kuch upyogi totke chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai. naye udyog dhandhon ko kamyav banane hetu: prayah aisa dekha gaya hai ki malik apne purane udyog se ashatit saflta pakar apna dusra naya udyog bhi lagana chahta hai. jab naya kam chalu karta hai to anekon vadhayen samne akar khari ho jati hain. unko hatane ke lie achuk totka diya ja raha hai isse ashatit saflta milegi. shanivar ke din apne purane udyog se koi bhi lohe ki vastu lakar naye sansthan men rakh den tatha us sthan ko pavitra kar len v ganga jal se shuddh kar len. lohe ki vastu rakhne se pahle sabut kale urad dalakar us par vastu ko rakh den, lekin jahan par vah vastu rakhi hai us sthan ko n badlen. aisa karne se apke naye udyog ka bhi kam sucharu rup se chalne lagega. naye vyapar athva udyog men sajhedari hetu achuk upay: prayah dekha jata hai jahan dhan ki lagat atyadhik ho, to use akela prani nahin utha sakta. tab vah kuch sajhedari banakar v dhan men vriddhi kar udyog ko chalane ka karyakram taiyar karta hai. kintu ek kahavat prasiddh hai ki sajhe ki handiya sanda chairahe par futti hai arthat apas men larai, jhagre itne barh jate hain ki korta-kachahari tak chale jate hain. is prakar ki samasya se chutkara pane ke lie kisi dipavli ki rat ko kachcha sut le ayen tatha usko man lakshmi ji ke samne baithakar shraddha ke sath banten. usmen roli ke chinte bhi lagaen, fir kanpni ke dvar par tang den tatha dhup dekar gangajal chirakakar vahan shuddhata v pavitrata banaye rakhen tatha yah bolen ‘‘mam karya siddhi kuru kuru svaha.’’ yah kriya pratyek dipavli par karte rahen to sajhedari men kabhi jhagra nahin hoga tatha kam svayan sucharu rup se chalta rahega. karmachari kam chorakar n bhagen: prayah har karkhane ya kanpni adi ke andar kuch aise dimag vale bhi log hote hain jo dhire-dhire karmachariyon ke man men asantosh paida karke v svayan ko bichailiya rakhakar bandrvant ki kriya se apna tatha apne parivar ka pet bharte hain. apne apko aise logon se kaise bachayen jo karmachariyon se tyagapatra dilakar kam band karne ki sthiti men lakar khara kar dete hain. aisi samasya se chutkara pane ke lie kisi bhi shanivar ko apne karkhane ke ate-jate samay marg men yadi koi lohe ki kil mil jati hai use gangajal men dhokar dhup lagakar kisi sthan men thok den aur hanuman ji ke nimn mantra ka 108 bar dhup dip dekar ek mala ka jap karen. mantra - un sarvaduahkh haray namah..
Kya aapko lekh pasand aaya?
Subscribe