shriyantra ki utpati evan mahatva  

shriyantra ki utpatti evan mahatva ashok saksena jo log apni nirantar unnati chahte hanai, unhen avashya hi shriyantra laeket dharan karna chahie, isse parivar men sukh-shanti v lakshmi ji ki kripa sthayi rup se bani rahti hai. shriyantra nam se hi spasht hai ki yah shri arthat lakshmi ji ka yantra hai. is yantra men lakshmi ka sakshat vas mana gaya hai. lakshmi ji svayan kahti hain ki shriyantra to mera adhar hai, ismen meri atma vas karti hai. shriyantra sabhi yantron men shreshth mana gaya hai, islie ise yantraraj bhi kahte hain. ek pauranik katha ke anusar ek bar lakshmi ji aprasann hokar baikunth dham chali gain. isse prithvi par vibhinn prakar ki samasyaen utpann hone lagin. samast manav jati lakshmi ke abhav men din-hin v duahkhi hokar idhr-udhar firne lagi. tab vashishth muni ne lakshmi ko vapas lane ka nishchay kiya aur tatkal baikunth dham jakar lakshmi se mile. lakshmi ji aprasann thin aur kisi bhi sthiti men prithvi par ane ko taiyar nahin thin. tab vashishth ji vahin baithakar adi anadi aur anant bhagvan shri vishnu ji ki aradhna karne lage. jab shri vishnu ji prasann hokar pragat hue tab vashishth ji ne unse kaha, ‘prabho, shri lakshmi ke abhav men ham sab prithvivasi pirit hain. ashram ujar gae, vanik varg duahkhi hanai, sara vyavsay tahs-nahas ho gaya hai. sabke mukh murjha gae hain. asha nirasha men badal gai hai tatha jivan ke prati moh samapt ho gaya hai.’ tab shri vishnu ji vashishth ji ko lekar lakshmi ji ke pas gae aur unhen manane lage, parantu ve bhi lakshmi ji ko manane men safal nahin ho sake. ruthi lakshmi ne drirhtapurvak kaha ki main kisi bhi sthiti men prithvi par jane ko taiyar nahin hun. udas man ke sath vashishth ji punah prithvi lok men laut ae aur apne prayas v lakshmi ji ke nirnay se sabko avagat kara diya. sabhi atyant duahkhi hue. kuch sochakar devguru brihaspati ji ne kaha ki ab to matra ek hi upay hai aur vah hai ‘‘shriyantra’’ ki sadhna. yadi shriyantra ko sthapit kar, pran-pratishtha karke puja ki jae to lakshmi ji ko avashya hi ana parega. guru brihaspati ki bat se rishi v maharshiyon men asha ka sanchar hua. unhonne brihaspati ji ke nirdeshan men shriyantra ka nirman kiya aur uski siddhi evan pran-pratishtha kar dipavli se do din purva arthat dhanteras ko sthapit kar uska shodshopchar se pujan kiya. puja samapt hote-hote hi lakshmi ji vahan upasthit ho gain. lakshmi ne kaha ki main kisi bhi sthiti men yahan ane ko taiyar nahin thi, parantu apne jo prayog kiya, uske prabhav se mujhe ana hi para. shriyantra to mera adhar hai, ismen meri atma vas karti hai. darasal yah sahi bhi hai, isilie shriyantra ko sab yantron men sarvashreshth mana gaya hai. shriyantra ki rachna bhi anokhi hai. panch trikon ke niche ke bhag ke upar char trikon, jinka upri bhag niche ki taraf hai. is sanyojan se 43 trikon bante hain. in 43 trikonon ko ghere do kamal hain. pahla kamal ashtadal hai, dusra bahri kamal shodashadal ka hai. in do kamlon ke bahar tin vriÿa hain. iske bahar tin chairas hain jinhen bhupur kahte hain. is yantra ke vishay men pashchim ke suprasiddh rekhagnit vaigyanik sar eleksikulchev ne adbhut tathya prastut kie hain jo iski mahÿaa ko aur adhik pusht karte hain. inke anusar is yantra ki sanrchna rekha vigyan ke anusar bhi bari hi vichitra hai. tin ari rekhaon ka bindu banana ek ativichitra yog hai. fir anyanya ari rekhaon ka akritiyan banana bhi ashcharyajanak hai. sath hi sanpurn rup men apalak is rekha-rachna ko dekhte rahne par yah chalayman pratit hoti hai. yantron men jo bhi ank likhe jate hain ya jo bhi akritiyan banai jati hain ve devi devtaon ki pratik hoti hain. vaise, yantron ki utpaÿia bhagvan rudra ke pralykari nritya tandav se mani jati hai. yantra-shakti itni prabhavshali hoti hai ki uske darshanamatra se hi sakaratmak parinam mil sakte hain. niyamit rup se is yantra ko apne pas rakhne se nirantar shubh karya sampann hote rahte hain. sanpurn yantra vigyan men shriyantra ko sarva siddhidata, dhandata ya shridata kaha gaya hai. ise siddh ya abhimantrit karne ki anek vidhiyan ya mantra batae gae hain. is yantra ko tanbe, chandi ya sone par banaya ja sakta hai. tanbe par 2 varsh tak chandi par 11 varsh tak aur svarn patra par bana hua yantra sadaiv prabhavi rahta hai. jo log koi karya nahin karte hon, unhen shriyantra ka laeket pahna diya jae to unhen bhi sadbuddhi a jati hai aur ve kamkaj karne lagte hanai. is laeket ko navratri sthapna ke din dharan karna chahie, isse dhan ki prapti hoti hai. ise dharan karne se dharak ko kisi prakar ka bhay nahin hota aur uske naukri-vyavsay men nirantar unnati hoti rahti hai. uska bhagyoday ho jata hai. lakshmi ji hamesha us par apna ashirvad banae rakhti hain. jo stri apne pati ki nirantar unnati chahti hai, use avashya hi shriyantra laeket dharan karna chahie, isse parivar men sukh-shanti v lakshmi ji ki kripa sthayi rup se bani rahti hai. shriyantra ke prakar - meruprishthiya shriyantra kurmaprishthiya shriyantra dharaprishthiya shriyantra matsyaprishthiya shriyantra udhrvarupiya shriyantra matangiya shriyantra navnidhi shriyantra varahiya shriyantra shriyantra sona, chandi evan tanbe ke atirikt sfatik evan pare ke bhi hote hain. sabse achcha shriyantra sfatik ka mana gaya hai. sfatik mani ke saman hota hai. hindu dharm ke vibhinn pithon ke shankracharya sfatik shriyantra ki puja karte hain. hindu dharm ke sabhi gyani sant, mahapurush, dharmacharya, mahamandaleshvar, yogi, tantrik sannyasi adi sabhi apne puja sthal men is yantra ko pramukhta se rakhte hain aur puja adi karte hain. anya dhatuon ke yantron men mantron ke sath dhatuon ki shakti samai hoti hai, parantu sfatik ke shriyantra men mantron ke sath-sath divya alaukik shaktiyan bhi hoti hain. puja sthan, karyalay, dukan, karkhane aur parhai ke sthan par sfatik shriyantra ko rakhne evan uski puja karne se dhan-dhanya men vriddhi hoti hai aur vyapar men labh tatha parhai men saflta milti hai. shriyantra vibhinn akar ke banae jate hain jaise anguthi, laeket aur banh par bandhne vale tabij aur batue men rakhne ke lie sikke ke rup men. shriyantra ki puja men jap hetu lakshmi ji ka yah mantra ati prabhavshali hai- ¬ shrin hrin shrin kamle kamlalye prasid prasid shrin hrin shrin ¬ mahalakshmyai namah. jap ke lie kamalagatte ki mala ka prayog karen. pare ka shriyantra bhi ati prabhavshali hota hai. para bhagvan shiv ka vigrah kahlata hai aur lakshmi ji ne svayan kaha hai ki parad hi main hun aur mera hi dusra svarup parad hai. yah jis ghar men sthapit hota hai, usmen lakshmi ka sthayi vas hota hai.