upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
achche bure sagun
- yadi apko raste men koi shav yatra dikhai de jay to sarva pratham shav ko pranam karen v kuch der tak us shav yatra men sharik hon. fir apne karya par chale jaen, to us din apke sabhi karya thik honge kyonki shav dikhai dena labhdayak hota hai.
- ghar se niklte samay kahin par gay apne bachche ko dudh pilati hui dikhai de jay to yah dekhakar roti men gur rakhakar gay ko khila den. yah shubh hota hai
- marg men jate samay yadi kahin nevla dikhai jay to jahan par se vah ja raha hai us sthan se mitti lekar use apne kais boks men dal den, sada tijori dhan se bhari rahegi.
- koi garbhavati aurat apne ghar men fal kha rahi ho tatha koi fal uske hath se chutakar uski god men gir jay tatha us god men gire hue fal ko aisi aurat ko de diya jay jiske bachche nahin hote hon, to avashya santan ho jaygi.
- shukla paksh men ravivar ke din kale ghore ke age ke daen pair ki lohe ki nal ko lekar usko gangajal se dhokar dhup dekar use ghar men vyavsay ke sthan men gar den, to arthik labh barh jayega.
- jinhen daravne svapn ate hain yadi ve apni mon ka nam bhojapatra par likhakar apne takiye men rakh len to aise svapn dikhna band ho jayenge.
- jo bachche sote-sote chaunk jate hain ya dar jate hain ve durga saptashati ke 13 adhyayon ki kale dore men 13 gonthen lagakar use is mantra se (11) var parhakar ''un durge durge rakshini svaha'' se gale men pahna do. sabhi dar band ho jate hain. hira hing ki 7 gram ki dali, ek kapre men sin kar gale men pahna do isse mirgi rog chala jata hai.
- manglvar ko nilkanth pakshi ka pankh jahan par bachcha sota hai us charpai ke paye se bandh den to jo bachcha adhik rota hai vah rona band ho jaega. jo ruthakar chala gaya hai use bulane ke lie chamkile hare dhage ki ril, hara hi kagaj, sabut haridra, ek pital ka tukra yah sab saman milakar ghar ka bujurg purush ya burhiya kuen men dal de to gaya vyakti ya stri vapas a jati hai.
- bhut pret badha dur karne ke lie itvar ke din 10 tulsi ke patte, 8 kali mirch v sahdoi ki jar lakar patra men dhup dip se pujan karke dharan karne se upar ki hava chali jati hai. jise brahm rakshas ne trast kar rakha hai vah mundi gokhru aur binoli sambhag lekar gay ke peshav men pisakar us bhukt bhogi ko sungha den to brahmarakshas chorakar chala jata hai.
- itvar ko kale dhature ki jar ko 7 bar abhimantrit karke dahini baju men bandhne se bhut badha dur hoti hai. pipar ka churn 2 gram dudh ke sath lene se piliya rog nasht hota hai.