samay bara balvan hai. samay kabhi kisi ki pratiksha nahin karta hain samay kabhi rukta nahin hai or n hi kabhi ek jesa rahta hai. samay bahut shaktishali hota hai. purush bali nahin hot hai, samay hot balvan. luteron ka kuch kar n saka, vahi arjun vahi ban. kabhi-kabhi vyakti apne jivan men aye parivartanon ko samajh nahin pata hai ki uske jivan men achanak yah sab kaise ho gaya. vyakti ki kundli ke anusar jab ek dasha se dusri dasha ka parivartan hota hai to jivan ki disha hi badal jati hai kyonki mahadsha jatak ke jivan men parivartan lati hai jiska kai bar turant ehsas ho jata hai lekin kai parivartan vyakti ka jivan hi badal dete hain.
jiska gyan vyakti ko kuch samay pashchat hota hai. jatak ko janam ke samay jo bhagya dasha prapt hoti hai tatha uske pashchat ane vali dashayen hi uska jivan savanrti ya bigarti hai. yadi janam ke pashchat jivan ke pahle bis sal men lagnesh, navmesh, panchmesh, dashmesh ya svachadi grahon ki dasha prapt hoti hai to jivan ki imarat ki buniyad bahut majbut ho jati hai. yadi jivan ki shuruat men jatak ko trik bhavon ke svamiyon ki, nich grah ki, grah yuddh men lipt grahon ki, surya se ast grahon ki ya rahu ki dasha prapt hoti hai to jatak ka jivan duahkh, daridri, rog ityadi men hi bit jata hai. niche di gai kundli ek aise vyakti ki hai jiske jivan men dashaon ke pavirtan ne matra 42 varsh ki ayu men ek sarkari kanpni ka janaral mainejar v kanpni sekretri bana diya. jabki ek hi parivar men janam lene vale tatha ek hi mahaul men rahne vale jatak ke anya tin bhai-bahan ya to berojgar hai ya klark ki naukri kar rahe hain.
jatak ki kundli vrish lagn ki hai tatha chandra rashi dhanu hai kundli men surya uchch rashi men tatha shani v guru svarashisth hai yogkarak shani bhagyesh hokar bhagya bhav men ketu ke sath yuti kar raha hai. kundli men mangal nich hokar rahu-ketu akshansh men hai. jatak ka janm gandmul nakshatra men hua tatha bhogya dasha ketu ki mili hai. jatak ek sadharan parivar se sanbandh rakhta hai. inke pita kaintin men grahkon ko kupan diya karte the. rahu/ketu chaya grah hai tatha inhen kisi rashi ka svamitva prapt nahin hai. rahu/ketu jis grah se yuti karte hain ya jis rashi men sthit ho usi ke gun apna lete hain.
bhogya dasha ka savami ketu yogkarak shani ke sath pita ke bhav (navam bhav) men yuti kar raha hai. jatak ke janam ke do varsh pashchat achanak pita ko sarkari naukri mil gai. kyonki navamesh shani apne hi bhav men ketu yukt hai tatha pita ka karak surya uchch ka hai. iske bad dasha parivartan hua. ketu ke bad shukra ki dasha ai, jo ki 20 varsh ki aheti hai. shukra jatak ka lagnesh hokar kendra men dasham bhav men mitra rashi men sthit hai. lagnesh shukra, guru ke nakshatra men hai tatha guru labh bhav men svarashisth hokar pancham bhav ko purn drishti de raha hai.
jatak ne sarkari skul se shiksha prapt ki thi lekin lagnesh shukra ki dasha men achchi vidya prapt ki tatha hamesha pratham shreni men uttirn hue. iske pashchat bi.kam. v em. kam. men bhi pratham shreni men pas kiya. ab dasha parivartan hua. chaturthesh surya ki dasha praranbh hui jo uchch rashi men panchmesh budh ke sath kendra trikon sanbandh banakar rajyog men lipt tha tatha sath hi sath budh aditya yog bhi bana raha tha. surya vargottam bhi hai navansh men shiksha ka karak budh pancham bhav sinh rashi men sthit hai tatha panchmesh surya uchach rashi men sthit hai.
janmakundli ke pancham bhav par gyan ka karak brihaspati drishti de raha hai. surya ki dasha men jatak ne aisidablyue men pravesh liya v navanbar 1986 men sarkari naukri men sakekshan afisar ka pad prapt kiya. lagnesh shukra dasham bhav men sthit hai tatha ketu naukri ka karak v dashmesh shani yukt navamasth hai tatha surya (sarkar) uchch rashi men sthit hai. surya/mangal ki dasha men jatak ka vivah hua. uchch ka surya saptamesh mangal ki rashi men dvadash bhav men sthit hai. dvadash bhav shaiya sukh ka bhi bhav hai tatha kutunb bhav ka svami dvitiyesh budh ke sath budh aditya yog men sammilit hai.
ab dasha parivartan hua. chandra ki dasha men jatak ko march (1992) men kanya santan ki prapti hui. ghar men nanhe mehman ke ane se khushi ka mahaul tha lekin chandra/mangal ki dasha men ek ashubh ghatna ghati. jatak ka apni patni se jhagra hua aur naubat pulis thane tak pahunch gai. saptamesh mangal nich rashi men tritiya bhav men rahu/ketu akshansh men hai
tatha shani ki purn drishti men hai. rashish chandrama ashtam bhav men sthit hai tatha ashtam bhav/ashtamesh se sanbandhit grah chidra grah mane jate hain. chandrama ne apni dasha men ashtamesh ka kam kiya tatha pati-patni men algav ho gaya. navansh men chandrama tritiya bhav men ashtamesh mangal tatha shashtam bhav sthit shani se drisht hai, saptamesh shukra se chandrama ka dvidvadash (2/12) ka sanbandh hai. bad men yah algav chandra/guru ki dasha men khatm hua aur fir se donon sath rahne lage. chandra v guru janmakundli tatha navansh men gajkesri yog bana rahe hain.
iske pashchat chandra/shukra ki dasha men jatak ke jivan men ek adbhut parivartan hua jatak ki march 2000 men padonnati hui. sirf do pad the aur siniyarti men inka nanbar athvan tha iske bavjud jatak ki padonnati hui aur dipti janaral mainejar bana diya. shukra dasham bhav men sthit hai aur bhavt-bhavm-dasham se dashmesh (saptamesh) mangal se drisht hai. chandra rashish guru ki bhi saptam bhav par drishti hai tatha chandra v shukra paraspar 3/11 aksh men hai. dashmansh men chandrama navmesh guru ke sath labh bhav men hai. guru saptamasth shukra ko bhi dekhta hai. shukra bhavat bhavam ke anusar saptam bhav men (dasham se dashm) men svarashisth hai tatha lagn men sthit uchch ke surya se drisht hai.
iske pashchat dasha parivartan hua aur mangal ki dasha ai. mangal men shani ki antrdsha men surya ki pratyantar dasha men jatak ki padonnati hui aur matra 42 varsh ki ayu men jivan aisa badlav aya ki usi sarkari kanpni men janaral mainejar ban gaye. mangal sukshm karm sthan (saptam bhav) ka savami hai aur bhagyesh shani se drisht hai tatha donon samasaptak hai. pratyantar dashanath surya uchch rashi men sthit hai tatha antrdshanath ke sath (4/10) chaturth dasham aksh par hai. kal chakra ki gati hi jatak ke jivan ke utar-charhav rupi parivartan ko darshati hai jiske karan jivan men kabhi sukhad evan kabhi dukhad ghatnayen hoti hai.
jatak ke jivan men dasha parivartan ke karan sabhi badlav spasht dikhai diya hain. dasha parivartan se hi jivan men bare-bare badlav ho jate hain. yah ek mahila jatak ki kundli hai. kanya lagn v rashi vrish hai. kundli men shukra, rahu/ketu uchch ke hain tatha guru nich rashi men sthit hai. guru stri ke liye pati ka karak hai. mangal kundli ke saptam bhav men sthit ho kar mangli dosh bhi bana raha hai. jatika ko janm ke samay chandra ki bhogya dasha prapt hui tatha chandra/shni ki dasha men janm hua. chandra labhesh hokar navam bhav men uchch ka hokar rahu/ketu akshansh men hai tatha shani ki purn drishti men hai.
jatika ke janm ke char sal pashchat pita ki mrityu ho gai. dasha thi chandra/shukra/rahu. navam bhav par rahu/ketu v shani ka prabhav hai. navmesh shukra mangal se pirit hai. jo hatya ka karak bhi hai. pita ka karak sarya naisargik shatru shani ki rashi men shani dvara pirit hai tatha nich grah ke sath yukt hai. navansh men janm kundli ka navmesh shukra ashtam bhav men shani v mangal se pirit hai. chandra ke bad dasha parivartan hua v jatika ke jivan men mangal ki dasha ai. mangal tritiyesh v ashtamesh hokar marak bhav men sthit hai, jiska rashish (saptamesh) nich ka hai. jatika ki vidya men bar-bar rukavat hui. jaise taise jatika ke mamon ne uski parhai ka bandobast kiya v kisi prakar se hayar sekandari tak shiksha prapt karne ke bad jatika ne parhai chor di. mangal ki dasha ke pashchat rahu ki dasha ai. rahu navam bhav men bali hokar chandra se yukt hai.
chandrama man ka karak hai tatha rahu ek chaya grah hai. rahu aur paranprik, gair samajik karya karvata hai. rahu vish ka bhi karak hai. chandra/rahu yuti grahan yog banata hai. rahu/ketu dasha men jatika ka prem ek larke se ho gaya. lekin dasha parivartan hua aur rahu/shukra ki dasha ai aur jatika ne apne premi ke mitra, jo kisi kanpni men injiniyar tha, se achanak vivah kar liya. rahu bhagya bhav men hai
tatha shukra uchch ka saptam bhav men mangal yukt hai. mangal shukra ki yuti jatak ko kamuk banati hai. rahu v shukra 3/11 ke akshansh men hai. tritiya bhav sahas tatha ekadash bhav labh ka hai. jiske karan jatika ke nain-naksh v rang sadharan hone ke bavjud ek sundar v injiniyar pati hua. lekin matra 4/5 mahine ke pashchat rahu/shukra ki mahadsha v antrdsha men surya ki pratyantar dasha men jatika apna sasural chor kar ek anya jati ke larke ke sath apne sabhi gahne v nakad sath lekar bhag gai v pulis men riport likhva di ki mere pati ne mujhe mar-pit kar nange pair ghar se nikal diya v mahila sel men 15 lakh harjane ka dava kar diya. pati bahut hi sharif khandan ka tha
jisne harjana de kar apna picha churaya v talak le liya. jatika ki kundli men rahu/shukra 3/11 akshansh men the jisne jatika ko arthik labh bhi diya. dashaon ke parivartan se jivan men badlav ate hain tatha bhagya ki disha hi badal jati hai.