kuch upyogi totke grahajanya doshon se mukti ke chamatkari totke budh: budh ko shant karne ke lie ched kiya hua tanve ka paisa ya plet bahte pani men dal den aur kauriyon ko jalakar uski rakh ko dariya men baha den. budh v ketu lagn aur sukh bhav ko chorakar kisi bhi bhav men sthit hon to ashubh hote hain. ukt donon grahon ke is yog se prabhavit vyakti ka jivan uski ayu ke 34 ven varsh tak garibi, berojgari aur kalah men gujrta hai. isse bachav ke lie nak chidvana aur fitkri se dant saf karna chahie. iske atirikt choti balikaon ko pile halve ka prasad bantna aur devi ke mandir men kesar charhana chahie. yadi budh tisre bhav men sthit hokar ashubh fal de raha ho to mangal ki rat ko sabut mung ki dal bhigo den aur budhvar subah hi use chiriyon ko chuga den aur sabut manug ka dan karen. brihaspati: iske shubh prabhav ko adhik bali karne ke lie shuddh kesar ko nabhi tatha jibh par lagana chahie. vaivahik jivan ko sukhi banane ke lie sone ke do saman tukre lekar kanya ek tukre ko bahte pani men dal de aur dusre ko apne pas rakhe. pas rakhe hue tukre ko kabhi bhi kisi ko dan n kare aur n hi beche. sone ke abhav men saman bhar ke kesar v haldi ki puriyan is tarah kam men lai ja sakti hain. yadi ashtam bhavasth guru ashubh falkari ho to mandir men pili vastu ka dan karen aur pipal ko jal charhae. guru dvadash bhav men ho to jatak dhanvan hoga, lekin uski santan abhagyashali hogi. aise men jatak ko mastak par pila tilak lagana chahie aur sadhuon, pipal v nirbal nirdhan logon ki seva karni chahie. is totke ke falasvarup vyapar men unnati hogi tatha santan ka bhagya sanvar jaega. shukra: yadi shukra ko adhik labhkari banana chahte ho, to gay ke dudh v jvar ka dan karen aur apne bhojan ka kuch bhag safed gay v safed bail ko khilaen. yadi shukra lagn men ashubh ho tatha bhav 7 v 10 men koi grah nahin ho, to jatak ki shadi ayu ke 25 ven varsh men hoti hai. kintu shadi ke pashchat shighra hi uske garib ho jane aur uski patni ki mrityu ki sanbhavna rahti hai. aise men gomutra ka sevan karna chahie aur sat anajon ka mishrit ann pakshiyon ko khilana chahie. yadi papi shukra dvitiyasth ho aur guru bhav 8, 9 ya 10 men ho, to jatak ka vaivahik jivan dukhamay ho sakta hai. isse bachav ke lie mangal tatva pradhan aushdhi ka sevan chahie.
Kya aapko lekh pasand aaya?
Subscribe