bhartiya jyotish men kisi bhi kundli ke falakathan ke lie prachin kal se hi anek vidyaon ka prayog kiya jata raha hai. inhin men ashtakavarg bhi hai jiske madhyam se kiya jane vala falakathan anya kisi bhi vidya ke madhyam se kie jane vale falakathan se adhik sahi mana jata hai. parantu adhikatar jyotishigan iski jatil ganna prakriya ke karan iska upyog nahin karte. keval vinshottari dasha, jemini dasha, gochar ya varshafal ke adhar par hi falakathan kar diya jata hai. ashtakavarg par kie gae shodhon se pata chala hai ki yadi falakathan ke lie prayog kie jane vali vidyaon ke sath ashtakavarg vidya men prayukt ‘‘sarvashtakavarga’’ ka bhi upyog kiya jae to falakathan shatapratishat sahi ho sakta hai. yahi sarvashtakavarg ka vishad vishleshan prastut hai. ashtakavarg do shabdon se milakar bana hai- ashtak aur varg. ashtak arthat ath aur varg arthat samuh, arthat lagn aur sat grahon (surya, chandra, mangal, budh, guru, shukra aur shani) ka samuh. ye saton grah har samay gatiman rahakar sthitiyan badlte rahte hain.
ye sthitiyan shubh bhi ho sakti hain aur ashubh bhi. pratyek grah evan lagn apni janmakalik sthiti se vibhinn rashiyon par shubhashubh prabhav dalta hai. in sthitiyon evan prabhavon ko sukshm rup se janne ke lie hi ashtakavarg ki madad li jati hai. yadi kisi grah shubh sthan v shubh yogon men hokar bhi shubh fal nahin deta ho to iska karan ashtakavarg se asani se jana ja sakta hai. ashtakavarg ke adhar par falakathan karne se spasht ho jata hai ki yadi kisi grah ko paryapt ‘shubh ank’ prapt nahin ho to vah shubh fal nahin de sakta. ashtakavarg paddhati men grahon v bhavon ke ank ya bindu die jate hain jo grahon ki ashubhta v shubhta ko darshate hain. agar koi grah apni uchch rashi men 25 se kam binduon par hoga to apna shubh prabhav nahin de paega. yadi kisi bhav men 28 ya jyada bindu hon to samjhna chahie ki us bhav se sanbandhit vishesh fal jatak ko prapt honge.
ashtakavarg vidya men ‘sarvashtakavarga’ ek aisa varg ya kundli hai jiski madad se falakathan karna behatar v satik hota hai. ‘sarvashtakavarga’ kundli kanpyutar ki madad se asani se banai ja sakti hai. kuch kundliyon ka sarvashtakavarg ki kasauti par vishleshan karne par sarvashtakavarg se sanbandhit kuch mahatvapurn tathya samne ae jo is prakar hain. û sarvashtakavarg men yadi navam, dasham, ekadash v lagn bhav bali hon arthat inmen 28 se adhik bindu hon, dasham bhav ke binduon ki sankhya se ekadash bhav ke binduon ki sankhya adhik ho aur vyay bhav ke binduon ki sankhya kam ho tatha lagn men bhi adhik bindu hon to jatak dhan dhanya se sanpann aur har tarah se samriddh hota hai. iske viprit labh sthan ke binduon ki sankhya vyay bhav ke binduon ki sankhya se kam ho tatha lagn men bhi kam bindu hon to jatak daridra hota hai.
udaharan 1: ratan tata, 28.12.1937, 06ah30, munbai jatak ek prasiddh udyogpti hai jinki dhanu lagn ki kundli men dasven bhav ke 29 binduon se gyarhven bhav ke 40 bindu adhik hain. vyay bhav ke 29 bindu labh bhav ke binduon se kam hain aur fir lagn ke 32 bindu adhik hain. navam bhav bhi 32 binduon se bali hai. aisa jatak ati dhanvan, samriddh v khushhal hota hai.
udaharan 2: margaret thechar, 13.10.1925, 09ah00 landan jatka inglaind ki ati sanpann, dhani v prabhavshali mahila hai. unki tula lagn ki kundli ke pahle bhav men 34, nauven bhav men 34, dasven bhav men 38 aur gyarven bhav men 31 bindu hain. vyay bhav men kam 25 bindu hain binduon ki is sthiti ke falasvarup jatka ko dhan dhanya, samriddhi, ijjat aur rutbe ki koi kami nahin hai. udaharan 3: nusli vadiya, 15.02.1944, 13ah30, munbai jatak ek prasiddh udyogpti hai jiski vrish lagn ki kundli men dasven bhav ke 29 binduon se jyada gyarhven bhav men 38 bindu hain. gyarven bhav se kam barhven bhav men 19 aur barhven bhav se jyada lagn men 34 bindu hain jo in bhavon ko bali banakar jatak ko ati dhanvan aur sadhan sanpann bana rahe hain.
û yadi 11ven bhav ke binduon ki sankhya 10ven bhav ke binduon se adhik ho to kam parishram se adhik ay hoti hai aur jatak unnati karta hai. yah antar jitna adhik hota hai utni hi jyada unnati hoti hai. udaharan 1ah madhvrav sindhiya, 09.03.1945, 23ah59, gvaliyar jatak ki tula lagn ki kundli ke dasven bhav men 29 v gyarhven men 34 bindu hain. binduon ki is sthiti ke falasvarup jatak ko jivan men unnati karne ke lie v sanpann hone ke lie kam mehanat karni pari aur ay aur dhan adhik mila.
û lagn ya shani se 10ven v 11ven bhavon ke shubh bindu yadi 28 se adhik hon to rajniti men jane vale vyaktiyon ka rajnitik jivan achcha rahta hai.
udaharan 1: atal bihari vajpei, 25.12.1924, 03ah00, gvaliyar jatak ki tula lagn ki kundli men lagn aur lagn men sthit shani donon se hi dasham bhav men 30 v ekadash men 32 bindu hain. isi karan se unka rajnitik jivan charmotkarsh par raha. udaharan 2: javahar lal nehru jatak ki kark lagn ki kundli men lagn se ekadash men 35 bindu the. sinh men sthit shani se dasham men 35 v ekadash men 30 bindu the. inhin karnon se unka rajnitik jivan gauravamay raha. udaharan 3: jyoti basu, 08.07.1914, 11ah00, kalkÿaa jatak ki kanya lagn ki kundli men lagn se dasham men 34 bindu hain. mithun men sthit shani se dasham men 29 v ekadash men 30 bindu hain. shani se ekadash bhav ke adhik bali hone ke karan unhonne apne parishram se karyakshetra men unnati pai.
û yadi 10van bhav bali ho arthat vahan 28 se jyada bindu hon aur 11van bhav nirbal ho to jatak ki ajivika men utar charhav ate rahte hanai. udaharan 1: ajahar, 09.02.1963, 22ah25, haidrabad jatak ki kanya lagn ki kundli men dasven bhav men 32 v 11ven men 27 shubh bindu hain. is tarah jatak ka dasvan bhav bali hai kintu 11van bhav utna bali nahin hai jitna ki dasvan. isi karan jatak ko jivan men apne karmon dvara achchi ay hui. parantu jindgi ke ek mor par unhen isi ay se mahrum hona para jab un par badnami ka saya para. us mor par unki jindgi men ek thahrav sa a gaya tha.
udaharan 2: manoj, 31.08.1967, 09.00, dilli jatak ki kanya lagn ki janm kanudli men dasham bhav men 39 aur 11ven bhav men 27 bindu hain. isi karan jatak ko jivan men naukri karne ke anek avasar mile, parantu usne apni nasmjhi ki vajah se sabhi avsron ko ganva diya aur aj bhi berojgar ghum raha hai.
û yadi 10van bhav nirbal bhi ho to 11ven bhav ke bal ke falasvarup bhi utthan hota hai. udahrn: sachin tendulakar, 21.04.1973, 18.00, munbai jatak ki kanya lagn ki janm kundli men dasven bhav men keval 25 parantu 11ven bhav men 31 bindu hain. is tarah 11van bhav bali hai. yahi karan hai ki jatak ko ay ki kami nahin hain. duniya men unka nam hai, prasiddhi hai aur ve aur bhi unchaiyan chune ki or agrasar hain.
û prashasnik adhikariyon ke lie surya se 10ven bhav ke shubh binduon ko dekhna chahie. udahrn: rambir yadav, 26.05.1941, 09ah41, gurganv jatak ek prashasnik adhikari hain. unki kark lagn ki kanudli men surya ekadash bhav men vrish rashi men hai. is surya se 10ven bhav men 32 v ekadash men 40 bindu hain. yahi karan hai ki ve is star tak pahunch pae hain.
û kuch kundliyane men paya gaya hai ki jatak sanpann hai jabki uske 12ven bhav men 11ven bhav se adhik shubh bindu hain. yahan apvad yah hai ki unki videshon se ay ke srot hain lekin unka vyay sansarik bhogon men adhik hota hai. udahrn: ratan tata, 28.12.1937, 06ah30, munbai jatak ki dhanu lagn ki kundli men 1, 2, 4, 9, 10, 11ven bhav men kramshah 32, 22, 25, 27, 23, 33 shubh bindu hain aur inka kul yog 184 ata hai. yah viÿaiya sankhya 164 se adhik hai atah jatak dhani, sanpann aur yashsvi raha.
û sarvashtakavarg men yadi lagn ko kam se kam 30 shubh bindu milen aur kundli ka navam v dasham bhav grah yukt ho to jatak ka jivan sukhi v sanpann hota hai. udahrn- nusli vadiya, 15.02.1944, 13ah30, munbai jatak ek prasiddh udyogpti hain unki vrish lagn ki kundli ke navam v dasham bhav grah yukt hain aur lagn men bhi 34 shubh bindu hain. yahi karan hai ki jatak apne jivan men dhani, sanpann v sukhi rahe.
û yadi chaturth bhav men 30 ya adhik shubh bindu hon aur chaturth bhav ka sanbandh shubh grah se ho to jatak dhan v vahan ka malik hota hai. udahrn: rahul bajaj (01.06.1938, 05.10, kalakatta) jatak ek bare udyogpti hain. unki vrish lagn ki kundli men chaturth bhav men 30 shubh bindu hain aur chaturth bhav par shubh grah guru dasham bhav se drishti dal raha hai. isi karan jatak apar dhan tatha vahnon ka malik hai.
û yadi kundli ka labh bhav pap prabhav se mukt ho v usmen 36 ya adhik shubh bindu hon to jatak bina parishram kie shreshth dhan labh pata hai. udahrn: dharmendra, 08.12.1935, 06ah00, dilli jatak ki vrishchik lagn ki kundli men labh bhav kisi tarah ke ashubh prabhav se mukt hai aur usmen 43 shubh bindu hain. isi karan jatak ko apne vyaktitva ke bal par kam parishram men hi apne kairiyar men adhik dhan labh hua.
û aisa kai kundliyon men dekhne men aya hai ki yadi jatak ke jivan men shuru se hi kathin samay chal raha hai to lagn ki rashi ki bindu sankhya ke samtulya ayu ke bad hi jatak ko vishesh shuabh prabhav milne lagte hain. udahrn- dev anand, 26.09.1923, 09ah30, gurdaspur jatak ek prasiddh film kalakar hain. bachapan se hi unhen filmon men kamyab hone ki tamanna thi. shuru ke kuch varshon men sangharsh karne ke bad 22ven varsh se hi unki filmon ko saflta mili kyonki lagn men 21 bindu hain.
û yadi dusre v chaithe sthan men 28 se kam bindu hon to jatak ko paitrik sanpatti kam milti hai. udahrn- varun shukla, 06.10.1930, 17ah40, jind jatak ek bare vyavsayi hain. unki min lagn ki kundli men chaturth bhav men 29 v chathe bhav men 27 bindu hain. isi karan unhen apne karobar men apne sanbandhiyon se visheshakar mama se bahut sahyog mila.
û 6, 8, 12 bhavon ke shubh binduon ka yog yadi sarvashtakavarg men 76 se kam ho to ay adhik v vyay kam hota hai aur jatak sukhi rahta hai. udahrn- ajahar, 09.02.1963, 22ah25, haidrabad jatak ki kanya lagn ki kundli ke 6, 8, 12ven bhav ke binduon ka yog 72 hai jiske karan unki vibhinn sroton se ay adhik rahi aur vyay us anupat men kafi kam raha.
û yadi 7ven bhav men 5ven bhav se adhik shubh bindu hon to jatak davang hota hai. udahrn- nusli vadiya, 15.02.1944, 13ah30, munbai jatak ek prasiddh udyogpti hain. unki vrish lagn ki janm kanudli ke satven bhav men 29 aur panchven bhav men 24 bindu hain. yahi karan hai ki jatak ka apne jivan men v apne karobar men pura dabdba raha, koi unke age unchi avaj men bat bhi nahin kar sakta tha.
û vibhinn bhavon men adhik bindu hone ke parinam is prakar hain.
û lagn men sabse adhik shubh bindu hone se jatak pratishthavan hota hai. vah akarshak vyaktitva ka svami aur svasth hota hai udaharanasvarup film kalakar juhi chavla, (13.11.1967, 12.00, ludhiyana) ki makar lagn ki kundli men lagn men sarvadhik 36 bindu hain jiske karan unki sundrta dekhte hi banti hai. unka vyaktitva akarshak hai aur svasthya bhi achcha hai.
û isi prakar se chandra rashi men sabse adhik shubh bindu hone par jatak ka svasthya achcha v ayu lanbi hoti hai. udaharan ke lie mashhur gayika lata mangeshakar (28.09.1929, 23ah00, mubai) ki vrish lagn ki kundli men chandra rashi men sabse adhik 35 bindu hain jis karan unki ayu lanbi v svasthya achcha hai.
û dusra bhav jatak ke achcha vakta aur achchi avaj ke svami hone ka sanket deta hai. udaharan ke lie gayika alka yagyaik (20.03.1963, 19ah02, kalkÿaa) ki kanya lagn ki kundli men tisre bhav men sarvadhik 36 bindu hain jiske karan unki avaj mithi v surili hai.
û panchven bhav men adhik bindu hone ke karan jatak vidvan v tikshn buddhi vala hota hai. udaharan ke lie da॰ bi॰ vi॰ raman (08.08.1912, 19ah15, banglor) ki kanya lagn ki kundli men panchven bhav men sarvadhik 33 bindu hain jiske karan vah tikshn buddhi vale v prakhar vidvan hue.
û chathe bhav men adhik bindu hone ke karan jatak hamesha dusre ke adhin karya karta hai. udaharan ke lie bhagvan das (09.05.1935, 01ah40, hisar) ki kunbh lagn ki kundli men chathe bhav men sarvadhik 33 bindu hain jiske karan vah jivan bhar dusron ke adhin karya karte rahe aur apna vyavsay shuru nahin kar pae.
û athven bhav ke adhik binduon ke karan jatak ko adher avastha men pratishtha ki hani aur bimari hoti hai. udaharan ke lie banvari lal (26.09.1933, 13ah34, rivari) ki dhanu lagn ki kundli men athven bhav men sarvadhik 37 bindu hain. vah sara jivan safal vyavsayi rahe parantu jivan ke antim salon men unke kuch galat faislon ke karan unki ijjat dhul men mil gai aur fir mansik rog se unki maut ho gai.
û dasven bhav men adhik bindu hone se jatak apna svatantra vyavsay karta hai. udaharan ke lie dhiru bhai anbani (28.12.1932, 06.37, chorvar) ki kundli ko dekhen to dasven bhav men sarvadhik 38 bindu hain. isi karan unhonne kapron ka apna svatantra vyavsay kiya aur jivan men apar saflta pai.