shriyantrah shivashakti ka sakshat vigrah dae. suresh chandra mishra shri yantra se sabhi shaktisadhak samanya rup se parichit hain. parantu shrichakra ka vaidik sandarbh ke sath-sath kya vaigyanik adhar hai aur adi shakti ka svarup kya hai tatha shakti ke vibhinn avtaron ke kya hetu rahe hain, iska shastriya aur vidvatapurn parichay ap is lekh men prapt kar sakte hain. shrichakra ka vaidik sandarbh shrividya gurh rup men taiÿiariya sanhita, taiÿiariya brahman, taiÿiariya aranyak, arunopnishat adi men multah vidyaman hai. shrichakra men vidyaman 9 trikonane men se 5 trikon shakti ko aur shesh 4 trikon shiv tatva ko prakat karte hain. sabke madhya men bindu kendra, anu adi ant hin, anant, svayan paripurn param ya turiya chaitanya hai. inke sanyog se shrichakra ka svarup sfut hota hai. shiv-shakti ke is sanyog ke bare men acharya shankar apne brahmasutra ke shankrbhashya men likhte hain- n hi taya vina parmeshvarasya srirashtratvan sidhyati. shakti rahitasya tasya pravrityanuppÿoah. shri yantra ki rachna ki do vidhiyan hain- srishti kram aur sanhar kram. srishti kram men shakti ke pratik 5 trikonon ki nok upar ki or tatha shiv rup 4 trikonon ki nok niche ki or rahti hai. is tarah se 5 sidhe aur 4 ulte trikon apas men ganuthe hokar shiv aur shakti ke suyog ko prakat karte hain. yahi rup sarvadhik manya aur prachlit hai. vaidik matanusar i bij shakti bij hai, jiska ullekh rigved ke man dal 5, 47,4 mentra men is tarah se milta hai- chatvar in bibhrati kshemyanto dash garbhan charse dhapyante. tridhatvah parma asya gavo divashcharit pari madyo antan.. sayan ne is mantra ka arth surya ya aditya ya adi purush, adishiv rup se kiya hai. yahi shiv, shakti ke n rahne par shav rah jate hain. mantra men char sankhya se prakat i shiv tatva i shakti se yukt hokar nau trikon aur sabke bhitar garbh men dasven bindu ko dharan karta hai. i ko purani brahmi adi lipiyon men trikon rup men hi likha jata tha. atah ek adi shakti ke do utpadak rupon ka samanvay, unki kriyashilta aur manglkarita hi samvet rup men shrichakra hai. shrichakra ka vaigyanik adhar vaigyanik matanusar is brahmand ki utpaÿia anu aur anu vibhajan ki prakriya se hi hui hai. yahi vibhajan sharir ke anuon ke nirantar vibhajan ke rup men hamare jivan ka adhar hai. jivan ki mul shakti ek se do, do se char, char se ath uÿaroÿar svayan ko vibhajit karti hui sari srishti ka mul banti hai. surya sansar ka karan hone se svayan sakshat shiv ya vishnu hi hai. vahi surya rup shiv jab shakti arthat brahmand ki dharna, gyan, kriya adi rup akarshan shakti se yukt n ho to dharti adi sab grah lok akash men apni kakshaon men sthit rahakar surya ki parikrama nahin kar sakte hain. jab prithvi men spandan nahin hoga to jivan, srishti, naya nirman kyon ho sakega? atah surya v uski akarshan shakti ka sanyog srijan ke lie parmavashyak hai. ise hi shivashakti sanyog kaha hai. surya rashmiyon men gati aur spandan ho, tabhi tak yah dikhne vala nam rupatmak jagat kriyashil rahte hue nirantar rachna, nirman ya utpaÿia ka parivart bana rah sakta hai. isi sanyog se sab grah lok ya chaidah bhuvan bante hain. nyay aur vaisheshik darshan ke anusar bhi yah sari srishti parmanu se hi utpann hai. apne spandan rup veg se ek anu anek men vibhakt hota hua suryadi lokon ke astitva ka karan hai. isi shakti ko parashar hora men satvapradhan shrishakti nam diya gaya hai- saÿvapradhana shrishaktirbhushaktishch rajoguna.....bhushaktya srijte srashta. parashar ke vachnanusar bhu arthat bhumi kan, dhulikan, anu rup pansu ki shakti se hi sansar ka rachyita srijan karta hai. nirman karne, prajanan karne vala mahakal ka anshbhut kal rup sanvatsar hi hai aur yah surya ke adhin hai. samay ki shakti samya: adi shrishakti samay ya kal ka striling rup samya, svayan parantu devi tripursundri shrishakti ka hi vachak hai. shankracharya bhagvti paramba tripur sundri ke lie samya aur parmshiv ke lie samay shabd ka prayog karte hain. tavadhare mule sah samyya lasyaprya. athva samay ya kal ya mahakal ke sath samta ya samagam ka bhav pramukh rahne se devi ko samay kaha gaya hai. shambhuna saman tulyan yati iti samya. shiv v shakti ke sanyog se yah samta ya samagam hota hai. vidya evan mahavidya? gyan, bal aur kriya athva satya, shiv aur sundar tatva ka samvet rup jismen ek sath nirbadh rup se ho vah vidya hai. yah sab jahan sarvavyapak, anant, achchedya, atut, anadi rup men rahe, use mahavidya kahte hain. yah sada shakti rup hoti hai. shakti se tatparya devi bhagavat men kaha gaya hai ki shakti shabd ke ghatak sh ka arth aishvarya, utkrishtata, vaibhav ya bhuma hai. kti ansh se parakram, udyog, parishram, lagan adi bhavon ka grahan hai. atah jivan ke udaÿa lakshya ko pane ke lie jab parakram, karm, lagan aur nirantrta ka sanyog kiya jae to vyakti svayan hi shaktiputra ho jata hai. uske lie kuch bhi aprapya nahin hai. aishvaryavchnah shashch ktiah parakram ev ch. tatsvarupa tayordatri sa shaktiah parikirtita.. mahavidya das ya adhik srishti, sthiti, sanhar aur trigun ke adhar se mahakali, mahalakshmi, mahasarasvati tridevi ki ganna hai. yahi trishakti nau dvaron vale sharir ki sanchalika hone par navdurga hai. panch gyanendriyane v panch karmendriyon ki niyamak, sanchalak, kalagras rup se vighatak hone se das mahavidya ke rup men parignit hai. brahmavaivart puran men adi shakti ko panchendriyon v panch bhavon ke sath jorte hue panch sankhya kahi hain- radha, padma, savitri, durga, sarasvati. isi adi-shakti ke das avtaron ke adhar par bhi das sankhya kahi jati hain. vishnu ke das ya chaibis avtaron ke sath sanyojan karte hue mahavidya ki sankhya das se chaibis tak bhi kahi gai hanai. vibhajan vargikaran ke vibhinn drishtikon se prapt sankhya bhinn hote hue bhi multah ek aur pradhantya das sankhya manna prasiddh v bahumat sammat mat hai. chamunda tantra aur vishvasar ke anusar prasiddh das mahavidyaen ye hain- kali, tara, shodshi ya mahavidya ya tripursudanri, bhuvneshvari, tripurbhairvi, chinnamasta, dhumavti, baglamukhi, matangi, kamla. upasna ke do bhedon ke adhar par tantrasar men 9-9 ki sankhya men kul 18 mahavidyaen kahi hain. vastav men dason dishaon dvara sati ko lekar chalte hue shiv ko rokne ka prayatn kiya gaya tha, isilie mahavidyaen das mani gai hain. athva ved mantron men varnit 1 se 9 aur 0 sahit das sankhya hone se bhagvti ko das mahavidya ke rup men manna prasiddh hai. isi tathya se milti-julti kuch anya kathaen kalika puran, markandey puran aur narad panchratra men varnit hai. vastav men yah ek hi shakti hai jo sarvatra vyapt hai. mahanirvan nam ganrath men sab mahavidyaon ka nam lekar ant men apko ek rup aur sab devon ke ansh ko dharan karne vali hi kah diya hai- sarvashaktisvarupa tvan sarvadevmyi tanuah. shakti ke avtar ke hetu shvetashvatropnishat men ek hi shakti ke anek rup kahe gaye hain- parasyashaktirvividhaiv shruyate. mahanirvan namak ganrath men bhi bataya gaya hai ki bhagvti adi shakti ke vividh rup dharne ke tin pramukh prayojan hain- jagatkalyan, nakaratmak shaktiyon ka sanhar aur bhakton par vatsalya. atah adi shakti samyanusar yuganurup rup dharan kar prakat hoti rahti hai, jin anant rupon men se das pramukh hain. das mahavidyaon ka mul sanket: kali: kalsangrasnat kali, is niyam se kal, samay ko niyatrint karne vali shakti hi kali hai. yah nirgun rup men andhkar ke saman mahakali aur sagun rup men tripursundri hai. tara: taran aur uddhar karne vali (tarakatvat sada tara), vani ki shakti dene vali (lilya vakprada cheti) aur shatrusanharkarini devi (ugrapat tarini yasmat) tara hai. shodshi ya tripursundri: vedadimandita devi shivashaktimyi sada, is vachan ke anusar ye chandrama ki 16 kalaon ke sath upasna karne yogya shivashaktimay adi shakti, param shakti hai. bhuvneshvari ya lalita: multah ye durga hi hain. amnay granthon ke anusar shrillita ke rup men tripursundri shrividya lalita aur bhuvneshvari lalita ke rup se vikhyat hain. tripurbhairvi: yah sarvalakshmimyi, anandrupini shritripursundri ke rath ki sarthi hai. tri- tin, purusharth, dharm, arth, kam ko purti-pradan karne vali hain. chinnamasta: prachandachandika ke nam se bhi jani jati hai. kahte hain ki ap itni dayalu hain ki apni sakhi jaya aur vijya ki bhukh shat karne ke lie lie apna sir katakar apni rakt dhara se unhen tript kiya tha. dhumavti: daksh yagya ke dhuen se dhumra varn ho gain thi athva ek bar shiv ko hi nigal jane ke karan bhagvan shiv dhuen ke rup men inke sharir se bahar nikle the. tab se dhumavti ke nam se jana jata hai. inka rup ugra aur vidhva jaisa hai. inhen vedon men jyeshtha yani alakshmi, lakshmi ji ki bari bahan kaha gaya hai. baglamukhi: vag dhatu ka arth viklangta hai. shatruon ki jibh ko pakarakar unki gati, mati ko stambhit karke unhen vikal, behal karne vali devi baglamukhi hain. matangi: matang rishi ke yahan putri rup men avtar lene vali devi hone se matangi nam hai. achchi sachchi vani, sangit ka gyan, grihasth ka sukh dene vali devi hain. prem, ichcha, kam, bhog, manorath adi inki vibhutiyan hain. kamla: samudramanthan ke samay utpann hokar bhagvti tripursundri ki kripa se unke sath samanta prapt ki. ap hi mahalakshmi, kamla, shri adi namon se prasiddh hai. kamla, kali, shodshi aur baglamukhi ki upasna ke anek sampraday, bhed v amnay hain. shriyantra men ap kisi bhi mahavidya ki upasna kar sakte hain. vastav men mahavidya kal, mahakal, samay aur uske pratinidhi rup sauravarsh ke 360 anshon ki adhishthatri, kal ki mulasrot rup shakti ki upasna hai. shrichakra ke nau avrnon men athva navratron men pratidin kramshah 40-40 ansh rup shaktiyon ki upasna, kal ke anusar prakriti ki anukulta pana hi shrichakra puja ka gurh rahasya hai. piramid ki sanrchna bhi shrichakra ka hi saral rup hai.