jab urmila ne sadhna ki  

jab urmila ne sadhna ki... sadhna se vyakti ke vyaktitva aur shakti men nikhar ata hai. kahte hain, man sadhe sab sadhai. lakshmana-patni urmila ne bhi apne man ko sadha. mata urmila ka yah prasang samast manav jati ke lie prerak hai. shri hanumanji ne sanjivnimay pavarta-khand uthane se pahle atyant utsah tatha umang se paripurn hokar uski sadar parikrama ki. fir jaise hi use uthane ke lie kuch niche jhuke, vaise hi dharatal ne us parvat-khand ko apne bandhan se mukt kar diya. sanjivni parvat hanumanji ke svarup ke anusar hi ek simit akar ka banakar unke baen hath par sthit ho gaya. hanuman ji ki ungliyon ne use prempurvak apni pakar men le liya. daen hath ki gada kandhe par rakhen ve jab upar uthe, tab divya gandhamay pushpon ki varsha hone lagi tatha charon or se mangl-dhvani hone lagi. hanumanji parvat sahit udhrvagami hokar sankalp matra se vayu dev ke 48 svarupon ko par karke 49 ven svarup par pahunch gaye. vayu dev ka yah svarup shunyakash se upar divyakash virajman hai. yahan se sabhi dishaon ki sabhi vastuen sankalp karte drishti gochar hone lagti hain. kintu iske lie vyakti ka parashakti sanpann hona nitant avashyak hai. sahsa ayodhyapuri dekhakar unke man men ichcha jagrit hui ki apne prabhu ki nagri aur unke parivar janon ka darshan kiya jae. samast siddhiyon ke svami shri hanumanji ke man men koi ichcha jage aur vah purn n ho, aisa nahin ho sakta. unhonne kuch vichar kiya, fir sanjivni parvat ko vayu dev ke 49ven svarup men sthapit karke svayan adrishya rup men niche utare. prabhu shriram ki puri ayodhya ko ‘ran’ bij mantra dvara kilit (rakshit) dekhakar hanumanji ko romanch ho aya. puri ki chaturdik sima aisi divya tarangon se lipti thi, jinhen koi dusht bhav ka prani par nahin kar sakta tha. sabse pahle hanumanji ne hath jorakar nandigram sahit puri ayodhya ki parikrama ki. fir nandigram ki ek kuti men khirki se jhank kar dekha, to ashcharya men dub gae. ve sochne lage ki mere prabhu lanka se yahan kaise a gae aur kiska dhyan kar rahe hain. kintu samne ke sinhasan par sthapit charan padukaon par jab unki drishti gai, tab ve samajh gae ki dhyan men magn shriram ke chote bhai bharat ji hain, jo rup-rang men unhin ke saman hain. bharat ji ke shil-gun ki prashansa shriram se anek bar hanuman ji sun chuke the. unhonne man hi man bhakti purvak bharat ji ko pranam kiya aur ayodhya ke raj prasadon ki or barh gae. arddharatri ka samay tha, sabhi so rahe the. kaushalya, sumitra tatha kaikyi mataon ko hanumanji ne shayan karte dekha. yadyapi ve sab so rahin thin, kintu sote samay bhi unke mukh-mandlon par shriram ke viyog ki vedna spasht jhalkti thi. hanuman ji ko apni mata anjna ka smaran ho aya aur unke netra kuch sajal ho gae. bhinna-bhinn bhavnon men jane par unka dhyan ek vishesh bat ki or gaya. unhonne dekha ki bari mata kaushalya ke palang par hi, pairon ki or bharat patni mandvi is prakar leti thi, mano charn-seva karte-karte so gayi hon. thik yahi sthiti shatrughna-patni shrutkirti ki mata sumitra ke palang par thi. keval mata kaikyi apne palang par akeli thin. hanumanji vichar karne lage ki ghar men ek rajbhu urmila aur bhi hain, fir mata kaikyi akeli kyon? kya unki upeksha ki ja rahi hai? aisi jigyasa hone par hanuman ji ne netra band karke dhyan lagaya to purva-ghatit sara drishya sanvad-sahit unke samne pratyaksh ho gaya. bharat ji mandvi se kah rahe the, ‘‘priye! meri bat par ganbhirta se vichar karna kuch anyatha nahin samjhna. mainne yah nishchay kiya hai ki raghukul bhushan prabhu shriram ke ane tak main nandigram men kuti banvakar tapasvi-jivan vyatit karunga. yadi avashyakta hui, to raj-karya bhi vahin rah kar karunga. tumhara vahan ana mujhe svikar nahin hoga. yadi tum meri sadhna ki saflta chahti ho, to vahan kabhi mat ana.’’ mandli boli, ‘‘ap nishchit rahen nath! main apki agya ka purnatah palan karungi. patni vahi jo pati ke anukul chale. main apna sara samay apki mata ji ki seva men vyatit karungi. vaise bhi, sas-sasur ki seva pati-seva ki apeksha adhik punit kahi gai hai.’’ bharat ji mandvi ke uÿar se bahut santushth tatha prasann hue. mandvi ne choti rani kaikyi ke pas jakar sab kuch nivedan kar diya. kaikyi ek lanbi sans khinchakar bolin, ‘‘bahurani! sada sukhi raho, tumhara suhag atal rahe. tumhari seva ko mainne man se svikar kar liya. kintu bharat ki tarah mainne nishchay kiya hai ki jab tak mera pyara beta ram vapas nahin a jaega, tab tak main kisi ki seva n lekar akele hi atmaglani men jhulsti rahungi. meri agya hai ki tum daÿachiÿa hokar apni bari mata maharani kaushalya ki seva karo.’’ kuch dukhi hote hue mandvi boli, ‘‘mataji! yah mera durbhagya hai ki apki seva ka avasar mujhe nahin mil raha hai. kintu apki agya ka palan karna mere lie santosh ka vishay hoga. ab main bari mata ji ki seva men hi rahungi.’’ mandvi maharani kaushalya ke bhavan ki or chali gai. putra-viyog ke karan jivan ke prati kaushalya ki koi ruchi ya mamta nahin rah gai thi. ve ek vitrag ka sa jivan ji rahi thin. unke pas akar koi kuch kahta, to ve ‘han’ thik hai kah deti thin. jab mandvi ne jakar sabhi baten kram se kahin, tab bhi kaushalya ne kah diya, han thik hai.’ bas, tabhi se mandvi rat-din unke pas rahne lagi. in sari baton ka pata jab shatrughn aur shrutikirti ko laga, tab ve paraspar ek-dusre ki or do kshan dekhte rahe. fir shatrughn ne kaha, ‘‘priye! tum vivekshil ho. batao, aisi paristhit men hamen kya karna chahie?’’ shrutkirti ne uÿar diya, ‘‘hamen kisi ko yah kahne ka avasar nahin dena chahie ki apke do bare bhai patni-sukh tyag kar seva-sadhna men lage hain aur ap patni-sukh bhog rahe hain. islie ap mujhe agya dijie nath ki main ab sadaiv mataji ki seva men sanlagn rahun. kisi avashyak karya se ap jab bhi dasi ko smaran karenge, main upasthit ho jaungi.’’ shatrughn ne prasann hokar kaha, ‘‘priye! mujhe tumse yahi asha thi. param vivek maharaj janak ke kul ke anurup hi tumne samasya ka samadhan upasthit kar diya. ‘‘aur usi din se shrutikirti sumitra devi ki seva men lin rahne lagi. in nai vyavasthaon ke sanbandh men jab shrutikirti ne lakshmana-patni urmila ko sab kuch bataya, tab urmila kuch mudit bhav se boli, ‘‘bhagvan jo karte hain, achcha hi karte hain. mainne vichar kiya tha ki 14 varshon ki avdhi men vyaktigat kuch vishesh sadhna karun. fir socha, mataon ki seva mera pratham kartavya hai. kintu bhagvan ki daya se samasya apne ap sulajh gai. bari mataji ki seva ka bhar mandvi jiji ne le liya hai, manjhli mata ki seva tum kar rahi ho aur choti mataji ne kisi ki seva lena asvikar kar diya. tab to mujhe avkash hi avkash hain fir main apni sadhna ki abhilasha kyon n puri karun?’’ aur urmila apni vishisht sadhna men pure manoyog se jut gai. drishya samapt ho gaya. hanuman ji ne man hi man kaha ki prabhu shri ram ke viyog men unka pura parivar yogi-tapasvi ho gaya. fir unhonne socha ki chalakar dekhna chahie, devi urmila ki sadhna kahan tak pahunchi. atah ve urmila ke bhavan ki or chal pare. yadyapi bhavan ka dvar band tha aur bahar do dasiyan pahle par baithi thin, kintu in avrodhon ka hanuman ji par kya prabhav parta. ve sukshm rup se bhitar pravesh kar gae. kai kakshon se hokar jab ve garbhagrih men pahunche, to vahan ka drishya dekhakar chakit rah gae. ek uchch pithasan par manohar dipak prajvalit hai, jiske divya prakash se sarakaksh alokit ho raha hai. usi dipak ke niche lalit chunri kalatmak dhang se tah ki hui rakhi hai. sanjivni parvat par divya pushpon ki jo sugandh thi, vahi sugandh pure garbhagrih ko suvasit kiye hue thi. hanuman ji abhi vismay se ubar bhi nahin pae the ki unhen nari-kanth ki dhvani men sunai para, ‘‘aie hanumanji! apka svagat hai. tab unhen yah samjhne men der nahin lagi ki yah dhvani devi urmila ki hai. hanumanji atyant vinamra hokar bole, ‘‘mujhe pura vishvas hai devi ki apki . sadhna purn rupen safal ho gai, tabhi apne mujh adrishya ko dekh liya aur pahchan bhi liya. ab apse meri prarthana hai ki ap mujhe adar suchak shabdon se sanbodhit n karen, putra ya vats kahen. mata sitaji ne mujhe anek bar sut or vats kaha hai. ap unki laghu bhagini hain. atah ap bhi meri mata tulya hain. meri dusri prarthana yah bhi hai ki ap apna darshan dekar mujh das ko kritarth karne ki kripa karen. uÿar men fir dhvani sunai pari, ‘‘achchi bat hai vats pavan kumar! tumhare samne ane men mujhe koi apÿia nahin hai.’’ aur fir bagal ke kaksh ka dvar khula. usi samay ek adbhut ghatna hui. prajvalit dipak ki shikha (lau) barhakar dvar tak gai aur garbhagrih men padarpan karti hui urmila ke mukh mandal ko alokit karti hui usi ke sath-sath chalti rahi. urmila jab dipak ke pas akar khari ho gai, tab shikha bhi apni samanya shikha men samahit ho gai. yah sab dekhakar hanuman ji bhav-vibhor ho gae. ve hath jorakar bole, ‘‘mata! ap-jaisi tapasvini ka darshan pakar main dhanya ho gaya. ayodhya men mera ana purnatah sarthak hua. ab ap mujhe agya aur ashirvad den. mujhe shighra lanka pahunchna hai.’’ urmila ne ganbhirta purvak kaha, ‘‘mujhe sab pata hai hanuman! mere pati dev, meghnad dvara prahar ki gai virghatini shakti se murchit ho gae hain. unhonne shabri ke juthe beron ki apeksha ki thi, jo atyant bhakti-bhav se arpit kie gae the. ab unhin beron ke parivartit rup se apke dvara sinchit sanjivni unki muchrcha dur karegi. yahi unka prayashchit hoga. tumhare is mahan karya ka ek dusra parinam yah bhi hua hai ki tum ne ber ki paÿiayon ka jo 84$33=117 tantrik prayog kiya hai, usne ravan ke tantrik prayogon ka nirakaran kar diya hai. yah karya tumhare atirikt dusra koi nahin kar sakta tha.’’ hanumanji hath jorakar namratapurvak bole, ‘‘mainne kuch nahin kiya mata ji, sab kuch prabhu shriram ki kripa se hua hai. urmila ne kaha, ‘‘yah satya hai ki sab kuch unhin ki kripa se hota hai, kintu tum bhi sadharan vyakti nahin ho. main janti hun, tum bhagvan shankar ke gyarhven rudra ke avtar ho. atah tum sakshat shankar hi ho. bhavishya men bhi tum isi hanuman rup men bhakton ki sabhi kamnaen purn karte rahoge. ab jao vatsa! age ka karya bhi nirvighn rup se sanpanna karo, yahi mera ashirvad hai.’’ hanumanji prasanna hokar bole, ‘‘apka ashirvad avashya falibhut hoga. apki sadhna mahan hai. apne sarvagyata ki siddhi bhi prapt kar li hai. achcha mataji! das ka pranam svikar karen.’’ urmila ne ashirvadatmak mudra men apna dahina hath uthaya aur hanumanji ‘jay shriram’ kahakar adrishya ho gae. bhavan ke bahar akar ve upar ki or uchle aur palak jhapkte hi akash men bahut upar ho gae.