhanmantri tatha vishva ke shaktishali rajnitigya ke rup men sthapit ho gae hain jabki inki abhi lagabhag puri chandra dasha shesh hai. yahan dhyan rakhen ki patrika men chandra bhagyesh nich rashi ka hokar mangal lagnesh sang lagn men sthit hai.
3. arnauld svarjnegar 30/7/1947 4ah10 graj(astriya) mithun lagn men janme arnauld ki patrika men chandra 8°-40’ ka hai jo chaturth dvadshansh men ata hai. inki chandra dasha 1976 se 1986 tak rahi. is dasha men inhanene apni pahli film “kaunan d barberiyan” ki, 1984 men apni “tarminetr” sirij ki pahli film se ye purn rup se vishva sinema patal par cha gae. isi chandra dasha men inhonne 1986 men vivah kiya jo kamyab raha hai. inki patrika men chandra dusre bhav ka svami hokar saptam bhav men hai.
4. rajnish 11/12/1931 17ah13 kuchvara vrish lagn men janme shri rajnish urf osho ki patrika men rahu 9°-04’ ka hai jo chaturth dvadshansh men ata hai. inhen rahu dasha 1961 se 1978 tak rahi jis dauran inhonne apne darshan ke chalte apne kendra ki sthapna ki tatha vishva bhar men inke anuyayi bante chalte gae. 1969 men inke darshan ne ek andolan ka rup le liya tatha vishva ki jani mani hastiyan inke sanpark men ane lagin jisse ye vikhyat hone lage. inki patrika men rahu ekadash bhav men guru ki rashi men hai.
5. hitalar 20/4/1889 18ah30, astriya tula lagn men janme hitalar ki patrika men rahu 22°-47’ ka hai jo dasham dvadshansh men ata hai. rahu ki dasha inhane 1933 se 1951 ke madhya rahi aur ham sabhi jante hain ki yah samay hitalar ka svarnim kal tha. isi dauran usne pure vishva men apni krurta ka paracham lahraya tha. inki patrika men rahu navam bhav mithun rashi men hai.
6. abraham linkan 12/2/1809 7ah32, amrika kumbh lagn men janme shri linkan ki patrika men guru 2°-16’ ka hai jo pratham dvadshansh men ata hai. ye apni guru dasha men hi amrika ke rashtrapti bane the. inki patrika men guru dusre bhav men hai.
7. bil klintan 19/8/1946 8ah30, hop amrika kanya lagn men janme klintan ki patrika men guru 1°-35’ ka hokar pratham dvadshansh men hai. ye bhi apni guru ki dasha men hi amrika ke rashtrapti bane the. inki patrika men guru dusre bhav men hai.
8. shahrukh khan 2/11/1965 2ah30, dilli sinh lagn ki is patrika men shani 17°-13’ ansh ka hai jo satven dvadshansh men ata hai. inki shani dasha 2004 se 2023 ki hai aur ham sab jante hain ki 2004 se ab tak inki sabhi filmen ek se ek bari hit hoti ja rahi hain tatha isi dauran inki kriket tim “kalakatta nait raidar “ne bhi khitab jita hai. ye nitya nayi bulandi chute ja rahe hain. inki patrika men shani saptam bhav men hai.
9. kapil dev 6/1/1959 4ah50, chandigarh dhanu lagn ki inki patrika men budh 1°-35’ ka hai jo pratham dvadshansh men ata hai. inki budh dasha men hi ye bharat ki kriket tim ke sadasya ban fir kaptan bane tatha inki hi kaptani men bharat ne kriket ka tisra vishva kap jita tha. inki patrika men budh lagn bhav men hai.
10. dhirubhai anbani 28/12/1932 6ah37, yaman dhanu lagn men janme dhirubhai anbani ki patrika men rahu 16°-54’ ka hai jo satvan dvadshansh parta hai. ham sabhi jante hain ki inhonne apna vyavsayik samrajya isi rahu dasha men hi banaya tha jo bad men bharat varsh ke sabse bare vyavsayik gharanane men se ek bana hai. inki patrika men rahu tisre bhav men hai.
11. putin 7/10/1952 10ah11, masko, rus vrishchik lagn men janme shri putin ki patrika men shani 24°-14’ ka hai jo dasham dvadshansh men ata hai. inki shani dasha 2001 se 2020 tak ki hai aur isi dauran ye apne desh ke rashtrapti bane hain tatha vishva ke rajnitik patal men inko kafi shaktishali mana jata hai. inki patrika men rahu ekadash bhav men hai.
12. mahendra sinh dhoni 7/7/1981 19ah05, ranchi dhanu lagn men janme dhoni ki patrika men rahu 8°-11’ ka hai jo chaturth dvadshansh men ata hai. inki patrika men rahu ki dasha 2001 se 2019 tak ki hai. isi rahu dasha men inhonne bhartiya kriket tim men apni jagah banai fir yah bharat ki kriket tim ke kaptan bane tatha bharat ko inhanene 2-2 vishvakap jitae aur is samay inka khel v vigyapan jagat men jabardast danka baj raha hai. ye jahan bhi hath dal rahe hain saflta hi inke hath lag rahi hai. inki patrika men rahu ashtam bhav men hai.
13. amir khan 14/3/1965 9ah21, munbai mesh lagn men janme amir khan ki patrika men shukra 22°-39’ ka hai jo dasham dvadshansh men ata hai. inki shukra dasha 1991 se 2011 tak rahi jis dauran ye bhartiya film jagat men sabse kamyab ektar, prodyusar v dayrektar ke rup men prasiddh huye tatha inke nam lagatar kamyab filmen dene ka rikord bana hai. aj inki ginti vishva ke prabhavshali vyakti ke rup men hoti hai. inki patrika men shukra ekadash bhav men hai.
14. shri javahar lal nehru 14/11/1889 23ah03,ilahabad kark lagn ki patrika men mangal tisre bhav men 9°-58’ ka hokar chaturth dvadshansh men hai. ham sabhi jante hain ki inki mangal dasha 1948 se 1955 ke bich rahi aur isi dauran inka bhartiya rajniti men bahut kad barha aur ye desh ke pradhanmantri bane. in sab kundliyon ke atirikt anya kundliyon jaise guljari lal nanda (4/7/1898 00ah52 siyalkot) mesh lagn ki patrika men guru 9°-52’ chaturth dvadshansh, indira gandhi (19/11/1917 23ah15, ilahabad) kark lagn ki patrika men guru 15°-01’ saptam dvadshansh tatha manmohan sinh (26/9/1932 14ah00 jhelm) dhanu lagn ki patrika men rahu 24°-08’ dasham dvadshansh ka hai aur ye sabhi inhin grahon ki dasha men desh ke unche pad arthat pradhanmantri pad par sushobhit huye the. is prakar yah spasht rup se kaha ja sakta hai ki yadi kisi jatak ka koi bhi grah dvadshansh men kendriya bhavon arthat 1, 4, 7, 10 men gaya ho to us grah ki dasha men jatak vishesh ko bahut saflta prapt hoti hai bhale hi vah grah kundli men kisi bhi avastha men kyon n ho.