mahalakshmi ko samast deviyon men sarvashreshth mana jata hai. shrichakrangrsamragyai paramba shodshi shrividyabhgvti rajrajeshvari shrillitamhatripursundari ko mahalakshmi ka sarvashreshth rup mana jata hai. dipavli ke shubh muhurt men inki upasna se arthik drishti v jivan ke anya kshetron men saflta hetu inka shubhashish prapt karna shreyaskar hoga.
shri vidya ka svarup
giramahurdevi druhingrihinimagmvido, hareah patnin padman harshchrimadritnyam. turiya kapi tvan durdhigmniahsimmhima, mahamaya vishvan bhramysi parabrahmamahishi..
bhagavatpad acharya shankar kahte hain ki sarasvati brahma ki grihini hain, vishnu ki patni padma, shiv ki sahchri parvati hain. kintu ap to koi anivarchaniya turiya hain. samast vishva ko vivart karne vali durdhigam nissim-mahima mahamaya parabrahm ki pattamahishi patrani hain.
esha''tmashaktiah . eshavishvamohini . pashankush dhanurbandhra . eshashrimhavidya .
ye hi parmatma ki shakti hain. ye hi vishvamohini hanai. ye pash, ankush, dhanush aur ban dharan karne vali hain. ye shrimhavidya hain. yogijan bhagvti tripursundri ko kundalini ke rup men dekhte hain bhagvan shankracharya ne kaha hai-
mahinmuladhare kampi manipure hutvhan sthitan svadhishthane hridi marutan akashmupri. mano'pi bharumadhye saklmpi bhitva kulapatham sahastrare padme sah rahsi patya vihrse ..
he bhagvti! ap muladhar men prithvitattva ko, manipur men jalatattva ko, svadhishthan men agnitattva ko, hriday men sthit anahat men maruttattva ko, upar ke vishuddhichakra men akash tattva ko tatha bhachakra (agyachakra) men manastattva ko is prakar sare chakron ka bhedan kar sushumna marg ko bhi chorakar sahastrarapadm men sarvatha ekant men apne pati sadashiv ke sath vihar karti ho.
shrividya ka mul-mantra
shridevyatharvashirsham men shrividya ke gopniya mantra ko nimnankit shlok men apratyaksh rup se vyakt kiya gaya hai -
kamo yoniah kamla vajrapani rguha hasa matrishvabhramindrah punarguha sakla mayya ch purushchyaisha vishvamatadividyom..
kam (ka), yoni (e), kamla (i), vajrapani = indra (la), guha (hrin). h, s - varn, matrishva = vayu (ka), abhra (i), indra (la), punahguha (hrin). s, k, l - varn aur maya (hrin), yah sarvatmika jaganmata ki mul vidya hai aur yah brahm rupni hai. yah mantra sab mantron ka mukutmni hai aur mantra shastra men ‘panchdshikadi shri vidya ke nam se prasiddh hai.
.. un ain hrin shrin k e i l hrin h s k h l hrin s k l hrin ..
isi mantra ka shodshi svarup nimn hai -
.. un shrin hrin klin ain sauah un hrin shrin k e i l hrin h s k h l hrin s k l hrin sauah ain klin hrin shrin ..
tantron men mahashodshi (shrividya) ke mantra ka ekbar bhi uchcharan mahafalaprad likha hai. lok men is vidya ke samanya gyan vale kuch sadhak to sulabh hain par vishesh gyata atyant durlabh hain. karan vah atyant rahasyamyi gupt vidya hai aur shastron ne ise sarvatha gupt rakhne ka nirdesh kiya hai.
brahmand puran men likha hai -
rajyan deyan shiro deyan n deya shodshakshari.
rajya diya ja sakta hai, sir bhi samarpit kiya ja sakta hai parantu shrividya ka shodshakshari mantra kabhi nahin diya ja sakta. tab prashn hoga ki fir yah sansar ko kaise prapt hua! to nityashodshikarnav kahta hai -
karnat karnopdeshen sampraptamavanitle.
yah vidya karnaparampara se arthat guru parampara se bhutal par ayi.
shrividya ki upasna
in bhagvti ki upasna shrichakra (shriyantra) par ki jati hai. kaha jata hai- ‘shrichakram shivyorvapuah’. yah chakra shivashiv donon ka sharir hai. suvikhyat shriyantra men samagra brahmand ki utpatti tatha vikas dikhlae gaye hain aur sath hi sath yah yantra manv-sharir ka bhi dyotak hai. is shriyantra ke kramon tatha mahatva ko lekar anek granth likhe gaye hain. shriyantra men nau chakra hote hain jinhen nav avrnon ke nam se jana jata hai. is shriyantra ki nav avrnmyi puja sarvashreshth puja mani jati hai. is puja paddhati ka sangopang vivechan subhgoday stuti, saundaryalhri tatha lalitatrishti adi granthon men milta hai.
shrividya sadhna ka kram is prakar hai:
- sarvapratham bhut shuddhi v pranayam karen.
- kundalini stuti v guru pradatt ajpajap vidhi sanpann karen.
- gayatri, ganesh, batukbhairav, kuldevta, kuldevi, matangi, vartali, balatripursundri adi ka smaran karen.
- sankalp karke deharaksha ke mantron ka uchcharan karen.
- shriyantra ki pranapratishtha karke, upasthan sahastrakshari v prastar sahastrakshari ka path karen.
- vibhinn nyas, patrasadhan, visheshaghrya, shrichakrantaryag, avahan, shodshopchar pujan v chaturayatan puja karen.
- ab navavrnmyi puja sanpann karen. ise mahapuja kaha jata hai jismen mudraon ka prayog avashyak rup se hota hai. shriyantra ke nav avaran navachakra kahlate hain. trailokyamohan, sarvashapripurak, sarvasankshobhan, sarvasaubhagyadayak, sarvarthasadhak, sarvarakshakar, sarvarogahar, sarvasiddhiprad aur sarvanandamay. inki adhishthatri navachakreshvari hai. shrichakra ki avrnpuja se purva layang puja, shadangarchan, nityadevipujan aur gurumandlarchan hota hai. bad men navavrnmyi puja hoti hai. navavaran ke pashchat panchalakshmi, panchkoshamba, panchakalpalata, panchkamdugha aur pancharatnamba ka pujan hota hai. bad men shadadarshan vidya shadadhar puja evan amnay samashti puja hoti hai.
- uprokt avrnmyi puja ke bad guru, parmguru v parmeshthi guru ka pujan karke shrividya ke mantra ka jap karen
- bhavnopnishad, lalitasahastrranam v lalitatrishti ka path.
- tatpashchat trailokyamohan kavach ka path karen.
- puja ka samapan shrisukt, arunopnishad v saundaryalhri ke path se karen.
shrividya ke adhikari
shrichakrangrsamragyai paramba shodshi shrividya bhagvti rajrajeshvari shrillitamhatripursundari ki sadhna ke sabhi adhikari hain. charon varn, charon ashram, gyani-agyani, shuddhachitt aur ashuddhachitt, yajnshil aur ayjnshil (shudradi) bhi is sadhna ke adhikari hain. is shrividya ki upasna karne vala svarg ki apeksha hi nahin rakhta, kyonki is upasna se isi sharir men use svarg se bhi barhakar brahmanand ras ka asvad hone lagta hai. is sadhna men guru diksha ka hona parmavashyak hai.
adi guru shankracharya ne shriyantra ki adhishthatri devi shrividya ki vidhivat upasna ke lie char shankar pithon men anavarat shrividya upasna ki vyavastha ki jo aj bhi chal rahi hai. in char pithon men jagadguru shankracharya ki gaddi par asin guru se shrividya ki diksha prapt ki ja sakti hai. jinke pas diksha nahin hai ve saundaryalhri, lalitasahastranam, tripursundari ashtakam, shrisukt, arunopnishad, bhavnopnishad, shodshopchar manspuja adi stotron men se kisi ek ka nityaprati parayan karke athva inka nam japakar bhi inka anugrah prapt kar sakte hain.
dipavli par vishesh
ap ratn, sfatik ya svarnayukt shri yantra ghar men sthapit karen. ise panchamrit v gangajal se shuddh kar roli se pujan karen. shri sukt v lakshmi sukt ka path karen. sfatik mala par shrividya diksha n hone ki sthiti par nimn mantra ka jap karen.
un shri shri lalitamhatripursundaryai shri mahalakshmyai namah.. ya un shrin hrin shrin mahalakshmyai namah..
dikshit hone par ap uprokt shodshi mahamantra ka jap bhi kar sakte hain. is prakar ap shrividya sadhna kar apne jivan ko dhan-dhanya evan aishvarya sampann kar sakte hain.