saumitra ki kshamayachna  

saimitra ki kshamayachna hanumanji sanjivni lekar jab lanka nahin pahunche, tab shriram bahut duahkhi aur vyakul ho gaye. unhonne achet lakshman ka sir uthakar apni god men rakh liya aur nana prakar se vilap karne lage.1 ashrupurn netron se lakshman ko dekhte hue shriram ne kaha, ‘‘he bhai! tumse mera dukh dekha nahin jata tha. mujhse pahle tum dukhi ho jate the. mere lie apne mata-pita, bhai, patni, parivar, nagar aur rajsukh chorakar mere sath is van men chale aye. andhi, varsha, sardi, garmi ka kasht jhelte hue tumne din-rat meri seva ki. tumhara vah prem ab kahan chala gaya? tumhare bina main kaun-sa munh lekar ayodhya jaunga. chalte samay manjhli mataji ne tumhen mere hathon men saunpa tha. ab jakar main unhen kya uÿar dunga, yah tum mujhe batate kyon nahin? yadi main janta ki van jane se tum-jaise bhai ka viyog ho jaega to main pita ki agya nahin manta aur van ko nahin ata. isse mujhe apayash milta. us apayash ko main sahan kar leta, kintu tumhara viyog main sahan nahin kar sakta. lakshmana! tum mere pran ho, tumhare bina main kaunsa munh lekar ayodhya jaunga. chalte samay manjhli mataji ne tumhen mere hathon men saunpa tha. ab jak main unhen kya uÿar dunga, yah tum mujhe batate kyon nahin? yadi main janta ki van jane se tum jaise bhai ka viyog ho jaega to main pita ki agya nahin manta aur van ko nahin ata. isse mujhe apayash milta. us apayash ko main sahan kar leta, kintu tumhara viyog main sahan nahin kar sakta. lakshmana! tum mere pran ho, tumhare bina main jivit nahin rah sakta, nahin rah sakta.’’ shriram ka karun vilap sunakar samast bhalu-vanar bhi rudar karne lage. tabhi jambavan ne dekha ki uÿar disha ki or se hanumanji ek vishal parvat khand lie hue veg purvak ude chale a rahe hain. sanjivniyon ke divya prakash se vah parvat-khand diptiman ho raha tha. ati prasann hokar jambavan sabko dikhate hue bole, ‘‘are dekho-dekho. sanjivni buti lekar hanuman ji a gaye.’’ sab ne udhar dekha aur sabke udas mukh khil uthe. us samay hanumanji ka ana aisa hi laga, jaise kisi kavya men karunaras ka prasang chal raha ho achanak viraras ka prasang a jae.1 sabke dekhte-dekhte hanuman ji sanjivni yukt vah parvat-khand dharti par rakh diya aur vinit bhav se shriram ke charnon ke samip khare ho gaye. vaidyaraj sushen ne ek drishti sanjivni parvat-khand par dali, fir kuch muskarate hue hanumanji ko dekha. unke dekhne ka abhipray yah tha ki apko sanjivni aushdhi lane ko mainne kaha tha, kintu ap to pura parvat-khand hi utha lae. unke bhav ko samajhakar hanumanji ne kaha, kya karta vaidyaji! apne pahchan batayi thi ki sanjivni divya prakash se pradipt rahti hai, chamchmati rahti hai. kintu vahan jakar mainne dekha ki sadharan ghas-paÿai se lekar sari vanaspatiyan chamchma rahi hain. pahchan-pahchanakar torne men vilanb ho jane ka bhay tha. islie yah bhar apke upar dalakar yah parvat-khand utha laya.’’ sushen ne kuch ganbhir hokar kaha, ‘‘achcha, yah bat hai! ab sari sthiti meri samajh men a gayi. ravan ko jab pata chala hoga ki ap sanjivni lene ja rahe hain, tab usne kisi mayavi rakshas ko bhejakar sari vanaspatiyon ko prajjavalit karva diya hoga jisse ap bhram men par jaen. kintu vah murkh aur maya-gyan ka ahankar ravan yah nahin janta ki ap jaise samarth vyakti ke samne uski maya ka bal raÿai barabar bhi nahin hai.’’ hanuman ji ne vinamra hokar, ‘‘ismen meri koi visheshta nahin hai sushenji, sab in charnon ka pratap hai.’’ aisa kahakar unhonne shriram ke charan pakar lie aur shriram atyant sneh purvak hanumanji ko dekhne lage. ab sushen vaidya ne apne kartavya ki or dhyan diya. sarvapratham unhonne vaidyon ke aradhya devta parmpujya, bhagvan dhanvatri ko man hi man pranam kiya. fir us parvat-khand ke sammukh hath jorakar khare hue. sushen ne vaidik mantra ke dvara char prakar ki sanjivniyon ka ahvan kiya.1 vaidyaraj ke ahvan karte hi ye charon sanjivniyan apne adhidaivik rup men prakat ho gayin, jinka sakshatkar keval sushen ne apne mansik netron se kiya. atyant harshit hokar vaidyaraj ne sat pavan mantron se ad purvak prarthana ki, ‘‘he divya aushdhiyo! yadi ap mujh par prasann hain, to kri pa karke ap mujhe apni svikriti pradan kijie, jisse lakshman ji par main ap charon ka prayog kar sanku.’’ charon sanjivniyon ne susmit mukh se hath ke sanket dvara svikriti de di. sanket ko samajhakar sushen ji anand se bhar gaye aur bole, ‘‘apne dayapurvak meri prarthana svikar kar li. to fir, mere dvara rakhe hue dan char patron men ap padharne ki kri pa karen. yah meri dusri prarthana hai.’’ yah sunte hi charon ka adhidaivik rup lupt ho gaya. ve apne adhibhautik rup men a gayin aur apni-apni tahniyon se prithak hokar char alg-alag patron men bhar gayin. tab vaidyaraj ne pratyek sanjivni ki uchit matra lekar kram se uska prayog kiya. pratham tin sanjivni ka pura prabhav spasht lakshit hua. mritsanjivni ka prayog karte hi lakshmanaji uth khare ho gaye aur adesh purvak bole, ‘‘kahan hai meghnad? thahar ja dushta! main abhi tera vadh karta hun.’’ fir idhr-udhar dekhakar unhonne kaha, ‘‘main to ranbhumi men yuddh kar raha tha, mujhe yahan kaun laya?’’ lakshman ko sachet hokar sanbhashan karte dekhakar shriram ke harsh ki sima nahin thi. unhonne ek hath se lakshman ko aur dusre hath se hanuman ko samet kar hriday se laga liya. samast bhalu-vanar bhi harshollas men uchlne aur kilkari marne lage. udhar jab ravan ko lakshman ke jivit ho jane ka pata chala, to vah nirash tatha kruddh hokar hath malne laga aur meghnad lajjit hokar munh chupane ki koshish karne laga. idhar shriram ka sanket pakar hanumanji ne lakshmanaji ko sari paristhiti samjha di. sath hi sanjivniyon ka sandesh bhi kah diya, kyonki ve unhen vachan de chuke the. lakshmanaji ko sanbodhit karte hue unhonne kaha, ‘‘vir shiromni! sanjivniyan apse prasann thin, kyonki apne shabri ke beron ko anadar purvak fenk diya tha, jab ki un beron ko prabhu shriram ne sarahna karte hue bare prem se khaya tha. isilie sanjivniyan apke upchar ke lie yahan ana nahin chahti thin. mere bahut anunay vinay karne par ane ko taiyar hui. inke prayog se hi apko navjivan prapt hua hai.’’ kuch smaran karke lakshmanaji bole, ‘‘us samay ke anuchit vyavhar ka mujhe dukh aur pashchatap hai. apni bhul ke lie main samast vanaspati-varg se kshama mangta hun.’’ aisa kahakar lakshmanaji us parvat-khand ke pas gaye aur donon hath jorakar use pranam kiya. lakshman ji ke pranam karte hi parvat-khand ki sari vanaspatiyan harsh se harhra uthin aur unki sammilit dhvani gunji, ‘‘mahashaktiman lakshmanaji ki jay ho.’’ yah dhvani keval ram-dal men hi nahin, varan samuchi lanka nagri men gunjayman ho gayi, jise sunakar samast lankavasi ghor anisht ki ashanka se bhaybhit ho gaye.