chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
svar sudharak
adarak ke sath panchkol ke ark ka sevan karne se svar vikar thik hota hai. madhur surili avaj ke lie shahad ke sath gay ke dudh ka sevan karne se avaj surili hoti hai. kulanjan ka ark, nibu ka ark, shahad, kali mirch ka sevan karne se svar surila hota hai.
bhutonmad nashak
chide ki jad ya pon ke ark men kalimirch ke ark ko milakar pilane se tatha sunghane se athva ankhon men lagane se turant upri badha samapt ho jati hai.
santan prapti ke lie
santan gopal stotra ka pratidin path karen v sath hi ganesh ke ukt mantra ka ‘‘un gan ganptye namah ka har samay jap karen. gay ko pratidin roti par gud rakhakar khilaen.
bilva patra
ashvini nakshatra vale din ek rang vali gay ke dudh men bel patra dalakar us dudh ko niahsantan stri ko pilane se usko avashya santan prapt ho jati hai.
apamarg ki jad
ashvini nakshatra men apamarg ki jad ko lakar ise tabij men bharakar kisi sabha men jayenge to apko dekhne vale log apki or akarshit hongen v vashibhut hokar samman ki nigah se dekhenge.
nagar vel ka patta
yadi ghar men kabhi chori ho jay tatha ap yah pata lagana chahen ki vastu kahan gai hai to uske lie bharni nakshatra men nagar vel ka p lakar us par kattha lagakar tatha supari dalakar jahan par chori hui hai us jagah par rakh den. chori ka pata chal jayega.
dudhi ki jad
dhan v aishvarya ki prapti ke lie punarvasu nakshatra men dudhi ki jad ko lakar pure sharir men lagayen halat badal jayenge.
ak ki jad
adalti mamlon men vijay pane ke lie adrra nakshatra men ak ki jad ko ek tabij men bharakar nimn mantra se ‘‘mam karya siddhi kuru svaha’’ 11 gyarah bar jap karke dhup lagakar gale ya baju men bandhne se apko vijay avashya milegi.
sankhahuli ki jad
bharni nakshatra men jad ko lakar chandi athva tanbe ke tabij men banakar gale men pahnne se vyaktitva ka vikas hota h. ‘‘u shri hanmu te namah’’ matran ka 11 bar jap karak dhup dekar dharan karen.