1- nakshatron ki khoj rashiyon se pahle hui thi.
2- prithvi se nakshatra rashiyon se bhi adhik duri par sthit hain.
3- nakshatron ko anya dharm men taron ke nam se bhi jana jata hai.
4- jis prakar kuch taron ke samuh ko rashi kahte hain usi prakar kuch taron ke samuh ko nakshatra kahte hain.
5- rashiyon ke saman nakshatron ki akriti bhi nishchit hoti hai.
6- jis prakar bhachakra ko 12 bhagon men vibhajit karne par 12 rashiyan hoti hain usi prakar bhachakra ko 27 bhagon men vibhajit karne par ek nakshatra ka nirman hota hai.
7- ek bhachakra men 27 nakshatra hote hain.
8- ek nakshatra ka man 130 20’ hota hai ya 800’ hota hai.
9- rashiyon ke saman nakshatra bhi bhachakra men sthir hote hain aur yah brahmand men ek paimane ki tarah kam karte hain. jaise ki kisi skel (paimane) par 12 inch ke nishan hote hain usi prakar bhachakra men 12 rashiyan hoti hain aur jis prakar 1 fut men 30 se.mi. ke nishan hote hain usi prakar brahmand men grahon ki sthiti darshane ke liye 27 nakshatra sthir hote hain.
10- rashiyon ke svami sapt grahon men vyavasthit hain to nakshatron ke svami nau grahon men vyavasthit hain.
11- ek rashi men sava do nakshatra hote hain.
12- pratyek nakshatra men char charan hote hain.
13- nakshatra ka vistar rashiyon ke vistar se kam hota hai.
14- kisi kundli men jis prakar grahon ke liye rashi ka mahatva hota hai usi prakar grah kis nakshatra men sthit hai vah bhi mahatvapurn hota hai.
15- rashiyon ke saman nakshatron ke bhi svami hote hain.
16- jyotish men namakshar ke liye nakshatra v uske charan uttaradayi hote hain.
17- jis prakar kisi grah ka rashi svami hota hai usi prakar uska nakshatra svami bhi hota hai aur grah ka svabhav grah ke nakshatra svami ka prabhav liye hue hota hai.
18- kisi bhi muhurt ke liye nakshatra vishesh ka shubh hona mahatvapurn hota hai.
19- ravipushya aur gurupushya jaise mahatvapurn yogon ke liye rashi nahin balki pushya nakshatra ka hona avashyak hota hai.
20- krishnamurti paddhati ka adhar nakshatra hi hai.
21- grah ki sthiti batane ke liye nakshatra ka sandarbh adhik satik hai, kyonki usmen char charan bhi hote hain. atah grah ki brahmand men sthiti nakshatra v uske charan ke sath batayi ja sakti hai, joki rashi adhar se adhik satik hai.
22- rashiyon ke svami men kisi ek grah ko ek rashi athva do rashiyon ka svamitva prapt hai vahin nakshatron men sabhi 9 grahon ko tin-tin nakshatron ka svamitva prapt hai.
23- gandmul nakshatra men janme jatak ka gandmul shanti 27ven din punah ane par karayi jati hai, jismen sabhi vastuon ka 27-27 ki sankhya men sangrah kiya jata hai. yadi 27ven din tak gandmul nakshatra ka gyan n ho sake to 27ven mahine men, nahin to 27ven varsh men, nahin to jab bhi vah gandgul nakshatra aye us din us gandmul nakshatra ki shanti karayi jati hai.
24- yadi kisi bachche ka janm ke samay svasthya itna kharab ho jaye ki bachcha janm aur mrityu ke bich ho to ap nirikshan karne par 90 pratishat kes men payenge ki bachche ka janm gandmul nakshatra men hua hota hai.
25- gandmul nakshatron ke nam ashvini, magha, mul, ashlesha, jyeshtha, revti hai.
26- panchak nakshatra kisi bhi shubh ya ashubh ghatna ki 5 bar punravritti karate hain chahe vah ghatna shubh ho ya ashubh. tatparya yah hai ki yadi kisi parivar men panchak men kisi bachche ka janm hua ho to us kutunb men ek varsh ke andar panch bachchon ka janm hota hai.
27- yadi kisi parivar men panchak ke dauran kisi vyakti ki mrityu ho jaye to us kutunb men ek varsh ke dauran panch vyaktiyon ki mrityu hoti hai. isliye iske dushprabhav se bachne ke liye dah sanskar karte samay, sath men char aur putle banakar vidhi vidhan ke sath dah sanskar kiya jata hai.
28- panchak ka praranbh kal chandrama ke kunbh rashi men pravesh se praranbh hota hai aur mesh rashi men pravesh ke samay samapt hota hai arthat jab chandrama kunbh aur min rashi men rahta hai to panchak hota hai. in do rashiyon men vastav men kul sadhe char nakshatra hi ate hain kyonki pratyek rashi men sava do nakshatra hote hain. lekin sankhya men 5 nakshatra ane ke karan inko panchak kaha jata hai.
29- panchak nakshatra hain - dhanishtha-3 se praranbh, shatbhisha, purva bhadrapad, uttara bhadrapad, revti.
30- panchak nakshatron men indhan ekatra karna, charpai bunna, chat dalna mana hai. arthat adhunik yug men gais ka silendar n lena, palang n kharidna aur naye ghar ki chat dalna mana ja sakta hai.
31- revti nakshatra panchak aur gandmul nakshatra donon hote hain.