bharat bhumi santo, mahatmaon tatha ishvar ke anshavtaron ke avataran ki bhumi raha hai. samy-samay par sabhi ko unse margadarshan mila hai. aise hi divyapurushon men ginti hui hai shirdi ke sani aur unke punravtar ke rup men avtrit shri satya sani baba ki jo apne janm se hi apni lilaon aur chamatkaron se sabhi ko ashcharya chakit aur kritarth karte rahe.
pardham gaman ki prishthabhami men prastut hai yahan unki jivan yatra ka sankshipt jyotishiya vishleshan. am ho ya khas, neta ho ya abhineta, khiladi ho ya janbaj, sant ho ya mahatma, sabhi par saman drishtipat rakhne vale andhra pradesh ke jile anntpur ke chote se ganv puttaparthi men dinank 23 navanbar 1926 ki pratah 05.53 par kodamma raju ratnakr- ishvaramma ke yahan athvi santan ke rup men ek vilakshan, pratibhashali balak jiske bachapan ka nam satyanarayan raju tha ne janm liya.
janm se hi apni lilaon evan chamatkar se apne parivar ke logon ko ashcharyachkit karte rahe. 08 march 1940 ko ek bichchu ne dank kya mara ki satyanarayan raju ka jivan hi badal gaya. bachapan se sangit ki padhai men vishesh ruchi rakhne vala balak achanak sanskrit bhasha ka prayog aise karne laga mano use ismen maharath hasil ho.
23 mai 1940 ko usne apne hatho ke sparsh se evan hathon se vibhuti nikalne tatha imli ke per se mithai v apne hathon se sone ki chen evan ghadi nikalne aur asadhya rog se pidit vyakti ke sir par hath rakhakar asadhya bimari ko hamesha ke lie samapt kar dene jaise chamatkar kar am aur khas dono ko vismay kar dala.
unhonne 26 aktubar 1940 ko janta ki bhalai karne, duahkho ko dur karne, jivan jine ki nai rah dikhane ke sath hi adhyatmik unchani prapt karne ke lie sannyasi jivan dharan kar liya. ab aisi vilakshan pratibha ke dhani vyakti ke jivan men ghatit ghatnaon ko evan unke dehavsan ke samay ke gochar grahon ko intrnet se prapt unki janm kundli men sthit grahon ke adhar par jyotishiya drishti se dekhte hain.
satyasani baba ka janm 23 navanbar 1926 ki subah adrra nakshatra ke chaturth charan men 28 ansh par tula lagn men hua. lagn tatha ashtam bhav ke svami shukra ke sath dvitiya bhav men chatugrrahi yog bana hai. kundli men mahapurush ruchak yog, lakshminarayan, budhaditya yog hai.
nich ka guru tatha svagrahi mangal kendra men hai tatha rahu evan ketu dono uchch ke hokar tritiya evan navam bhav men hai. janm ke samay rahu men chandra men badh men guru ki dashantar chal rahi thi. budh evan mangal dono vakri hai. in grahon se bane mahayog ke karan satya sani baba ne bharat hi nahin pure vishva men apni alag hi pahchan v khyati prapt ki jisse 166 deshon men satya sani ke kendra hanai.
lakshminarayan yog se apar dhanasampada, budhaditya yog se gyan evan buddhi se janmanas ke sath hi videshiyon par apni prakhar buddhi ke bal par sab ko acharach men dal dene ki yogyata rahi tatha ruchak yog se vishvastar ki khyati prapt ki hai. jab 8 march 1940 ko bichchu ne dank mara, us samay baba ko lagn v ashtam bhav ke svami shukra ki mahadsha men tritiya bhav sthit ketu ki antardasha gochar men thi.
is karan baba ko mrityutulya kasht aya lekin shani grah jo mrityukarak grah hai uski dashantar dasha thi v shani shashtam, ashtam evan dvadash men bhi gochar nahin kar raha tha jisse baba mrityurupi kal ke gras men nahin ja paye. 26 aktubar 1940 ko grihasth jivan tyag kar unhonne manav seva hetu evan svayan ke adhatmik star ko uchch banane ke lie sannyas grahan kiya.
sannyas ke lie lagn, chaturth, pancham evan navam bhav men gochar grahon evan janm kundli ke grahon ka bhi akalan karna avashyak hota hai. 26 aktubar ko surya apni nichrashi tula men tatha shani bhi nich rashi ka hokar mesh rashi men saptam bhav men gochar kar raha tha. shani ki navam, chaturth tatha lagn par purn drishti thi.
isi prakar saptam bhav par surya ki purn drishti thi. vani evan buddhi ka karak grah budh dvitiya bhav men gocharasth tha jiske karan baba ka man grihasth jivan se uchat gaya aur sanyas marg ko apnaya. ab baba ke dehavsan ke samay ki gochar grahon ki sthiti ka ankalan karte hai. 28 march 2011 ko baba ka svasthya thik nahin hone ke karan unhen aspatal men bharti kiya gaya .
26 march 2011 se baba ko lagn v ashtam bhav ke svami shukra, navam evan dvadash bhav ke svami budh tatha surya v mangal rogbhav shashtham men gochar kar rahe the is karan ve fivar, livar v kidni jaise rog se pirit hue. baba ki lagn kundli ke dvitiya bhav jo ki marak bhav hai, surya, budh, shukra tatha shani grah sthit hain.
24 aprail 2011 ravivar ko dehavsan ke samay surya-budh-budh-shukra-shani ki hi antardasha chal rahi thi. vahin shani kanya rashi men hokar dvadash bhav men the. dvitiya markbhav men sthit surya grah jo uchcharashi mesh ka hokar marak bhav saptam men gochar kar raha tha tatha lagn v ashtam bhav ki rashi ka svami shukra bhi shashtham men gochar kar raha tha jiske karan baba ne antim sans subah 7.40 par li. baba apne bhakton tatha duniyabhar men sarvasamanya men manvta v naitikta ki alakh jagakar apni 96 varsh tak jine ki bhavishyavani ko pura n karte hue hamen bich men hi chod kar chale gae hai.
ab duniyabhar men faile bhakt varshon tak baba ke nam ko jinda rakhege aur ane vale samay men punah avtar lene vale prema sani ka intjar rahega! vishesh bat yah bhi hai ki sachin tendulakar baba ke param bhakt hain kyonki sachin v baba dono ki lagn kundli tula lagn ki hi hai, sath hi guru v mangal dono kendra men hi hai. aur khas bat yah hai ki nich ka guru baba ki kundli men chaturth bhav men hai aur sachin ki kundli men bhi nich ka guru chaturth bhav men hi hai.