gujrat ke narmada jile men sardar sarovar bandh se pashchim disha men 3.2 kilomitar ki duri par sadhubet namak sthan par jo ki narmada nadi ka ek tapu hai us par sardar patel ka purvamukhi staichyu banega. paryatak ise amerika sthit staichyu auf libarti ki tarah kuch kilomitar dur se stimar dvara dekhne aenge. is pariyojna ki kul lagat 3000 karor rupye se adhik hogi. lauh purush sardar vallabhbhai patel ki smriti men banne vala vishva ka sabse uncha staichyu lohe se hi banaya jaega. is pratima ko banane ke lie loha pure bharat ke ganv men rahne vale kisanon se kheti men kam ane vale bekar v purane ho chuke aujaron ka sangrah karke jutana tay kiya gaya tha. loha ekatra karne ki antim tarikh 26 janvri 2014 rakhi gai thi.
is pariyojna ko jitne bhavya star par banaya ja raha hai uske lie jis sthan ka chayan kiya gaya hai uski bhaugolik sthiti ke vastudoshon ko dekhte hue yah tay hai ki n to yah yojna apne prastavit 56 mah ke samay men purn hogi aur n hi yah pariyojna purn hone ke bad itni sankhya men paryatkon ko apni or akarshit kar sakegi. iske lie is sthan ki bhaugolik sthiti ka vastu vishleshan karna hoga, jo ki is prakar hai. narmada nadi sardar sarovar daim se nikalakar sadhubet par do dhara men bant jati hai, jismen se ek dhara sadhu bet ki dakshin disha men purva se pashchim disha ki or bah rahi hai. yahan par iska pat bahut chaira aur gahra hai, is karan yahan varshabhar pani rahta hai. sadhubet ke purva agney aur rnaitya kon men bhi nadi men bahut gahrai hone ke karan bhari matra men varshabhar jal bharav rahta hai. sadhubet ki uttar disha men bah rahi dusri dhara bahut uthli hai.
yahan gahrai nahin ke barabar hai. jab daim se bahut jyada matra men pani chora jata hai tab hi yahan pani ata hai anyatha yah dhara sukhi hi rahti hai. is prakar sadhubet ki pashchim disha, vayavya kon, uttar disha, ishan kon aur purva disha anya dishaon agney kon, dakshin disha aur rnaitya kon ki tulna men unchi hai. nadi ke purva se pashchim ke bahav ke karan nishchit hi nadi ka tal bhi purva disha men uncha aur pashchim disha dhalan leta hua age chala gaya hai. sadhubet ki uttar disha men bah rahi narmada ki dusri dhara se satakar hi uttar disha men unchi-unchi pahariyan hain. in pahariyon aur sadhu bet ke bich ek sarak bhi hai jo ki kevriya koloni se sardar sarovar daim ki or ja rahi hai. isi ke sath sadhu bet ki jamin ke rnaitya kon vala barha hua bhag bhi ek mahattvapurn vastudosh hai. sadhu bet ki uprokt vastu viprit bhaugolik sthiti ke karan yahan hamesha vivad honge. is pariyojna ko purn karne men vibhinn prakar ki samasyaon ka samna karna parega.
jaisi ummid modi ji dvara ki ja rahi hai, ki is pariyojna ke purn hone ke bad staichyu auf yuniti bharat hi nahin, balki vishva ke paryatkon ka akarshan ka kendra ban jaegi jo ki is sthan ke vastudoshon ko dekhte hue bilkul bhi sambhav nahin hai. midiya se prapt jankari ke anusar loha ekatra karne ke lie jis star par adrniya narendra modi ji ne prayas kie us matra men loha ekatra hi nahin hua aur jo hua vah is staichyu men lagega hi nahin, kyonki is pariyojna ke nirmataon ke anusar bharat se ekatra kiye gae lohe ki kvaliti achchi nahin hai. ab is lauhe ka upyog pariyojna men railing, darvaje ityadi banane men kiya jaega. staichyu auf yuniti ke bhumipujan ke bad se hi yahan vivad bhi shuru ho gae. staichyu ke aspas paryatan avsanrchna vikas hetu bhumi adhigrahan ka kuch sthaniya nagrikon ne virodh kiya hai jinmen mukhya rup se kevadiya, kothi, vaghadiya, limbadi, navagam aur gora ganv ke log shamil hain.
sath hi paryavaran sanrakshan samiti namak sanstha ne paryavaran se jure aham muddon ki andekhi ko dekhte hue suprim kort men janhit yachika dakhil ki hai. suprim kort ne gujrat sarkar, staichyu auf yuniti nirman samiti, sahit kul chah logon ko notis bheja hai. jab 29 march 2015 arthat bhumipujan ke 15 mah bad is pariyojna ka vastu vishleshan kiya gaya to, dekha ki abhi to keval sadhu bet ke upri hisse ko samatal karne ke lie hi jesibi se khudai ka kam chal raha hai aur karya ki gati ko dekhte hue yah pariyojna apne nirdharit samay se bahut pichar gai hai. uprokt vastu vishleshan ke anusar sadhubet ki bhaugolik sthiti itne bhavya smarak ke nirman ke lie uchit chayan hai hi nahin, kyonki prasiddhi prapt karne ke lie uttar disha, ishan kon ya purva disha men nichai avashyak hoti hai, kintu sadhubet par to in dishaon men unchai hai.
vishva ke saton ashcharya bhi apni uttar disha, ishan kon aur purva disha ki anukulta ke karan hi prasiddh hain. sabhi ashcharyon ki inhin dishaon men gahri nichai hai aur jyadatar ashcharyon ki uttar disha men pani hai jaise tajamahal ki uttar disha men yamuna nadi aur peris ke efil tavar ki uttar disha men san nadi bah rahi hai, misra ke gija piramid ki uttar evan purva disha men gahri nichai ke sath, purva disha men nil nadi bah rahi hai. vishva ka sabse dhani evan prasiddh dharmik sthal isaiyon ki pavitra nagri vetikan siti ki is sthiti men bhi uttar evan purva disha men bah rahi tibbar nadi ki hi aham bhumika hai. isi prakar bharat ke pahle aur vishva ke dusre nambar ke dhani, prasiddh dharmik sthal tirupti balaji ki uttar disha men bare akar ka svami pushyakrni kund ke sath-sath uttar, purva disha evan ishan kon men tikha dhalan hai aur dakshin-pashchim disha men unchai hai.
jammu, katra sthit vaishnodevi mandir evan shirdi sthit sanibaba ke mandir ki uttar disha men bhi nichai hai. haridvar sthit har ki paurhi ki prasiddhi ka karan dakshin se uttar disha ki or nichai tatha pashchim disha ke pahar ki unchai aur purva disha men bah rahi ganga nadi ki nichai hai. feng shui feng shui ka ek siddhant hai ki yadi pahar ke madhya men koi bhavan bana ho, jiske piche pahar ki unchai ho, age ki taraf pahar ki dhalan ho aur dhalan ke bad pani ka jharna, kund, talab, nadi ityadi ho, aisa bhavan prasiddhi pata hai aur sadiyon tak bana rahta hai. feng shui ke is siddhant men disha ka koi mahattva nahin hai. aisa bhavan kisi bhi disha men ho sakta hai. chahe purva disha unchi ho aur pashchim men dhalan ke bad talab ho, isse koi fark nahin parta hai. feng shui ke siddhanton ke adhar par bani ab tak ki sabse unchi staichyu 128 mitar unchi spring buddh ki taimpal chin ke jaokun kasbe men sthit hai.
staichyu ke piche uttar disha men pahadiyan hain aur samne dakshin disha men kramshah nichai ke sath pani bhi hai. ab tak ki vishva ki sabse unchi staichyu hone ke bad bhi ise jyada prasiddhi nahin mil pai hai, kyonki varshon ke anusandhan ke bad yah dekhne men aya hai ki yadi dakshin disha ya pashchim disha men pahar ho uttar, purva disha ya ishan kon men nichai ho to vah sthan adh iak prasiddhi prapt karta hai. feng shui siddhant ke anusar bhi staichyu auf yuniti sardar sarovar bandh ki or mukh rakhte hue jahan banai ja rahi hai uske age men bhi aur piche bhi pani hai to feng shui ka yah siddhant bhi is par lagu nahin hota. staichyu auf yuniti ko uchit prasiddhi mile iske lie jaruri hai ki sadhu bet ki purva disha, ishan kon, uttar disha, vayavya kon aur pashchim disha men anya dishaon ki tulna men gahri khudai karke is dhara ko dusri dhara se jyada chaira kiya jae taki sadhubet men bhi staichyu auf libarti amerika, svarn mandir amritasar ki tarah charon or pani ho jae aur is khudai men jo mitti niklegi use sadhubet ke agney kon, dakshin disha, rnaitya kon aur pashchim disha vale bhag men is prakar se failaya jae ki nadi ka bahav purva disha, ishan kon, uttar disha hote hue ho jae.
sadhubet ke rnaitya kon men jo barhav hai use bhi khod diya jae aur ise 90 digri ka kiya jae. ishan kon vale bhag men is tarah se mitti ka bharav kiya jae ki yah kona bhi 90 digri ka ho jae. sadhubet men ane aur jane ke lie banne vale brij vastunukul sthan par banae jaen taki vah paryatkon ko apni or akarshit kar saken. sadhubet ki bhaugolik sthiti men yah sabhi vastunukul parivartan karne ke bad staichyu auf yuniti pariyojna ke nirman karya ko age barhaya jae taki staichyu auf yuniti bharat hi nahin, balki vishva men bhi prasiddh ho sake aur pradhanamantri narendra modi ji ki mahattvakankshi yojna sarthak ho sake.