hinduon ke dharmik granthon men anek prachin dharmik utsavon ke praman milte hain. unmen kunbh evan mahakunbh bhi hain. is avasar par bhavya evan vishal mela lanbe samay tak chalta hai, jahan, manoranjan ke sath-sath, manav charitra ko avashyak vidhiyon ki or pravritt karne ka mauka milta hai.
pratyek tin varshon ke antral men haridvar, ujjain, prayag aur nasik apar jan samuh ko akrisht karne ke lie vishva vikhyat hain. mahakunbh tatha kunbh ke lie prayag ko mukhya sthal mana gaya hai. prayag ka shabdik arth hai yagya karne ka divya sthal. hemadri granth men kaha gaya hai ki surya ke makar sankranti men sangam par kashth aur agni ka dan sarvashreshth hai. isi samay, hemadri granth evan vishnu dharm ke anusar, pitron ka shraddh ati uttam kaha gaya hai.
madhviya granth men makar sankranti ke purva bis ghadi punya kal mana gaya hai. dharm sindhu ke anusar, is sthal ke ath dan ati uttam mane gaye hain. tulsi aur shaligram ki shila ko nikat rakh kar, til, loha, suvarn, kapas, lavan, sapt dhanya, prithvi, gau, ke dan shreshth mane gaye hain. isi prayag men mundan evan shraddh bhi shreshth mane gaye hain.
samay ke nirnay men, sindhu ke anusar, tirth, dravya, supatra, brahman ki prapti hone par samay aur muhurt ka vichar n karen aur shighra hi shraddh karen. paush ki purnima se magh ki purnima tak pitron aur devtaon ke nimitt muli n den aur n hi brahman varg ko iska bhakshan karna chahie. yah bat vaishnamrit gaud nibandh men spasht rup se kahi gayi hai.
padm puran ke anusar ganga, yamuna aur sarasvati ka sangam sthal hi sarvottam tirth ka sthal mana gaya hai aur yahan ka punya kashi se hajaron guna jyada mana gaya hai. is sthal par brahman adi charon varn bhishm ke nimitt agar jal nahin dete hain, to unka ek varsh ka punya nasht ho jata hai. makarasthe divanathe vrishshigte gurau. prayage kunbhyogo vai maghmase vidhukshaye..
yah mela bhi grahon ki vishesh sthitiyon se sanbandhit hai. iski tithi nishchit hoti hai aur surya, guru tatha chandrama ki vibhinn sthitiyon ke anusar yah mela lagta hai. maghmase ch yah snayannairantaryen bharat. paundrik falan tasya divse divse bhavet.. ganga, yamuna evan sarasvati jaisi pavan nadiyon ka sangam, vishesh yogon ke sanbandh ke karan, bahut hi pavitra mana gaya hai. prayagvas karne vale shraddhaluon ko in tithiyon men vishesh punya labh hoga.
kuch tithiyan, vishesh yog ya yogon ke karan, triveni sangam men snan ke lie vishesh mahatva rakhti hain. durlabh snan vidhi evan mantra yatra kutrapi yo maghe prayag-smarananvitah. karoti majjanan tirthe s labhed gangamajjanam.. snan ka sarvottam kal arunoday kal hai. suryoday se pahle purvi kshitij men jo prakash najar ata hai, use arunoday kahte hain.
arunoday kal men bhi snan ke lie vah samay sarvotkrisht hai, jab tare dikhai pad rahe hon. iske bad suryoday tak ka kal, jab tare chup chuke hon, apekshakrit kuch kam mahatva ka hai. suryoday ke bad pratah kal snan ke lie samanya mana gaya hai. magh snan vidhi: hath men jal, akshat, pushp, dravya le kar, man ko shant rakhte hue, purva disha ki or munh kar ke, man men athva vani se sankalp karna chahie.
sankalp mantra maghmasmiman purn snasye'han dev madhav.
tirthasyasya jale nityan papnashay muktaye..
maghmasmiman purn snasyehan dev madhav.
tirthasyasya jale nityamiti sankalpya chetti.
duahkh daridranashay shrivishnostoshnay ch.
pratah snanan karomyadya maghe papvinashanam..
makarasthe ravau maghe govindachyut madhav.
snanedanen men dev yathoktafalado bhav.
savitre prasvitre ch paran dham jale mam.
tvattejsa paribhrashtan papan yatu sahasradha..
avahan mantra namaste rudrarupay rasanan patye namah.
varunay namaste'stu harivas namostu te..
ganga evan jal ke svami varun devta ko, safed pushp le kar, avahan karna chahie. tatapashchat pushp ko ganga men chod den.
ganga pujn: hath men pushp, akshat grahan kar ke ganga ka pujan karen. om iman men gange yamune sarasvati shutudri stoman sachta parushnya. asiknya marudvridhe vitastayarjikiye shrrinu hya sushomya..
ganga agya: ab tirtharaj prayag ko pranam karen. man ganga ka smaran aur varun devta ka naman karen. sarasvati evan yamuna ka smaran karen aur hath jod kar jal ke bahar ghutne ke bal baith kar agya mangen. he man gange, apki sharan men charan raj pane ka main abhilashi hun. karunamyi man apne abodh balak (balika) ko apne sannidhya men lo.
agya mantra: gange ch yamune chaiv godavri sarasvati. narmade sindhu kaveri jalesmin sannidhinkuru. pushkaradyani tirthani gangadyaah saritastatha. agachchantu pavitrani snankale sadamam..
snan mantra: nagn sharir snan n karen. saf-suthre evan shuddh vastra dharan karke shuddh avastha men ganga snan karen. sarvapratham sir se snan karen. suvidha ke lie snan ka koi bartan sath rakhen. snan ke samay sabun, tel, shainpu adi ka upyog n karen evan snan ke samay maun dharan karen.
mantra: duahkhdaridraynashay shrivishnostoshnay ch. pratah snanan karomyadya maghe papvinashanam.. makarasthe ravau maghe govindachyut madhav. snane danen men dev yathoktafalado bhav..
katrtavya: sarvapratham vastra dharan karen. sanbhav ho to shvet vastra dharan karen. chandan adi dharan karen. sangam ke mitti ka chandan sarvamanya hota hai. dan padarthon ko taiyar rakhen aur dan karne ke lie sankalp karen. indriyon ko sanyat rakh kar niyampurvak kam, krodh aur lobh se dur rahen. kisi bhi prakar ke pap ki pravritti se bachen. triveni men magh snan kar ke pratidin nirdhanon ko til aur shakkar (chini) dan karen. is samay til-shakkar ke laddu ya til se bane khadya padarth bhi dan karen.
is punyapradayak avasar par dan ki bhari mahima hai. til, shakkar ke alava nirdhanon evan sant mahatmaon ko shraddhapurvak tilnirmit mithai, garm, reshmi adi vastra, ann, svarn adi ka bhi yathashakti dan karen.
ganga stuti: namah shivayai gangayai shivdayai namo namah. namaste rudrarupinyai shankaryai te namo namah.. nandayai lingdharinyai narayanyai namo namah. namaste vishvamukhyayai revatyai te namo namah.. sarvasyartihre devi narayni namo'stute. nirlepaye durgahanyatrayai dakshayai te namo namah.. gangetvan parmatma ch shiv tubhyan namah shive. y idan pathti stotran bhaktya nityan naro'pi yah..