parvat par ankit dharm gatha  

parvat par ankit dharm gatha dae. rakesh kumar sinha puranon men varnit vishnu ke prasiddh avtaron men se ab tak ka antim avtar bhagvan buddh ke rup men hua hai jinhonne vishva men anek sthanon par apne shanti aur ahinsa ke sandesh janta janardan ko diye. aise aitihsik evan sanskritik punya sthalon men magadh ke gaya kshetra men koadol namak parvat apni suramya prakritik sushma ke sath-sath pashan kalakarita ke lie bhi prasiddh hai. prakarantar se dharm v itihas se sammat rahe magadh pradesh men ek se barhakar ek aitihasik v sanskritik mahatva ke parvat virajman hain. isi magadh ki bhumi men sansar men manav nirmit pratham pashan gufa ka parvat ‘barabr’ hai to isi dharti par brahma ji ke yagya ki sthali ‘brahmayoni’ virajman hai. yahin hindu, bauddh v jain dharm ka sangam parvat ‘hasrakol’ maujud hai to yahin 52 mandir v itne hi talabon ka pahar ‘umga’ ki sthiti hai. isi dharti par pashrvanath ki sadhna-gufa ka parvat ‘pachar’ maujud hai to yahin dungehari samast bhut-pret ki adi sthali ‘pretshila’ yahi hai to pitron ko mukti dene shri ram jahan padhare, vah ‘ramshila’ bhi isi dharti par shobhayman hai. aj bhi yahan shatadhik parvaton ki upasthiti darj hai ismen ‘‘kauadol’’ ka sunam hai. vishva prasiddh aitihasik barabar parvat se dakshin-pashchim men 3 kimi. ki duri par avasthit kauadol parvat ke shilakhand ke nichli dhal men aj bhi saikro hindu v bauddh devi-devtaon ke vigrah, tantrik chinh, devi-devtaon ke vahan v shivling ka anbar dekha ja sakta hai. magadh ke gaya kshetra ke belaganj (patna-gaya rel khand par avasthit) se sarak marg tay karke sat kimichalakar kauadol parvat ke samip ate hi yah bat dimag men sahsa a jati hai ki akhir kaun se karan the ki is parvat ko kauadol kaha gaya. is bare men sthaniya kshetra men prachlit janashruti se gyat hota hai ki yah sthal magdhdeshiya kol rajaon ki rajdhani rahi jahan unka vishal bhavan v aradhan sthal vidyaman tha. is kshetra ke samast kaue jo pakshiyon men sabse chalak v tej hote hain. uske rakshaka-sanrakshak mane jate hanai. isi karan yah kshetra kauadol kahlaya. ek anya mat ke anusar yahin gaya shraddh pinddan ke ‘kakbli’ ka shastrokt sthal hai jiski ganna shraddh men panchbli’ ke antargat ki jati hai. yahan ke namakaran par charcha ati hai ki ramayan kal men yahin ‘kak’ bhusundi’ ka basera raha jis karan ise kaua dol kaha gaya. aj bhi is parvat ke sabse unche shikhar par do shilakhand tisre se is prakar sate hain ki ek kaua baithne par bhi vah dusri shila hilne lagti hai, par girti nahin. is tarah spasht ho jata hai ki yah ramaynkalin hai jo bad men bali putra vanasur ke samrajya men dev pujan kendra ke rup men charchit raha. lagabhag 500 fit uncha, kale-bhure grenait patthar ke anagarh chote-bare khandon se nirmit kauadol parvat ke thik nichle ilake men kuri saray, samnpur (shraman pur) v mirjapur namak ganv hai. upalabdhya sakshyon se vidit hota hai ki is sthan par tathagat ka bhi agaman hua jahan bad men bauddh vidvan shilabhadra ka prasiddh bauddh math tha. yah sthan balkon ko bauddh dharm men dikshit karne ka pradhan kendra tha jinhen ‘shramn’ kaha gaya hai. yahi karan hai ki bagal ka ganv kafi dinon tak shramner kahlata tha. aitihasik uddharan spasht karte hain ki yahan chini paribhramnkari hvensang ka agaman hua tha. yahan us jamane ke math ke dhvasanvshesh v pashan-stanbh aj bhi dekhe ja sakte hain. yahin par puratatva vibhag dvara nirmit ek kakshiya bhavan men tathagat ki gandhar shaili ki 8 fit unchi, vishal kale patthar ki bani murti rakhi hai jise sthaniya log ‘bhimsena’ ’bhimsena baba’ athva ‘mundsen baba’ kahte hain. is parvat ke purvi kinare ke pashan khand ke nichle v madhya bhag men bani pashan- kalakriti ko dekhakar man gad-gad ho jata hai. yahan prayah sabhi dev-vigrah ek fremnuma bhag ke andar bare hi karine se ukere gaye hain jinko dekhne se uchch pashan kalakarita ka sahaj bodh hota hai. sabse antim taraf se praranbh karne par vahan ek alankrit pashan khand ke darshan kiye ja sakte hanai. jiske upri bhag par chaturmukhi shiv ling virajman hai. yahan pashan par devi man, umashankar v bhairvji virajman hain. yahan aj bhi chattan par bani kul murtiyane ki sankhya 300 se adhik hai. puratatvavid dae. upendra thakur jaise vidvanon ka manna hai ki yahan bal prashikshan kendra tha aur prayah in chitron ka nirman kisi siddhahast ke nirdeshan men kiya gaya hai. isi karan harek kriti men alg-alag vividhta maujud hai. aj bhi is pure pashan khand men ganesh, buddh, varah, sarasvati, vaman, vishnu, pakshi, umashankar, shiv, bhairav, brahma, hanuman, lakulish, ashtadevi, navagrah, dashavtar v garur adi ki pratima ko sahaj men dekha ja sakta hai. itne varshon se prakriti ke thaperon ke bavjud yahan ki sthiti mila-jula kar thik hona koi acharaj ki hi bat hai. is parvat ki pratham charhai ke bad khule maidan aur usse juri kitni hi choti-bari gufaon ka darshan kiya ja sakta hai. pal kal ke bad is sthal ki mahatta ka jyada prachar-prasar n hona dukhad hai. bad men islam dharm ke prabhav ne bhi iski khyati ko jyada barhane ka mauka nahin diya. adhunik kal men sarvekshanakatrta ji. di. begalar ne 1882-83 i men kauadol ki yatra ke bad ise itihas-puratatva ke apratim sthal ke rup men rekhankit kiya. age jile ke darshaniya sthalon men iska nam aya, par suvidhaon, khasakar paryatan mahattva par koi dhyan nahin diya gaya. kauadol parvat ki purvi talhti ke ek bare chaikor bhu-bhag par aj bhi 8 khare v 14 jamin men pare pashan stanbh dekhe ja sakte hain. vivaran hai ki prachya kal men bandavat pradhan cher raja ka mahal yahin tha. bad men yahan ek mandap, arddh mandap v mahamandap banaya gaya tha. san 1902 men yahan 13 stanbh khare the jinki divaren lakhoti int ki banin thi par dhire-dhire yahan ke prachin avshesh kal ke gal men samahit hote chale gae. yahan ki vishal buddh murti ke niche tathagat ki nau shaili ke alg-alag mutrti falak hain jinke upar derh fit lanbi lipi utkirn hai. is pure parvat ke nirikshan se spasht hota hai ki yahan ki kala kriti is tarah banai gayi ki ate-jate rahgir ki najar bhi yahan pare. sthaniya rajendra sinh batate hain ki barabar parvat par jisne bhi pashan kalakarita ki, uska mul isi kshetra men hai jahan aj bhi kalakaron ka, khasakar patthar se jure karigron ka, jamavra hai. gatavarsh yahan ke bhramn-darshan par ae patna ke kashi prasad jaysval shodh sansthan ke nideshak dae. vijay kumar chaidhri ne ise vyapak sanbhavnaon vale purasthal ke rup men rekhankit kiya. desh bhar men tin darjan se jyada aise parvat hain jinki pashan kalakarita ke karan unhen paryatan sthal ka darja de diya gaya par kauadol paryatan sthal ke rup men sirf namit hi ho paya hai. aj bhi yahan paryatan sandarbh ke vishesh ayam ka sarvadha abhav hai. jarurat hai iske chaturdik vikas ki. isse yahan ka kayakalp ho jaega, vahin iske prachar se pradesh ki puratatva bahar ki gaurv-garima dur deshon tak svatah pushpit pallavit hoti rahegi.