kuch upyogi totke karya men saflta ke lie: kisi uchch adhikari se karya karvana ho ya kort kachhri men karya hetu jana ho to gunja ki jar jeb men rakhakar jaen, saflta milegi. vashikaran ke lie: gunja ko chandan ki bhanti mastak par lagakar jaen, dushman bhi apko dekhega to vashibhut ho jaega. bhut-pret badha se mukti hetu: 5 ratti gunja sharir par bandhen, bhut-pret badha se mukti milegi. man kali ki kripa prapti ke lie: pret kali raÿai ko pisakar iska tika man kali ki pratima par lagaen, man shighra darshan dengi. mukdme men vijay ke lie: hanuman ban ka path shukla paksh ke pratham manglvar se shuru karen aur fir niyamit rup se karte rahen. manglvar ko vrat rakhen aur rat ko dakshin ki or sirhana kar soen. iske atirikt sava 5 ratti ka oneks, chandi men jarva kar kanishtha men aur ek tanbe ki anguthi anamika men dharan karen. ye sare upay nishthapurvak karen, mukdme men vijay prapt hogi. jivan men saflta hetu: lakri ki dibbi men pila sindur rakhakar usmen gomti chakra rakhen, ghar men dhan ka agaman hoga aur jivan safal hoga. hriday rog se mukti ke lie: hriday rog men somvar ko panchmukhi asli rudraksh kale dore men pahnen. surya bhagvan ko pratidin jal charhaen tatha aditya hriday stotra ka path niyamit rup se karen. jinhen dil ka daura par chuka ho, ve sat sabut lal mirch aur ek lal hakik lal kapre ke ek tukre men bandh kar apne upar se ikkis bar var kar bahte pani men baha den, labh hoga. badhjmi se mukti hetu: badhjmi hone athva pet men afara ane par tulsi ke sat patte rogi ko khilaen. dhyan rahe, in patton ko chabaen nahin. netra pira se raksha ke lie: ankhon ki bimari men mukti hetu surya ki upasna karen. sath hi subah uthakar suryamukhi ka ful sunghen tatha shuddh gulab jal ankhon men dalen. surya naman labhkari paye gaye hanai. atah is rog men vyakti ko pratahkal uth kar suryamukhi ka ful sunghna chahie tatha shuddh gulab jal ankhon men dalna chahie. svasthya ko anukul rakhne ke lie ah parad shiv ling ka dudh se abhishek kar puja upasna karen. yah kriya shravan mas ke pratham somvar se shuru karen aur niyamit rup se karte rahen, asadhya se asaghya rogon se mukti milegi. sir dard se mukti hetu: shanivar evan manglrvar ko niyamit rup se hanuman ji ke charnon ke sindur ka tilak karen, sir dard se mukti milegi. piliya se bachav ke lie: piliya ek khatrnak bimari hai. isse mukti aur bachav ke lie guruvar ko suryoday ya suryast ke samay punarnava ki jar gale men dharan karen.
Kya aapko lekh pasand aaya?
Subscribe