briten ke mashhur hav-bhav visheshagya (badi laingvej eksaparta) rabart fips ne apne shodh men yah paya hai ki sone ki mudra bhi vyaktitva ke bare men bahut kuch bayan karti hai. unka manna hai ki sone ki char pramukh mudraen hain, jismen karavat letakar sona sabse am hai. briten ke karib 58 pratishat log isi mudra men sote hain. unhonne shodh men yah bhi paya ki is mudra men sone vale log adhik chinta karne vale hote hain. fips ka yah bhi kahna hai ki sharir ko adhik modakar sone vale log, adhik se adhik aram ki chah rakhne vale yani arampsand hote hain. sone ki dusri sabse pramukh mudra jise 28 pratishat log pasand karte hain, vah hai sidha tanakar sona jismen sharir bilkul sidha, tatha hath evan pair sharir ke samanantar hote hain. unka manna hai ki is prakar sone vale log jiddi, hathi tatha atal hote hain. in logon ki nidra jitni gahri hoti hai utni hi jaldi ve uth bhi jate hain. karib 25 pratishat log jo ati abhilashi hote hain, ve apni banhen modakar tatha pet ke niche hathon ko lagakar sote hain. aise vyakti uchch abhilashi hote hain tatha hamesha svapn men khoe rahte hain. feps ka manna hai ki aise log hamesha sarvotkrisht parinam ki akanksha rakhte hain tatha chunautiyon ka bhi samna karne ke lie hamesha taiyar rahte hain. nidhal hokar sone vale log karib 17 pratishat hain, jo bilkul betrtib hokar sote hain. aise logon ke hath-pair idhr-udhar faile hote hain. aise log bhagyavadi dharnaon par vishvas karne vale hote hain tatha unka manna hota hai ki jivan par unka niyantran nahin hai. jo milna hoga svayan mil jaega yah sone ki sabse kam aramdeh sthiti hai. sarvekshan men logon se apni ek se adhik pasandida mudra ke bare men batlane ko kaha gaya tha. rat men gahri evan achchi nind dusre din kam karne ki kshamata men vriddhi karti hai tatha ham pure din anand ka anubhav karte hain.
Kya aapko lekh pasand aaya?
Subscribe