kisi grah ke nirdharit ratn dvara uske rang ki kirnen manav sharir men pravesh karke apne utsarjan se apna prabhav sudrirh banati hai. ratn is prakar ek channe ke yantra ke saman karya karta hai aur manav sharir men un kirnon ki avashyaktanusar hani ya labh pahunchata hai. yadi aisi kirnen ati hon jo kisi vyakti vishesh ke sharir ke lie upyukt nahin hai to nirdharit ratn haniprad prabhav ko samet leta hai aur jatak ki raksha karta hai. kaun sa ratn kab upyukt hoga aur kab haniprad, ismen vidvanon ki ek ray nahin hai.
kuch vidvan kahte hain, jo grah kundli men pirakarak ho us grah ka ratn kundli men shubh faldata hai. keval usi ratn ko samyanusar dharan karna chahie. ashubh faldata grah ke ratn ko dharan karna uchit n hoga. is mat ke samarthakon ka kahna hai ki ashubh faldata grah ka ratn dharan karne se uski di hui pira shant nahin hoti varan uska ratn dharan karne se vah balvan hokar aur adhik ashubh faldata ban jata hai. ek mat aur hai ki grahon men do samuday hote hain
- ek samuday ka neta surya aur uske sahyogi hain brihaspati aur mangal. dusre samuday ka neta hai surya putra shani aur uske sahyogi hain budh, shukra, rahu aur ketu. is mat ke anusar jis samuday ka grah lagn ka svami ho uske sahyogi grahon ke ratn avashyaktanusar dharan karne chahie. vipakshi dal ke ratn us kundli ke lie haniprad honge. ek anya mat ke anusar jo grah kisi mahadsha ka svami ho to uski mahadsha men us grah ka ratn dharan karna chahie, chahe mahadsha ka svami us kundli ke lie ashubh grah hi kyon n ho.
janmakundli ka parikshan karne se pahle yah dekh lena chahie ki us kundli ke lie kaun sa grah ashubh hai?
us ashubh grahon ke ratn jatak ko dharan karne ki salah kabhi nahin deni chahie, unki mahadsha ane par bhi nahin. kaun sa ratn kise aur kab dharan karna chahie, iska vivechan nimnalikhit hai:
-manikya manikya surya ka ratn hai. jis vyakti ki janmakundli men surya shubh bhav ka svami ho to us bhav ko barhane ke lie manikya ratn dharan karna ati labhdayak rahta hai.
- yadi surya tisre, chathe ya gyarhven bhav men ho to manikya pahnna shubh hota hai.
- yadi janmakundli men surya lagn men ho to lagn ke prabhav ko barhane ke lie manikya pahnna chahie.
- ashtam sthan men yadi surya ashtamesh ho to manikya dharan nahin karna chahie. - saptam bhav men surya ho to manikya pahnna grihasth sukh ke lie avashyak hota hai.
- janmakundli men yadi surya pancham ya navam men ho tab bhi manikya dharan karna chahie. moti moti chandrama ka ratn hai. jis janmakundli men chandrama shubh bhavon ka adhipti ho, aise jatak ko moti dharan karna chahie.
- yadi chandrama panchmesh hokar barhven bhav men ho to bhi moti dharan karna shubh mana gaya hai.
- dusre bhav ka svami yadi chandrama ho aur vah kundli men kahin par bhi ho tab bhi moti pahnna shreyaskar mana gaya hai. kendra men chandrama ki upasthiti halki mani gai hai. aise chandra ko balvan banane ke lie moti pahnna jaruri hai.
- yadi chandrama rahu, ketu ya mangal ki drishti men ho to moti pahnna atyant labhkari hota hai tatha jiski kundli men chandra vrishchik rashi ka hokar kahin par bhi sthit ho to use avashya moti dharan karna chahie.
- vinshottari paddhati men jis jatak ko chandrama ki antardasha ho us vyakti ko bhi moti dharan karna shubh mana gaya hai. munga munga mangal ka ratn hai. jin vyaktiyon ki janmakundli men mangal shubh bhavon ka svami ho, unhen munga dharan karna shubhdayak hota hai.
is ratn men yah visheshta hoti hai ki yah rashmimandal men se keval mangal ki rashmiyon ko hi sokhta hai. jis vyakti ki janmakundli men mangal dushit, ast ya prabhavhin ho to use munga ratn avashya dharan karna chahie. panna panna budh ka ratn hai. jis vyakti ki janmakundli men budh shubh bhavon ka adhipti ho us vyakti ko budh ratn panna dharan karna shubh hota hai.
vrish, mithun, sinh, kanya, tula, makar, kunbh rashi ke jatak ko panna dharan karna chahie. pukhraj pukhraj brihaspati ka ratn hai. is sanbandh men vidvanon men matbhed hai ki brihaspati ka ratn safed pukhraj hai ya pila pukhraj. parantu iska rang pila hi hona chahie yahi jyada uchit hai.
jin vyaktiyon ki kundli men brihaspati pratham, pancham, navam ka svami ho unhen pukhraj dharan karna shubh hota hai. hira hira shukra ka ratn hai, jin vyaktiyon ki janmakundli men shukra achche bhavon ka adhipti hota hai, unhane hira avashya dharan karna chahie. vrish rashi ke lie hira ayu vriddhi tatha jivan men unnati ki prapti hetu, mithun rashi ke lie santan sukh, man, yash, pratishtha, buddhi bal hetu, kanya rashi ke lie har prakar ki unnati ke lie, tula rashi ke lie svasthya labh, ayu men vriddhi, yash, man ke lie, makar rashi ke jatak ko hira vyavsay men unnati hetu dharan karna chahie. nilam nilam shani ka ratn hai.
jis janmakundli men shani shubh bhavon ka adhipti ho unko avashya hi nilam dharan karna chahie.
-vrish rashi ke jatak dharan karke sada sukh, sanpda, samriddhi, man, pratishtha tatha dhan ki prapti kar sakte hain.
- mithun rashi ke lie bhi nilam shubh hota hai.
- tula rashi ke jatak nilam dharan karke sab prakar ka sukh prapt kar sakte hain.
- makar v kunbh rashi ke jatkon ke lie bhi nilam sada shubh fal deta hai.
gomed gomed rahu ka ratn mana jata hai. rahu ek chaya grah hai aur iski koi apni rashi nahin hoti hai. yadi janmakundli men rahu lagn, chaithe, panchven, satven, naven ya dasven bhav men ho to rahu ratn gomed dharan karna shubh rahta hai. lahsuniya yah ketu ka ratn hai. ketu bhi ek chaya grah hai aur iski bhi apni koi rashi nahin hoti hai.
yadi janmakundli men ketu lagn, chaturth, saptam, dasham, pancham, navam, tritiya, shashth ya ekadash bhav men ho to yah ratn dharan karna shubh hota hai. yadi ketu dvitiya, saptam, ashtam, dvadash bhav men ho to kabhi bhi apni anguthi men lahsuniya nahin jarvana chahie. ketu ke ratn ke sath manikya, moti, munga ya pila pukhraj kabhi pahnna shubh nahin rahta.