darshaniya hai shri narsinh sthan dae. rakesh kumar sinh ‘ravi’ adi-anadi kal se dharmaparayan mahimamay desh bharatavarsh men jagatniyanta vishnu bhagvan ki pujarchana kitne hi rupon men ki jati hai. ismen dashavtaron ka mahattva akshunn hai.
samy-samay par jagat ke kalyanarth bhagvan shri hari ne jagtodvar ka marg prashast karne ke kram men jin das rupon ko dharan kiya unhen hi dashavtar kaha gaya hai jismen ‘nrisinh avtar’ ko dashavtar kram men chaturth sthan prapt hai. itihas gavah hai ki shri vishnu bhagvan bhakt prahlad ke antarnad par hiranyakshipu ko marne ke lie adhe purush aur adhe sinh ke rup men is dharadham par avtrit hue.
isi karan bhagvan ke is chaithe avtar ko nrisinh ya narsinh avtar kaha jata hai. vidvanon ka manna hai ki prithvi ke vikas kram men tarshiyari upakalp ke aeligosine evan maiyosin yug men nrisinh ka janm hua tha.
vaise to sanpurn desh men nrisinh dev ke kitne hi pujan tirth hain jinmen shri yog nrisinh bhagvan, yadvadri, nrisinh dev-maihar, shri nrisinh mandir obilam, shri nrisinh nath (paik mala) sanblpur, shri ugra narsinh hampi, shri panna nrisinh mandir manglgiri, tirupti nrisinh badi (shirol) kolhapur, nrisinh mandir gaya, nrisinh- sthan, kochchi, nrisinh sthan (nrisinh tila) datiya, nrisinh tekri - onkareshvar, hajari bag ka nrisinh sthan, karar ka kol nrisinh, kurdabadi ka narsinh devalay, jharni nrisinh, baijnath adi ka nam shraddha-bhakti ke sath liya jata hai. par in sabon ke madhya hajaribag ke nrisinh sthan ka vishesh man hai jo chamatkari shakti se paripurn manokamnapuran kendra ke rup men dur-desh tak prasiddh hai.
sanpurn uttari chotanagpur prakshetra ke madhyakalin jagrat tirthon men se ek narsinh sthan hajaribag jila mukhyalay se karib 8 kimi. ki duri par hajaribag - barkaganv marg par avasthit narsinh sthan mor se takriban do kimi. andar kupriyanva gramin kshetra ke bahri chor par hai. yahan tak jane ke lie chote- bare vahan hajari bag se sahaj men hi mil jate hain.
is sthan ke vidhivat darshana-pujan, prachin itihas se jure tathyon ke adhyayan, anushilan aur devalyane ke jankar tirtha-vipron se li gai jankari se spasht hota hai ki pahle vadas rajya tatpashchat ramagarh rajya ke raja hemant sinh ke rajya men siris-kutunba ke pahunche hue brahman vidvan damodar mishra ka 500 varsh purva is kshetra men dev adesh se agaman hua jahan hajaribag se dakshin konar nadi ke tat par vishal sarovar ke kinare suramya van-prantar kshetra dur-dur tak shobhayman tha.
age isi sthan par pan. damodar mishra ne sanvat 1645 i. men nrisinh devta ki sthapna ki. tab yahan ek kakshiya khaprail bhavan men pashan khand ka taekha banakar dev-vigrah sthapit kiya gaya. kahte hain baba bare hi uchch koti ke sadhak the tabhi to ramagarh riyasat ke raja ne inhen 22 ekar mauja ki jamindari pradan ki thi.
aj bhi yahan ke pujari inhin ke vanshaj hain. shri narsinh mandir ke thik dusri taraf ek prachin gahra kuan hai aur kuch aisa bhi kahte hain ki pan. mishra ko shri nrisinh nath ka yah prabhavotpadak dev vigrah vahin hone ki jankari nidra men mili. vastutah prapt hone par usi ko yahan sthapit kar diya gaya. murti ka nirikshan karne par iska murtishilp spashtatah palkal ka drishtigochar hota hai.
bad ke samay men bhi is mandir ka kuch-kuch karya hota raha par iske jirnodvar ka kal 1995 ka hai jab sva. madhusudan pathak ke putra shri lanbodar pathak ne jay shiv narsinh seva sansthan ke saujanya se hajari bag ke nagrikon evan graminon ki sahyog rashi dvara ise naya chittakarshak rup-rang pradan kiya.
mandir parisar pahunchte hi iske vishal alankrit dvar aur uske upar bani garur ki ati akarshak pranamya mudra ki pratima bhakton ke svagtarth pratit hoti hai. mandir men pravesh karte hi iske 28 fit unche alankrit shikhar ka darshan hota hai jo nau pahal yukt v akarshak kamaladal ki minakari se susajjit hai.
is mandir ke nirman men ank 24 ka prabhav visheshakar is karan hai ki bhagvan shri vishnu ke kul avtaron ki sankhya multah 24 hi hai jinmen shri nrisinh nath 14 ve kram par ganya hain. mandir men pravesh karne ke purva ek vishal baramde se hokar gujrna hota hai jo 24 stanbhon par avlanbit hai.
isi ke ek taraf hanuman ji ka sthan aur thik samne nrisinh dev mandir ka dvar hai. yahan ki divaron par dharmik vishyon ke kathankon se jure chitrane ka sundar chitran dekhakar tan-man bhakti ras men sarabor hota chala jata hai. mandir ke garbha-grih men pravesh karte hi pithasth shakti ka sakshat anubhav hota hai. garbhagrih men takhe ke thik bichobich vastrabhushnon se susajjit bhagvan narsinh ka dev-vigrah dekhte hi chitt men asim shanti milti hai.
isi taekhe par ek taraf navagrah v gauri shankar to dusri taraf surya narayan, panchmukhi mahadev, gauri shankar v narad ji ka pujan sthan hai. garbhagrih ki sajavat v uski jhanki darshaniya hai. mandir ke ek pujari shri upendra prasad mishra batate hain ki yah mandir pratyek din subah char baje se dopahar ek baje tak aur fir dopahar tin baje se ratri ath baje tak bhakton ke darshanarth khula rahta hai.
is mandir ke thik dusri taraf dashavtar mandir dekhne layak hai jahan sabhi das mandir ek hi rup v prakar ke nirmit hain par chaithe sthan ke mandir men baba narsinh ka vigrah n hokar lakshmi-narayan vidyaman hai. is par mandir ke pujari shri giridhari mishra batate hain ki baba damodar mishra ke ray-vichar se hi aisa kiya gaya hai. isi dashavtar mandir ke ek taraf man kali mandir v dusri taraf lakshmi narayan mandir virajman hai.
iske age ke bhag men mahamaya siddheshvari devi ji ka sthan hai. kahte hain narsinh pujan men man siddheshvari ji ka pujan bhi avashyak he. shri nrisinh ji ka bij mantra ‘‘un kshaum’’ hai. vaise to narsinh sthan men sal ke sabhi din bhakton evan darshakon ka agaman bana rahta hai. par har varsh vaishakh purnima ke thik ek din purva nrisinh chaturdashi ko yahan vishal mela lagta hai. vaise yahan ka tin divsiya kartik mela bhi vikhyat hai.
lagabhag panch ekar bhumi men vistrit baba narsinh dev ka yah sthan aj shadi -byah, ropna, larka-larki ki dekh dikhai v anyanya samajik samarohon ki sthali ke rup men bhi khub nam kama raha hai. hajari bag ke nivasi raghvendra sharan sahay kahte hain ki baba sabhi bhakton ke manorthon ko avashya purn karte hain.
sachmuch jharkhand ki dharti par avasthit darjanon devalyon ke madhya shri nrisinh sthan ki mahta v prasiddhi dinodin barhte jana is bat ka dyotak hai ki yahan ek bar bhi ane vale baba ke bhakt sada-sarvada ke lie ban jate hain. shasya-shyamla bhumi par lagabhag 500 varshon se virajman is dev sthal ki prasiddhi v mahima ka gan pure desh men hai.