ishvar ki jatil karigri ka ek anokha namuna hai ‘manav sharir’. yah anginat choti-choti koshikaon se bana hai. ye koshikaen sharir men rakt, tvacha, manspeshiyon, haddiyon tatha anya angon ka nirman karti hai. asthi tantra sharir ka vishesh ang hai, jiski pratyek haddi ki uske karya ke anurup ek vishisht akriti hoti hai. ayurvedik drishtikon: 206 vibhinn haddiyan hoti hain, ek manav sharir men. sharir ka puri tarah se parikshan karne par malum hota hai ki manav sharir men drirh aur kathor haddiyan hoti hain. agar sharir men haddiya n hotin, to sharir ka koi akar bhi n hota. sha
rir ke piche ke bhag men rirh ki haddi hoti hai, jo lagabhag 33 choti-choti haddiyon se milakar bani hoti hai. har ek do haddiyon ke bich kartilej, arthat mans ki tah gaddi ki tarah sthit hoti hai. yah lachili tah rirh men lachilapan banae rakhti hai, apas men takrati nahin hai arthat apsi ragar se bachi rahti hai. girne par, jhatka lagne par, chalte-firte, kudne par yahi gaddiyan ya disk sharir ko suraksha pradan karti hain. rirh ki haddi ke bich men hi vibhinn tantra nalikaen gujrti hanai. atah kartilej unhen bhi surakshit rakhakar mastishk par ya sharir ke angon par koi hanikarak prabhav nahin parne deti hai. reshon se bana kartilej ka bahri bhag kuch sakht hota hai, jabki iska bhitri bhag jeli ki tarah mulayam hota hai.
achanak jhatka lagne, chot lagne ya bhari vajan adi uthane par rirh ki haddi ke nichle bhag par vishesh jor parta hai jisse kartilej ka enulas faibroras fat jata hai aur jeli vala bhag fulakar bahar a jata hai, use ‘slip diska’ kahte hain. disk ke fulne ke sath-sath hi vahan se gujrne vali tantra nalikaen, jo sharir ke nichle bhag aur pairon tak mastishk ke sanket pahunchati hain prabhavit ho jati hain. unmen dard hone lagta hai. yahi dard saitika kahlata hai. atah yah spasht hai ki kartilej par dabav ya jor parne se ‘slip diska’ aur ‘saitika’ ka dard ho jata hai. slip disk hone par pith ke nichle bhag men tej dard mahsus hota hai. yah prayah ek or ke sire par hota hai.
kabhi-kabhi yah dard ek taraf ke pure pair par fail jata hai. kabhi yah ghutnon ke niche aur kabhi samne ki taraf jangh men bhi hone lagta hai. dard ki shuruat kahan hogi, yah kaun si slip disk hai, is par nirbhar hai. slip-disk hone ke karn: yah rog stri-purush donon ko ho sakta hai. adhik ayu men garbh dharan karne par, bachche ke bhar ke karan, ekaek vajan uthane par ya motapa iska karan hote hain. kudarat ne har jor ko mashin ki tarah banaya hai aur is mashin par ek nishchit vajan hi parna chahie.
vajan barhne se kamar ki haddiyon ke bich ki disk dhire-dhire ghisakar kamjor ho jati hai aur niche jhukakar uthne, jhuk kar kam karne par ‘saitika’ slip disk kahte hain. jo log lagatar sarkon par skutar, saikil ya motar se chalte hain, sarkon ke gaddhe, spid brekar par jhatkon ko jhelte hain, unko sara dabav kamar ke nichle bhag par sahan karna parta hai, jisse ‘slip-diska’ ho sakta hai.
upchar evan savdhaniyan:
- slip-disk hone par kuch dinon ke lie jamin par ya takht par karavat lekar donon pair morakar letna chahie.
- kisi yog visheshagya ki dekh-rekh men yogabhyas karen.
- yadi avashyak ho to daektar ki salah se aepreshan karvakar ‘diska’ ka ilaj karvaen.
- yog visheshagya, daektar, vaidya ke paramarsh ke anusar jaruri savdhaniyan barten. - tairaki slip disk ka sarvottam vyayam hai.
niyamit taur par tairaki karne vale ko slip-disk nahin hota. jyotishiya drishtikon: jyotish anusar kal purush ki kundli men saptam bhav rirh ki haddi ka hai jahan disk slip hoti hai. saptam bhav ka karak grah shukra hai. disk jo slip hota hai, uska bahri bhag reshe se bana kuch sakht aur bhitar ka bhag jeli, arthat charbi ki tarah hota hai jiska karak grah guru hai.
islie jab kundli men lagn, lagnesh, saptam bhav, saptamesh, shukra, guru, dushprabhavon men rahte hain to ‘slip diska’ hota hai.
vibhinn lagnon men slip/diska:
mesh lagna: saptam bhav men budh, guru se yukt ho, lagnesh mangal vakri hokar kisi bhi bhav men ho ya ast hokar shashth ya ashtam bhav men ho, shukra shani se yukt hokar pancham, shashth, ashtam ya navam bhav men ho to jatak ko slip disk ya rirh ki haddi se kasht hota hai.
vrish lagna: lagnesh shukra guru se yukt shashth, saptam ya ashtam bhav men ho aur rahu-ketu se drisht ya yukt ho aur saptamesh mangal vakri hokar lagn ya dvadash bhav men ho to jatak ko slip-disk ka samna jivan bhar karna parta hai.
mithun lagna: guru aur mangal donon vakri hokar saptam bhav men hon ya saptam bhav par drishti den. lagnesh budh evan shukra donon ast hokar kahin bhi sthit hane to jatak ko slip disk hota hai.
kark lagna: budh shukra vakri hokar saptam bhav men ho, chandra rahu se yukt ya drisht shashth ya ashtam bhav men ho, shani guru se yukt hokar lagn men ho to jatak ko slip-disk ho sakta hai.
sinh lagna: rahu-ketu saptam bhav men ya saptam bhav par drishti de, lagnesh surya evan shani donon ek dusre ke samne hokar kundli men kisi bhi bhav men ho. guru shashth aur shukra ashtam bhav men ho to jatak ko slip-disk ho sakta hai.
kanya lagna: guru-lagn men, mangal saptam bhav men vakri ho, budh shukra ast hokar tritiya ya ekadash bhav men ho, rahu-ketu saptam bhav par drishti de to jatak ko slip disk ka samna ek bar karna hota hai.
tula lagna: saptamesh evan lagnesh donon ast hokar kisi bhi bhav men ho, guru saptam bhav men vakri ho aur rahu-ketu se drisht ya yukt ho to jatak ko slip diska’ hota hai.
vrishchik lagna: saptamesh ast hokar saptam bhav men hi ho, guru lagn men ho aur rahu ya ketu se drisht ho. lagnesh mangal shashth ya ashtam bhav men ho to jatak ko slip-disk ho sakta hai.
dhanu lagna: shukra saptam bhav men vakri ho aur guru shashth ya ashtam bhav men surya se ast ho, saptamesh bhi ast ho to jatak ko slip disk ho sakta hai.
makar lagna: rahu yukt guru saptam men ho, shukra ast ho, saptamesh chandra ashtam bhav men, lagnesh shani shashth bhav men ho to jatak ko slip-disk hota hai.
kunbh lagna: saptamesh surya rahu se yukt hokar shashth, saptam ya ashtam bhav men ho, guru lagn mane ho, shukra ast ho, lagnesh shani vakri ho to jatak ko slip disk ho sakta hai.
min lagna: saptamesh budh ast hokar shashth ya ashtam bhav men ho, shukra evan shani donon saptam bhav men ho, lagnesh guru vakri ho to jatak ko slip disk ka jivan men ek bar samna karna parta hai.