chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai
grih klesh samapt :
yadi apke parivar men apas men tanav rahta hai ya ek dusre par bharosa nahin raha to yah kriya karen. purnima ke din ghar men kadanb vriksh ki dali ko gangajal se dhokar shuddh kar len tatha yah dhyan rakhen ki dali par kam se kam sat akhandit patte hone chahie. agli purnima ko purani dali ko kadanb vriksh ke pas chor ayen v nayi dali lakar usi vidhi se punah rakh den. dhup dip se pratidin dali ka pujan karte rahen.
bikri barhane hetu :
tin chote nariyalon ko tatha gyarah gomti chakra ko dhup dip se puja karke v pile kapre men bandhakar budhvar ya shukravar ko mukhay darvaje par latka den. yadi ghar men ya sansthan men najar badha ka dosh hai to isse vah bhi dur ho jayega aur vyapar v unnati ke marg par chal parega. nariyal ka dhup, dip, naivedya se pujan karen.
arthik tangi ke nirakaran ka upay :
jis ghar men bahut tangi ho to yah upay karen. ikkis shukravar panch choti-choti kanyaon ko khir banakar unko prasad khilayen. khir men chini ki jagah mishri ko pisakar dalen tatha is kriya ko gupt rakhen. -arthik samasyaon tatha karje se chutkara pane ke lie shukla paksh ke pratham guruvar ko suhagin aurat ko suhag samagri dan kar den. jaise hath ki churi, bindi ka paiket, nel palis, sindur, lal rivan adi dhire-dhire karja utrne lag jaega.
pati se jhagra rahta ho :
shukla paksh ke pahle somvar ko patni ashok vriksh ki jar men ghi ka dipak aur chandan ki agarabatti jalae. dhup dip se pujan karen tatha jal bhi arpan karen. hath jor kar prarthana karen tatha vriksh ke sat patte torakar ghar men apne mandir ya kisi pyale men rakh kar pratidin dhup den tatha agle somvar ko in patton ko vahan par rakh den, dusre naye patton ko lekar usi vidhi se punah rakh len. atyant labh hoga.
dhan ki vapsi hetu :
pratidin suryadev ko arghya den tatha jal men lal mirch ke 11 bij dalakar arpan karen. sath hi 'un adityay namah' kahte hue prarthana bhi man hi man karte rahen ki jiske pas hamara dhan hai vah hamen vapas kar de.
prem vivah men saflta hetu :
yah prayog bhagvan vishnu aur lakshmi ki murti ya foto ke sammukh shukla paksh men guruvar se shuru karen. mantra : ''un lakshmi naraynay namah.'' 3 mala pratidin sfatik ya lakshmi var varad mala se jap karen. 3 mahinon tak har guruvar ko mandir men prasad charhayen.