vivah adi ka nirnay lete samay gun milan ke atirikt kundli men grah sthiti aur bhaveshane ke balabal ka dhyan bhi rakhna chahie. keval gunon ke adhar par nirnay lena uchit nahin. kai sthitiyon men dekha gaya hai ki vivahoprant dhan ki kami, uchit santan n hone athva pati-patni men apsi sahyog ki bhavna kshin hone ke karan aksar vighatan ki sthitiyan paida ho jati hanai, atah yadi gun milan ke atirikt anya yogon par bhi dhyan diya jae, shadvargon, visheshakar hora, dreshkan, saptamansh vishleshan kar v navmansh ka sukshmata se vishleshan kar vivahadi ka nirnay liya jae to dampatya jivan sukhamay ho sakta hai, vighatan ki sthitiyon se bacha ja sakta hai.
hora fal vichar: jatak ki dhan-sanpatti ka vichar hora lagnanusar kiya jata hai. jis jatak ki janmakundli men krur grah visham rashi men sthit hokar surya ki hora men ho vah bali, sahsi v dhani hone ke sath-sath kuch krur bhi hota hai. sam rashiyon men saumya grah sthit ho v chandra hora men bhi saumya grah ho to jatak vinyi, namra, akarshak tatha saubhagyashali hota hai. in sthitiyon men mishrit grahon ka fal mishrit hota hai. hora lagn sinh rashi ka ho tatha surya shubh grahon se yukt hokar svayan ki hora men ho to vidvanon ke matanusar jatak sanpattivan v sukhi hota hai, kintu yadi papi grahon ka prabhav ho to nirdhan v dukhi hota hai. kark rashi ki hora men horesh chandra shubh grahon ke sath sthit ho to jatak santoshi, mata se sneh karne vala, udar v namra svabhav hota hai. papi grahon se yukt chandra is sthiti men jatak ko acharhin, krodhi, chanchal v dusht prakriti ka banata hai.
horesh lagn kundli men shubh sthan v shubh prabhav men ho to jatak ko dhan ki kami nahin rahti, parantu yadi chathe, athven ya 12ven bhav men ho to jatak dhan-sanpattihin hota hai. kundli vishleshn: yadi jatak ki kundli ka sukshmata se vishleshan karen to kai tathya samne aenge. jatak ka grihasth jivan sukhad hai, dhan ki koi kami nahin hai, vivahoprant sasural paksh se use bharpur sahyog mila, fir bhi mata pita se alag rah raha hai, pita ki sanpatti ya sahyog prapt nahin hai, halanki mata ki madad yadakda milti rahti hai. vivah ke 13 varsh bad bhi use sirf ek putri hai.
putra santan n hone ke karan yadakda patni se mamuli jhagra kar leta hai. fir bhi parivar men sahyog v prem ka vatavaran hai. jatak ki patni ki kundli men kak bandhya yog hai aur svayan jatak ki kundli men panchmesh shani ast hai, pancham ka karak guru tritiya bhavasth hai shashthesh bhi hai, mangal drisht hai, pancham bhav par koi anya shubh prabhav nahin hai, atah alp santti kasht jatak ko bhogna para. prastut kundli men surya-shani ki yuti ashtam bhav men hai. akarak mangal navam tatha ketu dasham bhav men hai aur navmesh ast hai. falasvarup jatak ko pita ka sahyog aur paitrik sanpatti prapt nahin hui. tathapi guru-chandra dashantar dasha men jatak ne abhutpurva saflta prapt ki. guru ki sthiti sudrirh hai, navmansh chakra men uchch ka hai.
hora niyamanusar karmesh chandra, horesh hokar kundli men lagnesh, dhanesh-saptamesh aur bhagyesh se yukt hokar bhagya bhav men sthit hai. yadyapi chandra hora men mangal, rahu aur ketu jatak ko krodhi, chanchal v chalak banate hain parantu thekedari jaise karya ke lie yah sthiti bhi shubh hai, yen-ken-prakaren jatak adhikatar tendar pas karva leta hai. vicharniya tathya yah hai ki jatak ki janm rashi mithun hai aur shani ki sarhesati bhi uske lie safltadayak siddh hui. dreshkan fal: dreshkan lagn se bhai-bahnon ke sukh-sahyog ka vichar kiya jata hai. yadi dreshkan lagn ka svami purush sangyak ho to bhai ka sukh aur yadi stri sangyak ho to bahan ka sukh prapt hota hai. dreshkan lagn men papi ya shatru grah ho, dreshkanesh lagn se chathe,athven ya 12ven bhav men ho, papi grahon se yukt v drisht ho to bhai alpayu, rogi, dhanhin evan kasht men rahne vala hota hai.
dreshkan ki lagnesh se mitrata ho to bhai se sanbandh sukhad, shatruta ho to katu aur yadi samta ho to bhai ya bahan se sam sanbandh hota hai. udaharan kundli men dreshkan niyam 3 purn rup se ghatit hai. jatak bhai ko purn sahyog pradan karta hai. apne karobar men bhai ko sajhedar banana chahta hai, parantu vah is or vishesh dhyan nahin deta yadyapi yadakda madad jarur karta hai. yahan niyam 2 asar dikhata hai. dreshkanesh lagn kundli men ast hai, papi grah mangal se yukt hai, atah jatak ka bhai bhai ke karobar ke hisab se dhanhin hai. yadakda keval kuch paise lekar jatak ke tendar ityadi jama karvane chala jata hai aur svayan kheti v pashupalan ka karya karta hai. saptamansh fal: saptamansh se santan sukh ka vichar kiya jata hai.
saptamansh lagn visham rashi ho tatha usmen shubh grah sthit ho to putra sukh prapt hota hai. yadi saptamansh lagn sam ho to kanya santan hoti hai. is vishay men saptamanshesh se bhi vichar kiya jana avashyak hai. yadi vah purush grah hai to putra tatha stri grah hai to putri dene vala hoga. yadi saptamansh lagn men papi grah hon to santan prapti men prabal badha ati hai. saptamanshesh nirbal, ast, papyukt evan papdrisht hokar lagn se chathe, athven, ya 12ven bhav men ho to santan sukh nahin hota. yadi saptamanshesh bali ho tatha shubh yukt evan shubh drisht hokar shubh bhav men ho to uttam santan hoti hai. saptamanshesh guru, shukra tatha budh se yukt ya drisht hokar lagn men ho to santan bhagyashali evan dhanvan hoti hai.
lagnesh v saptamanshesh ki mitrata ho to putron ka sukh prapt hota hai tatha santan agyakari hoti hai. donon men yadi shatruta ho to santan agyakari nahin hoti tatha pita se shatru bhav rakhti hai. saptamanshesh bali hokar dvitiya bhav men ho to santan dhani, panchamasth ho to uchch shiksha prapt, navam men ho to punyavan evan bhagyavan hoti hai tatha dasham men ho to usmen pita ke gun adhik hote hanai. udaharan kundli men yah tathya vicharniya hai ki saptamansh lagn visham rashi hai, saptamanshesh purush grah hai fir bhi jatak ko putra santan prapt nahin hui. pratham santan kanya hai, san 1997 men dvitiya santan ki garbhavastha men mrityu hui. us samay jatak par guru ki dasha men mangal ka antar chal raha tha. yadi sukshmata se vishleshan karen to gyat hoga ki saptamansh kundli men saptamanshesh budh v rahu se drisht hai, saptamansh lagn se dvadash men papi shani nich rashigat hai, vahin saptamanshesh lagn kundli men navam bhavasth hokar stri grahon chandra v shukra se yukt hai. chalit kundli par bhi vichar avashyak ho jata hai.
chalit chakra men mangal mithun rashi 26ah16ah06 anshon par apni nich rashi kark men hai. vahin ketu se yukt v dhanu rashi ke tritiya bhavasth rahu se drisht hai. dvitiya, pancham, saptam, navam ekadash ka karak grah guru (va) chalit men dvitiya bhavasth hai. kundli men pachmesh-sukhesh shani ast hokar ashtamasth shatru surya se yukt hai. chalit kundli men chandra uchch rashi ka hai aur shukra (lagnesh) svarashisth hai. stri karak grah kuch bali hokar stri jati ka sukh jatak ko pradan karte hain. atah mata, bahin, patni, sas v bhai ki stri ka sahyog jatak ki saflta prapti men sahayak raha, kintu bhai, pita v patni ke bhai se jatak ka talmel sahi nahin hai, unke sath uske vaicharik matbhed chalte rahte hain.
navmansh fal: navmansh se pati ya patni sukh ka vichar kiya jata hai. navmansh lagn ka svami bali hokar kendrasth ho to vivah samanya se kam ayu men aur trikonasth ho to uchit ayu men hota hai. navmansh lagn men papi grahon ka yog ho to vivah men badha ati hai. navmansh lagn ka svami surya ho to stri pativrata, dharm ke karyon men rat rahne vali, satvik kintu ugra hoti hai. chandra ho to shant, sundar v chanchal, mangal ho to krodhi v acharhin, budh ho to buddhimti, shilpakala ki gyata evan hasyapriya, guru ho to dharmik, dan-punya karne vali v sadacharini, shukra ho to shringar priya, sundar v bhog-vilas priya tatha yadi shani ho to krur aur ugra svabhav vali evan ayu men kuch adhik dikhne vali hoti hai. navmansh ka svami kundli men shubh yukt v drisht hokar shubh sthan par ho to patni sukh uttam rahega aur yadi pap yukt v drisht hokar lagn se chathe, athven, ya barhven bhav men sthit ho to patni ka sukh prapt nahin hoga.
navmanshesh janmakundli men chathe bhav men sthit ho to stri prayah bimar rahti hai, ashtam bhavasth ho to viyog ki sanbhavna prabal hoti hai, 12ven bhav men ho to stri dhan ka nash karne vali hoti hai. lagnesh v navmanshesh ki mitrata ho to pati-patni ke sanbandh madhur, anyatha katu rahte hain. udaharan kundli men navmansh ke kai niyam vidyaman hain. jatak ka janm lagn tula v navmansh lagn mithun hai, navmanshesh v lagnesh mitra grah hain, vahin kundli v navmansh donon men yukt hain. navmanshesh budh hai. in sabhi sthityon ke falasvarup jatak ki patni mehmana ka samman karne vali, buddhimti v jatak ke sangharsh ke samay men uski sahyogi rahi.
navmanshesh kundli men svayan bhagyesh hai, svarashisth hai, karmesh chandra, dhanesh, saptamesh v lagnesh se yukt hai, falasvarup jatak ko sasural paksh se bharpur sahyog prapt hua. navmansh kundli men guru uchchasth hokar dhan bhavasth hai, shani svarashisth hokar navam bhav men sthit hai. atah anshik doshon ke bavjud jatak ke shadvargon ka akalan karke yah nishkarsh nikala ja sakta hai ki uska vaivahik jivan sukhamay rahega. pati-patni ka paraspar sahyog bana rahega. jatak ne pichle do mahinon men do trak bhi kharid lie hain.
vartaman samay men jatak par shani ki dasha chal rahi hai, chah tendar jatak ne bhare v sabhi prapt kie, ek plat kharidakar uchit munafe men becha v dusra kharida. kul milakar jatak ki arthik v parivarik sthiti din v din sudrirh hoti ja rahi hai. dharma-karm men ruchi barhti ja rahi hai. bhai ke putra ko jatak apni dusri santan man kar uski shiksha ityadi ka kharch vahan kar raha hai, parantu uski patni ko is bat ka koi duahkh ya kasht nahin hai. pati ke har nirnay ko vah kabul karti hai. vah svayan bhi patni se santusht v khush hai. ullekhniya tathya yah hai ki vivah ke samay is danpti ko n to koi jyotishiya paramarsh prapt hua, n gun milae gae aur n hi kundliyan.
atah yadi keval gunon ko dhyan men rakhakar vaivahik nirnay lie jaen to uchit nahin. grahon ke yog, drishti, yuti v shadvargon ka akalan bhi avashyak hai. avashyakta shastra (jyotish) varnit avashyak niyamon par dhyan dekar kundli ka sahi vishleshan kar uchit paramarsh dene v yathochit nirnay lene ki hai.