kuch dinon pahle pandit ji dilli ke ek prasiddh vyapari ke yahan vastu parikshan karne gae. ve apne parivar ke sath kafi salon se is ghar men rah rahe the aur unhonen is antral men apne vyavsay men kafi utar-charhav dekhe. unki man kafi bimar rahti thin aur kuch samay pahle hi unka dehant ho gaya tha. unka apne bhai se bhi man mutav ho gaya tha aur batchit nahin thi. unki patni ki taviyat bhi thik nahin rahti hai. unke bachche honhar hain par uchit vikas n hone ki vajah se tanav grast rahte hain tatha unhen choten lagti rahti hain.
dosh :
- sirhiyon ke niche stor bana hua tha jo ki vikas men avrodhak tatha ghar ki betiyon ke lie hanikarak hota hai.
- uttara-purva-purva men mandir ka kamra banaya hua tha jo ki pura marbal se bana hua tha aur uske niche kafi uncha pletfaerm tha jo puri tarah se band tha. mandir men kafi bhari v bari durga ji ki mutrti thi. is disha men mandir hona to achcha hai parantu bhari v uncha farsh tatha ghar men itni bari mutrti hone se jivan sangharshamay ho jata hai tatha ghar men tanav bana rahta hai.
- rasoi ki disha purva, dakshin-purva men thi jo ki uttam hai parantu gais ka uttara-purva men hona tatha gais aur sink ka ek hi lain men hona vaicharik matbhed v arthik hani ka karan hota hai.
- ghar ke dakshin-purva men boring thi jo ki mukdmebaji, agni v chor bhay tatha ghar ki mahilaon v bare putra ke lie hanikarak hoti hai.
- pratham tal ka dakshin-purva barha hua tha jisse ghar men gussa barhta hai, agni/vahan durghatana v larai jhagron ki vajah se hani hone ki sanbhavna rahti hai.
- ghar ke sabhi shishe dakshin, dakshin-pashchim v dakshin-purva men lage the jo bimari v anchahe kharchon ka karan hota hai.
sujhav:
- sirhiyon ke niche ke bhag ko kholne ki salah di gai tatha uske niche khule men storej kar sakte hain aisa kaha gaya.
- mandir se marbal ko hatane ke lie kaha gaya aur lakri ka halka mandir jo niche se khula ho, banane ko kaha gaya evan mandir se bari murti hatane ki salah di gai.
- rasoi ghar men gais ko dakshin-purva men rakhne ki salah di gai isse gais aur sink ke ek sidh men hone ka dosh bhi khatm ho jaega.
- dakshin ki disha se shishe hatane ke lie kaha gaya tatha unhen uttara-purva, uttar ya purva men lagane ki salah di gai.
- boring ko dakshin purva se hatakar uttar men karvane ki salah di gai. uski nakaratmakata ko shighra hi kuch kam karne ke lie boring ke dhakkan ko niche se lal tatha upar se pila rang karne ko kaha gaya tatha us par paudhe rakhne ko kaha.
jivan men jarurat hai jyotishiya margadarshan ki? abhi bat karen fyuchar point jyotishiyon se!