kuch upyogi totke  

kuch upyogi totke brajvasi sant baba fatah sinh chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai. kamna siddhi ke lie gayatri ke vividh prayog shrimaddevi bhagavat puran se dudh vali samidhaon se ek hajar gayatri ka jap karke havan karen. ve samidhaen shami ki hon, isse bhautik rog aur grah shant ho jate hain athva sampurn bhautik rogon ki shanti ke lie dvij kshir vale vriksh arthat pipl-gulr-pakar evan vat ki samidhaon se havan karen. jap aur hom ke pashchat hath men jal lekar usse surya ka tarpan karen. isse shanti prapt hoti hai. jangh paryant jal men rahakar gayatri mantra ka jap karke purush sampanu a r doshon ko shant kar sakta hai. kanth paryant jal men jap karne se pranantakari bhay dur ho jata hai. sabhi prakar ki shanti ke jal men dubakar gayatri mantra ka jap karna chahie. suvarna-chandi-tanba-mitti athva kisi dudh vale kashth ke patra men rakhe hue panchagavya dvara prajvalit agni men kshir vale vriksh ki (pipl) samidhaon se ek hajar gayatri mantra ka uchcharan karke havan karen, pratyek ahuti ke samay mantra ka path karke patra men rakhe hue panchagavya se samidhaon ko sparsh karakar havan karen. havan ke pashchat ek hajar gayatri mantra parhakar patra men avshisht panchagavya ka abhimantran karen aur fir mantra ka smaran karte hue kushon dvara us panchagavya se vahan ke sthan ka prokshan karen. iske bad vahin bali dete hue isht devta ka dhyan karen. aisa karne se abhichar se utpann hui kritya bhumi par chatushkon mandal likhakar uske madhya bhag men gayatri mantra parhakar trishul dhansa den. isse pishachon ke akraman se purush bach sakta hai athva sab prakar ki shanti ke lie purvokt karm men hi gayatri ke ek hajar mantra se abhimantrit karke trishul gare. vahin suvarna-tanba-chandi athva mitti ka navin dravya kalash sthapit karen. us kalash men chidra nahin hona chahie. use vastra se veshtit kar do. balu se bani hui vedi par use sthapit karen. mantragya purush jal se us kalash ko bhar den. fir shreshth dvij charon dishaon ke tirthon ka usmen avahan karen. ilaychi-chandn-kapur jayfl-gulav-malti-bilvapatra- vishnukanta, sahdevi, dhan-yav-til sarson tatha dudh vale vriksh arthat pipl-gulr-pakar aur vat ke komal pallav us kalash men chor den. usmen sattais kushon se nirmit ek kunchi rakh den. yon sabhi vidhi sampann ho jane par snan adi se pavitra hua jitendra buddhiman brahman ek hajar gayatri ke mantra se us kalash ko abhimantrit kare. vedagya brahman charon dishaon men baithakar surya adi devtaon ke mantron ka path karen. sath hi abhimantrit jal se prokshana-pan aur abhishek karen. is prakar ki vidhi sampann karne vala purush bhautik rogon aur upcharon se mukt hokar param sukhi ho sakta hai॥